MATEUS 7:22 - Ombibeli Iyapuki

²² Efiku olo vahapu otava ti kwaame: ‘Omwene, Omwene, hafye tuu ovo twa xunganekele medina loye notwa ta mo eendemoni medina loye notwa longa oilonga ihapu yeenghono medina loye?’

MATEUS 7:22 Referans Kwoze

2 TIMOTEUS 1:12

Olo tuu eli handi hepekelwa ngaha, ndelenee itandi fi ohoni, osheshi ame ondi mu shii ou nde mu lineekela, ndele ondi shi shii shili, Oye oku neenghono dokutuvikilila nge oshipewa shange fiyo okefiku linya.

2 TIMOTEUS 4:8

Opo nee nda tuvikililwa oshishani shouyuki handi ke shi pewa mefiku linya kOmwene, omutokoli omuyuki, ndelenee haame andike, naaveshe ava ve hole eholoko laye.

JOHANNES 11:51

Ndele eshi ine shi tonga muye mwene, ndele shaashi okwa li omupristeli omukulunhu omudo winya, okwa xunganeka, Jesus oku nokufila oshiwana,

NUMERI 24:4

Osho ngaha omuudi weendjovo daKalunga ta popi; ou ta mono omamoniko Omunaenghono adishe; ou ta wile poshi ndele e nomesho a pashuka.

1 OVATESSALONIKI 5:4

Ndelenee nye ovamwatate, kamu li momulaulu, efiku olo lihe mu hange ngeno ngaashi omulunga;

LUKAS 10:12

Ndele ohandi mu lombwele, oSodom tashi ka ninga hixwe efiku olo shi dule oshilando osho.

MATEUS 25:11

Ndele konima oukadona vakwao yo ve uya, ndele tava ti: ‘Omwene, Omwene, tu yeulula!’

MATEUS 24:36

“Ndelenee efiku olo notundi oyo kape na ou e i shii, nande ovaengeli vomeulu, ile Omona, Tate Oye aeke.

MATEUS 7:21

“Hakeshe ou ta ti kwaame: ‘Omwene, Omwene!’ ta i mouhamba womeulu, ndelenee oye tuu ou ha longo ehalo laTate womeulu.

JESAJA 2:17

Opo nee okulitumba kwovanhu otaku dengwa poshi, nelinenepeko lovalumenhu otali xutulwa, nOmwene Oye aeke ta ka kala munene mefiku olo.

JESAJA 2:11

Omesho ovanhu ve hole ounhwa taa ka ninipikwa, nelitumbo lomulumenhu otali ka xutulwa; Omwene Oye aeke ta ka kala mefiku olo munene a fimana.

2 TIMOTEUS 1:18

Omwene ne mu kwafe, ye na mone onghenda kOmwene mefiku linya. Oove mwene u shi shii nawa, nhumbi ye a yakula nge shili muEfeso.

2 OVATESSALONIKI 1:10

mefiku olo te uya okuvadimifwa movayapuki vaye nokukuminwa movaitaveli vaye aveshe, osheshi onye omwa itavela ehepaululo twe li mu udifila.

MATEUS 10:15

Oshili handi mu lombwele: edu laSodom nolaGomorra otali kala lixwepo, li dule oshilando osho efiku letokolo.

NUMERI 31:8

Mokati kovadipawa vakwao va dipaa yo eehamba dOvamidian: Evi naRekem naSur naHur naReba, eehamba nhano daMidian. Vo ova dipaa yo Bileam yaBeor neongamukonda.