MATEUS 7:15 - Ombibeli Iyapuki

¹⁵ “Ndelenee lungameni ovaxunganeki ovanaipupulu, ava have uya kunye moipa yeedi, ndele meni lavo ovo omambungu haa lyaana.

MATEUS 7:15 Referans Kwoze

1 JOHANNES 4:1

Ovaholike, inamu itavela keshe omhepo, ndelenee yelekeni eemhepo, ngeenge oda dja tuu muKalunga; osheshi ovaxunganeki ovanaipupulu vahapu ova ya mounyuni.

MATEUS 24:11

Ndele otaku uya ovaxunganeki ovanaipupulu vahapu, ndele tava pukifa vahapu.

OVAKOLOSSI 2:8

Lungameni, paha kale umwe te mu yulifa ounongo wovanhu nomapukifo ongaho, te likwatelele meenghedinghulu nomoihovelanghono younyuni, hamuKristus.

EHOLOLO 19:20

Noshilyani osha kwatwa pamwe nomuxunganeki omunaipupulu, ou kwa li ha ningi omadidiliko moipafi yasho, nokwa hongaula nao venya va tambula edidiliko loshilyani ndele ve linyongamena koshiyelekela shasho, vo vavali ova ekelwa ve nomwenyo mombwili yomundilo wa ehelifwa osulfuri.

JUDAS 1:4

Osheshi oku novanhu vamwe ve livakela mo meongalo leni, ava va shangelwa nale etokolo eli, ovahenakalunga, efilonghenda laKalunga ketu otave li pilike pailonga yavo youhalu ndele tave likale Jesus Kristus, ou Omupangeli nOmwene wetu umwe aeke.

MIKA 3:11

Ovakulunhu vasho, eendjovo otave di tokolele ombubo. Novapristeli vasho otava longele ofuto, novaxunganeki tava xunganekele oimaliwa. Nande ongaha, vo otave liameke kOmwene, ndele tava ti: “Omwene ita kala hamba mokati ketu? Kape noshiponga tashi ke tu hanga.”

2 PETRUS 3:17

Hano nye ovaholike, eshi mwe shi shiiva fimbo inashi uya, kaleni mwa londoka, muha twalwatwalwe komapukifo eembwada, nye muha we mo mekanghameno leni la pama.

LUKAS 6:26

“Woo nye, ava ovanhu aveshe tave mu popile mouwa, osheshi osho tuu ngaha ooxe va ningila ovaxunganeki ovanaipupulu.

2 TIMOTEUS 3:13

Ndelenee ovanhu vai novakengeleledi otava ka ehena komesho mowii nokupukifa nokupuka.

2 TIMOTEUS 4:3

osheshi otape uya efimbo vo tava kenyanana elongo la yuka, ndelenee pauhalu wavo otave ke likongela ovalongi ngaashi omatwi avo taa nyuwa.

OVAFILIPPI 3:2

Lungameni eembwa odo, lungameni ovalongi ovo vai, lungameni ovo va pitifwa nai etanda.

OVAEFESO 4:14

tuha kale vali ouhanana hava telaanifwa nohava fungafungifwa keemhepo adishe delongo nomomanyanekelodanauko ovanhu nomomakonda omalungameno, omapukifo,

OVAGALATI 2:4

Ndele molwovamwatate ava ovanaipupulu, ve livakela mokati ketu, va hondjaunine okulava elipangelo letu tu li kwete muKristus Jesus, ve tu pike ngeno,

LUKAS 12:15

Ndele Ye okwe va lombwela: “Pashukeni nye mu lungame keshe tuu olwisho, osheshi omwenyo womunhu ihau xupifwa kouhapu weliko laye.”

HESEKIEL 22:27

Eehamba domusho odi li ngaashi omambungu taa nyanyaula oshikwatomwa: do otadi tileshi ohonde, tadi kanifa eemwenyo, opo ve lilikolele eliko loulunde.

EHOLOLO 16:13

Ndele nda mona mokanya kongadu nomokanya koshilyani nomokanya komuxunganeki omunaipupulu mwa dja eemhepo nhatu da nyata, da fa omafuma;

OVAEFESO 5:6

Paha kale ou te mu pukifa neendjovo dongaho, osheshi omolwaai ehandu laKalunga otali hange ovana vokuhadulika;

OILONGA YOVAYAPOSTOLI 13:40

Litaleni hano, muha hangike kwaashi sha popiwa kovaxunganeki:

JOHANNES 10:12

Ndelenee omulongeli wondjabi ou ehe fi omufita, needi dihe fi daye mwene, ota mono embungu tali uya, oye te di fii po ndele ta i onhapo; nembungu tali di kwata noku di halakanifa.

MATEUS 16:11

Ongahelipi inamu koneka kutya, Ame inandi popya omingome, ndelenee livangekeni onhafi yOvafarisai noyOvasadukai.”

MATEUS 16:6

Ndele Jesus ta ti kuvo: “Taleni, livangekeni onhafi yOvafarisai noyOvasadukai.”

MATEUS 10:17

Ndelenee lungameni ovanhu, osheshi otave mu yandje koiongalele yovatokoli ndele tave mu dengele meeshinagoga davo;

SAKARIA 13:4

Mefiku tuu olo keshe omuxunganeki ngeenge ta xunganeke ota fi ohoni molwemoniko laye. Vo itava ka djala vali oshikutu sholududi va fufye ovanhu.

HESEKIEL 22:25

Ehangakeno lovaxunganeki vasho li li musho, ngaashi onghoshi tai kumbu, tai nyanyaula oshikwatomwa, vo ohava li eemwenyo, hava kufa omamona noinima i nondilo. Vo hava hapupalifa omuvalu wovafiyekadi.

HESEKIEL 13:22

Nye eshi mwa nyikifa omitima dovayuki oluhodi noipupulu, nande Ame nda li inandi hala oku mu nyikifa oluhodi, ndele mwa pameka omake omuhenakalunga, opo ye ehe lialuluke kondjila yaye ii, a kale nomwenyo.

HESEKIEL 13:16

nokutya, ovaxunganeki vaIsrael hava xunganekele Jerusalem ndele tave shi monene omamoniko ombili, nande ombili kai po, Omwene Kalunga ta ti.

JEREMIA 29:32

onghee Omwene ta ti. Tala, Ame onda hala okuhandukila Shemaia, Omunehelami noludalo laye. Ye ota ka kala ehe namukwao, ou ta kala mokati kovanhu ava. Omesho aye itaa ka tala ouwa ou handi ke u ningila oshiwana shange, Omwene osho ta ti, osheshi ye okwa udifa eliteeko okuliteeka Omwene.’ ”

JEREMIA 29:21

‘Omwene womatanga ovakwaita, Kalunga kaIsrael, mokupopya Ahab yaKolaja naSedekia yaMaasea, ava have mu xunganekele oipupulu medina lange, Ye ota ti: Tala, Ame ohandi va yandje momake aNebukadnesar, ohamba yaBabilon, ye ote ke va dipaifa moipafi yeni.

EHOLOLO 17:6

Ndele onda mona omukainhu a kolwa kohonde yovayapuki noyeendobwedi daJesus, ndele nda kumwa nonghumwe inene, eshi nde mu mona.

OILONGA YOVAYAPOSTOLI 13:6

Ndele eshi va endaenda onhunhu ei aishe fiyo omuPafo, ova hanga mo omhule, omuxunganeki omunaipupulu, Omujuda, edina laye Barjesus.

1 EEHAMBA 13:18

Ndelenee ye ta ti kuye: “Naame yo omuxunganeki ngaave, ndele omweengeli okwa lombwela nge pandjovo yOmwene ndele ta ti: ‘Mu twala pamwe naave keumbo loye, opo a lye omungome ndele a nwe omeva.’ ” Ye okwe mu lombwela oipupulu.

DANIEL 11:34

Ndele fimbo tava hepekwa, otava mono ekwafo linini, opo nee vahapu otave ke litula muvo nelungi.

MATEUS 7:14

ndele oshivelo oshinini nondjila oya finana ei tai twala momwenyo, novanini vongaho ovo tave i mono.

EHOLOLO 20:10

Ndele Satana ou e va pukifa okwa ekelwa mefuta lomundilo nolosulfuri, omo mu na yo oshilyani nomuxunganeki omunaipupulu, ovo tava ka hepekwa omutenya noufiku alushe fiyo alushe.