MATEUS 8:4 - Ombibeli Iyapuki

⁴ Ndele Jesus okwe mu lombwela: “Tala, ino shi lombwela nande olyelye, ndele inda u ke liulike komupristeli, ove u ka yandje oshali sha tongwa kuMoses, shi va ningile ondobwedi.”

MATEUS 8:4 Referans Kwoze

LUKAS 17:14

Ndele eshi e va mona, okwa tya kuvo: “Indeni mu ke liulikile kovapristeli.” Hano opa ningwa fimbo tava i, ova veluka.

LUKAS 5:14

Ye okwe mu kumaida ehe shi hepaululile nande omunhu, ndele a tya: “Inda u ke liulikile omupristeli, ove u ka yandjele eveluko loye eyambo, ngaashi Moses a tile, opo li ninge ondobwedi kuvo.”

MARKUS 7:36

Ye okwe va kelela vehe shi lombwele nande omunhu, ndele nande okwe shi va kelela shili nokukumaida, ove shi hepaulula.

MATEUS 9:30

Nomesho avo a twikuluka. Jesus okwe va kumaida neenghono ndele ta ti: Taleni, eshi shiha udike nande okomunhu.

MARKUS 6:11

Ndele oko itamu tambulwa ko, nye itamu pwilikinwa, djeni ko nye mu pupule ondwi koshi yeemhadi deni, i ninge ondobwedi kuvo.”

MARKUS 5:43

Ndele Ye okwe va kumaida shili, vehe shi lombwele nande olyelye, ndele okwe va lombwela ve ka pe oikulya.

MATEUS 17:9

Ndele eshi va li tava londoloka komhunda, Jesus okwe va anda ko: “Emoniko eli inamu li hepaululila nande omunhu, Omona wOmunhu fimbo ina nyumuka koufi.”

MATEUS 10:18

ndele tamu twalwa komalenga nokeehamba omolwange, shi va ningile ondobwedi, moipafi yavo noyovapaani.

MATEUS 6:1

“Lungameni okutalifa ouyuki weni moipafi yovanhu mu monike kuvo; ndele ngeenge tamu u talifa, kamu noshipewa kuXo yeni meulu.

MATEUS 5:17

“Inamu diladila Ame nde uya okudima po omhango novaxunganeki; inandi uya oku di dima po, ndelenee oku di wanifa.

JESAJA 42:21

Omolwouyuki waye sha wapalela Omwene okuninga omhango oyo inene i noshinge!

JOHANNES 8:50

Ndele haame handi kongo efimano lange mwene, oku na umwe te li kongo nota tokola.

JOHANNES 7:18

Ou ta tongo muye mwene, ota kongo efimano laye mwene, ndele ou ta kongo efimano laau e mu tuma, oye omunashili, noipupulu kai mo muye.

JOHANNES 5:41

“Ame ihandi tambula efimano kovanhu;

LUKAS 21:13

Ndele eshi tashi mu pe onhele yokuhepaulula.

MARKUS 8:30

Ye okwe va kumaida neenghono, vehe mu popye nande okulyelye.

MATEUS 16:20

Opo nee okwa kelela ovalongwa vaye vehe shi tonge nande okomunhu nokutya, Oye Kristus.

MATEUS 3:15

Ndelenee Jesus okwe mu nyamukula ndele ta ti kuye: “Itavela tuu nena, osheshi osho oshe tu wapalela okuwanifa ouyuki aushe.” Opo nee ye e mu itavela.

MARKUS 13:9

“Ndele lilungameneni nye vene. Otave ke mu yandja koiongalele yovakulunhu, ndele tamu ka dengelwa meeshinagoga, ndele tamu ka twalwa koipala yomalenga noyeehamba molwange mu ninge ondobwedi kuvo.

LEVITIKUS 13:49

ndele onhele ya hangika koudu i li moshikutu ile moshipa ile meengodi da poshelwa kumwe ile momutonyeno ile mushimwe sha hondjelwa oshipa, hano onhele ei ngeenge ya fa omafo a hapa ile i tilyana, opo nee oo oudu woshilundu, vo ve i ulikila omupristeli.

MARKUS 3:12

Ye okwe di hanyena neenghono, dihe mu holole.

MARKUS 9:9

Ndele eshi tava londoloka komhunda, okwe va kumaida vaha hepaululile nande omunhu eshi ve shi mona ko, fimbo Omona wOmunhu ina nyumuka koufi.

LUKAS 4:41

Ndele eendemoni oda dja mo muvahapu, oda ingida tadi ti: “Oove Omona waKalunga.” Ye okwe di hanyena, Ye ina efa di popye, osheshi oda li di mu shii nokutya, Oye Kristus.

LUKAS 8:56

Novakulunhu vako ova kumwa, Ye okwe va kelela okuhepaululila nande omunhu eshi sha ningwa po.

LUKAS 9:21

Ye okwe va kumaida shili, vehe shi hepaululile nande omunhu,