MATEUS 6:5 - Ombibeli Iyapuki

⁵ “Ndele ngeenge tamu ilikana, inamu kala ngaashi ovanaihelele; osheshi ve hole okukala ofika nokwiilikana meeshinagoga nopomashakeneno eendjila, va monike kovanhu. Oshili handi mu lombwele: ovo va pewa ondjabi yavo.

MATEUS 6:5 Referans Kwoze

MATEUS 6:2

“Onghee hano, ngeenge to yandje oikwafa yeehepele ino tetekelifa okushika enghuma ngaashi ovanaihelele hava ningi omeeshinagoga nomeendjila, opo va fimanekwe kovanhu. Oshili ohandi mu lombwele: vo ova pewa ondjabi yavo.

LUKAS 18:13

Ndele omufendelifi okwa kala ofika kokule, ye ina hala okuyelula omesho keulu, okwe lidenga ponhulo yaye ndele ta ti: ‘Kalunga, file nge onghenda, aame omulunde.’

MARKUS 11:25

Ndele nge tamu kala ofika tamu ilikana, kufilei po, ngeenge mu na sha namukweni, Xo yeni yomeulu e mu kufile po yo omatauluko eni.

JEREMIA 29:12

Opo nee nye otamu ka ifana nge ndele tamu ke uya ko ndele tamu ilikana nge, ndele Ame handi ke mu uda.

JESAJA 1:15

Ndele Ame ohandi mu fifimana nomesho ange, ngeenge tamu yelula omaoko eni; nonande mu indile omaindilo mahapu, itandi a udu: osheshi omake eni oku yadi ohonde.

LUKAS 20:47

ovovo hava li omaumbo ovafiyekadi ndele hava ningi omailikano malemale pamoniko, ovo tuu tava ka mona etokolo lidjuu unene.”

JAKOB 4:6

Ndelenee ye ota yandje efilonghenda linene unene. Onghee tapa tiwa: “Kalunga oku tonde ovalinenepeki, ndelenee ovalininipiki te va file onghenda.”

LUKAS 18:1

Ndelenee Ye okwe va lombwela efaneko nhumbi ve nokwiilikana vaha loloke,

DANIEL 6:10

Opo tuu Daniel eshi a uda oshipango eshi sha shangwa, okwa ya keumbo laye. Ndele mondjuwo yaye yokombada mwa kala omakende a yeuluka a taalela kuJerusalem. Ndele lutatu mefiku ye a twa eengolo pekende ndele ta ilikana Kalunga noku mu hambelela, ngaashi a kala ha ningi shito.

OVAEFESO 6:18

Eshi shi ningeni nomailikano nomaindilo aeshe nokwiilikana alushe mOmhepo ndele molwaasho kaleni mwa pashuka moudiinini aushe nokwiilikanena ovayapuki aveshe;

LUKAS 11:43

Woo nye Ovafarisai, eshi mu hole oipundi yokomesho moshinagoga nokupopifwa pomalandelo.

MATEUS 21:22

Nakeshe eshi tamu shi indile meilikano nokwiitavela, otamu shi pewa.”

OMAPSALOME 55:17

Onguloshi nongula nomutenya ohandi lili nokunyemata, opo Ye ota udu ondaka yange.

OMAPSALOME 5:2

Akutu, Ohamba yange naKalunga kange, uda elilo lange lopombada, osheshi kwoove oko handi eta eindilo lange.

1 OVATESSALONIKI 5:17

Ilikaneni muhe nedimbuko.

JOHANNES 16:24

Fiyo onena onye inamu indila sha medina lange. Indileni ndele tamu pewa, ehafo leni li kale la wanenena.

MARKUS 12:38

Ndele mokulonga ovanhu Ye okwa tya: “Lungameni ovanongo vomishangwa, ovo va hokwa okweenda va djala oikutu ile, nove hole okukundilwa poilandelo,

MATEUS 9:38

Ilikaneni hano Omwene weteyo, a tume ovatei keteyo laye.”

MATEUS 23:13

“Woo nye, ovanongo vomishangwa nOvafarisai, ovanaihelele nye, eshi tamu idilile po ovanhu oshivelo shOuhamba wokeulu. Osheshi onye vene itamu i mo, ndele tamu kelele ovo va hala okuya mo.

OMAYELETUMBULO 16:5

Keshe ou e nomutima we linenepeka, ye oixuna koshipala shOmwene. Oshili, ye ita ka kala ita handukilwa.

MATEUS 23:6

nove hole peenhele dokomesho moivilo nomomalukalwa okombada omeeshinagoga,

OMAYELETUMBULO 15:8

Eyambo lomuhenakalunga olo oixuna koshipala shOmwene, ndelenee eindilo lomuyuki Ye te li hokwa.

MATEUS 6:16

“Ndele onye ngeenge tamu lidilike oikulya, inamu kala noshidimbi moshipala ngaashi ovanaihelele, osheshi vo ohava lulike oipala yavo, opo ovanhu va koneke ove lidilika oikulya. Oshili handi mu lombwele: ovo va pewa ondjabi yavo.

MATEUS 6:1

“Lungameni okutalifa ouyuki weni moipafi yovanhu mu monike kuvo; ndele ngeenge tamu u talifa, kamu noshipewa kuXo yeni meulu.

MATEUS 23:5

Noilonga yavo aishe ohave i longo, va monike kovanhu. Oipeko yavo yomatumbulo omOmbiibeli ohave i taula inene, neenyemba doikutu yavo odiledile,

LUKAS 6:24

“Ndelenee woo nye oipuna, osheshi ehekeleko leni omwe li mona nokuli.