MATEUS 8:8 - Ombibeli Iyapuki

⁸ Ndele omunefele okwe mu nyamukula ndele ta ti: “Omwene, ame inandi wana u uye monduda yange; ndele tonga ashike ondjovo imwe, omumati wange opo ta veluka.

MATEUS 8:8 Referans Kwoze

OMAPSALOME 107:20

Oye okwa tuma ondjovo yaye nokwe va velula noku va xupifa mombila.

OMAPSALOME 33:9

Osheshi Ye okwa popya, ndele sha ningwa, okwa lombwela, ndele osha monika.

MATEUS 8:3

Oye okwa nana eke laye, e mu kuma ndele ta ti: “Onda hala, yela!” Opo tuu opo a yela koshilundu shaye.

JOHANNES 1:27

Oye tuu ou te uya konima yange, ndele ame inandi wana okuditula omiya deenghaku daye.”

LUKAS 5:8

Ndele Simon Petrus eshi e shi mona, okwa twa eengolo keemhadi daJesus ndele ta ti: “Omwene, dja po pwaame, osheshi aame omulunde.”

MATEUS 3:11

Ame ohandi mu shashe nomeva mu lidilulule, ndelenee ou ta di konima yange, e dule nge eenghono, ame inandi wana nande oku mu humbatela eenghaku daye. Oye te mu shashe nOmhepo Iyapuki nomundilo.

LUKAS 15:21

Ndele omona okwe mu lombwela: ‘Tate, onda nyona keulu nokwoove, ame inandi wana vali okwiifanwa omona woye.’

LUKAS 15:19

ndele ame inandi wana vali ndi ifanwe omona woye, tambule nge ngaashi umwe womovapiya voye.’

MATEUS 3:14

Ndelenee Johannes okwe mu anya ndele ta ti: “Ame onda pumbwa okushashwa kwoove, ndelenee ove to uya kwaame!”

NUMERI 20:8

“Kufa onhaili, shiva eongalo, nye nomumwanyoko Aron, ndele lombweleni emanya moipafi yavo. Opo nee lo otali ka yandja omeva alo. Osho ngaha hano to va kungulukifile omeva, ndee to nwefa eongalo noimuna yavo.”

OMAPSALOME 10:17

Omwene, Ove ho udu odjuulufi yovalininipiki; Oove ho pameke omitima davo; nokutwi kwoye to ku ehenifa kuvo,

GENESIS 32:10

Ame inandi wanena onghenda aishe noudiinini aushe Ove we u ningila omupiya woye. Osheshi ame onda tauluka Jordan ndi na odibo aike, ndele paife onda ninga eenhanda mbali.

MATEUS 8:7

Jesus okwa tya kuye: “Ohandi uya ndi ke mu velule.”

MATEUS 8:9

Osheshi naame yo omunhu omupangelwa, ndele ame ondi novakwaita handi va pangele, ndele handi lombwele ou: ‘Inda,’ ndele ta i, nomukwao: ‘Ila,’ ndele te uya, nomumati wange: ‘Longa shonhumba,’ ndele te shi longo.”