MATEUS 6:2 - Ombibeli Iyapuki

² “Onghee hano, ngeenge to yandje oikwafa yeehepele ino tetekelifa okushika enghuma ngaashi ovanaihelele hava ningi omeeshinagoga nomeendjila, opo va fimanekwe kovanhu. Oshili ohandi mu lombwele: vo ova pewa ondjabi yavo.

MATEUS 6:2 Referans Kwoze

MATEUS 6:5

“Ndele ngeenge tamu ilikana, inamu kala ngaashi ovanaihelele; osheshi ve hole okukala ofika nokwiilikana meeshinagoga nopomashakeneno eendjila, va monike kovanhu. Oshili handi mu lombwele: ovo va pewa ondjabi yavo.

MATEUS 6:16

“Ndele onye ngeenge tamu lidilike oikulya, inamu kala noshidimbi moshipala ngaashi ovanaihelele, osheshi vo ohava lulike oipala yavo, opo ovanhu va koneke ove lidilika oikulya. Oshili handi mu lombwele: ovo va pewa ondjabi yavo.

JOHANNES 5:41

“Ame ihandi tambula efimano kovanhu;

OVAHEBERI 13:16

Inamu dimbwa okulonga ouwa nokutukula mwaayo mu i kwete, osheshi omayambo a tya ngaha Kalunga e a hokwa.

LUKAS 20:46

“Lungameni ovanongo vomishangwa ovo hava endaenda va djala oikutu ile, ndele ve hole okukundilwa pomalandelo, nopeenhele dokomesho moivilo, nomomalukalwa okombada omeeshinagoga,

JOHANNES 7:18

Ou ta tongo muye mwene, ota kongo efimano laye mwene, ndele ou ta kongo efimano laau e mu tuma, oye omunashili, noipupulu kai mo muye.

1 PETRUS 4:11

Ou ta popi, na popye ngaashi eendjovo daKalunga; ou ha yakula, ne shi ninge keenghono te di pewa kuKalunga; Kalunga opo a fimanekwe moinima aishe omolwaJesus Kristus. Oye e nefimano neenghono fiyo alushe. Amen.

OMAPSALOME 37:21

Omunawii ota li ongele, ndele ite i futu, ndelenee omuyuki oku na onghenda, ta dulu okuyandja oshali.

OVAEFESO 4:28

Omulunga aha vake vali, ndelenee na longe nokulongifa omake aye ouwa, opo a kale e na sha okuyandjela eehepele.

OVAGALATI 2:10

Osho ashike tu dimbulukwe eehepele, nongaashi handi shi ningi yo shili.

OILONGA YOVAYAPOSTOLI 10:4

Ndele ye okwe mu tala, a tila, ta ti: “Omwene, oshike?” Omweengeli ta ti kuye: “Omailikano oye noikwafa yoye oya fika koshipala shaKalunga noya dimbulukiwa.

HOSEA 8:1

Tula enghuma mokanya! Ngaashi onhwa kongulu yOmwene! Osheshi ova nyona ehangano lange, ndele va efa omhango yange

1 TIMOTEUS 6:18

vo nava longe ouwa, va ninge oipuna yoilonga iwa, va ninge ovayandji nokutukulilafana,

OVAROMA 12:8

ngeenge omukumaidi, na kumaide; ou ta yandje, na yandje nomutima muwa; ou omukwatelikomesho, na kwatele komesho nouladi; ou ta longo eyakulo longhenda, na yakule nehafo.

OILONGA YOVAYAPOSTOLI 24:17

“Ndelenee eshi pa pita omido dihapu, onde uya ndi etele oshiwana shetu oikwafa nondi yambe omayambo.

OILONGA YOVAYAPOSTOLI 10:31

ndele ta ti: ‘Kornelius, eilikano loye ola udika noikwafa yoye oya dimbulukiwa koshipala shaKalunga.

OILONGA YOVAYAPOSTOLI 10:2

Ye okwa li omuyuki, ha tila Kalunga pamwe neumbo laye alishe, ndele ha pe ovanhu oikwafa ihapu, ndele ta diinine okwiilikana Kalunga.

OILONGA YOVAYAPOSTOLI 9:36

Ndele muJoppa omwa li mu nomulongwa omukainhu, edina laye Tabita, mOshigreka Dorkas, otali ti ngeenge la lundululwa: omenye. Ye okwa li ha longo oilonga iwa ihapu ndele ta yandje oikwafa ihapu.

JOHANNES 13:29

Osheshi vamwe va li ve shii, Judas eshi kwa li e kwete ekutu loimaliwa, Jesus e mu lombwela: Ka lande ei twe i pumbwa moshivilo, ile a ka yandje sha keehepele.

JOHANNES 5:44

Otamu dulu ngahelipi okwiitavela, onye ava hamu tambulafana omafimanekafano, nefimaneko olo tali di kuKalunga aeke, ihamu li kongo.

LUKAS 6:42

To dulu ngahelipi okulombwela omumwanyoko: ‘Omumwameme, handi uya ndi kufe mo okambodi ke li meisho loye,’ fimbo uhe wete endangalati li li meisho loye mwene? Omunaihelele ove, kufa mo tete endangalati meisho loye mwene, opo to mono nawa, nhumbi to kufa mo okambodi ke li meisho lamukweni.

MARKUS 12:39

noipundi yokomesho meeshinagoga neenhele dopombada moivilo,

OMAYELETUMBULO 20:6

Ovanhu vahapu tave litangele ouwa wavo, ndelenee olyelye ta mono omulumenhu e shii kulineekelwa?

OMAYELETUMBULO 19:17

Ou ta filonghenda eehepele, ota tulike kOmwene. Ndele Ye ote ke mu alulila oshilonga shaye shiwa.

OMAPSALOME 112:9

Ta yandje neke lakamutuluka, neehepele ohe di pe oshali; ouyuki waye otau kala po alushe; oluvinga laye otali yeluka pombada la tumbalekwa.

FILEMON 1:7

Osheshi onda pewa ehafo linene nehekeleko molwohole yoye, osheshi omitima dovayapuki oda hekelekwa kwoove, omumwatate.

1 OVATESSALONIKI 2:6

Fye inatu konga yo okufimanekwa kovanhu, kunye ile kuvamwe,

OILONGA YOVAYAPOSTOLI 11:29

Opo nee ovalongwa aveshe va pangela omhangela okuyandja oikwafa, keshe ou shi fike peenghono daye, i tuminwe ovamwatate venya ve li muJudea.

LUKAS 13:15

Ndele Omwene okwe mu nyamukula, ta ti: “Omunaihelele ove, nanye yo ihamu pitifa mo ongobe ile okambulu keni moshuunda mEshabata, nye mu ke ka xwiile?

LUKAS 12:56

Ovanaihelele nye, mu shii okukoneka oshipala shedu nosheulu, ndele ongahelipi muhe shii okukoneka efimbo eli?

LUKAS 12:33

Landifeni po eliko leni, nye mu yandje oikwafa yeehepele, lilikoleleni omakutu ihaa kulupa, emona meulu ihali xulu po, omo ihamu hange omulunga nonhwishi itai nyonauna.

LUKAS 11:43

Woo nye Ovafarisai, eshi mu hole oipundi yokomesho moshinagoga nokupopifwa pomalandelo.

LUKAS 11:41

Eshi shomeni shi yandjeni oikwafa yeehepele, aishe notai mu koshokele.

LUKAS 6:24

“Ndelenee woo nye oipuna, osheshi ehekeleko leni omwe li mona nokuli.

MARKUS 7:6

Ndele okwa tya kuvo: “Jesaja okwe mu xunganekela da twa, nye ovanaihelele, ngaashi kwa shangwa: ‘Oshiwana eshi ohashi fimaneke nge nomilungu, ndele omitima dasho odi li kokule naame.

MATEUS 24:51

ndele te mu shashaula ndele te mu pe oshipewa shovanaihelele. Omo hamu kala elilaano nelikweshelo lomayoo.

MATEUS 23:6

nove hole peenhele dokomesho moivilo nomomalukalwa okombada omeeshinagoga,

MATEUS 22:18

Ndelenee Jesus okwa koneka oihelele yavo ndele ta ti: “Ovanaihelele nye, oshike tamu shindi nge?

MATEUS 16:3

nongula ohamu ti: ‘nena otaku uya odula yoshikungulu, osheshi eulu ola tilyana noku na oilemo ilaula.’ Nye omu shii okudidilika oshipala sheulu, ndele omadidiliko omafimbo kamu shii oku a didilika.

MATEUS 15:7

Ovanaihelele nye! Jesaja okwe mu xunganeka da twa eshi a tya:

JESAJA 58:7

Oleli, u pambulile omufindjala komungome woye, ove u idilile omapongo meumbo loye? Ngeenge to mono omunhu e li olutu longaho, mu djaleka, ove ino hondama ou ombelela yoye.

JESAJA 9:17

Onghee hano Omwene ita ka hafela ovamati vavo, no ita file onghenda eefiye davo, novafiyekadi vavo, osheshi vo aveshe ovadinikalunga novakolokoshi, nakeshe okanya ohaka popi oulai wongaho. Ndele mwaaishe ei ehandu laye inali kandulwa po, ndelenee natango eke laye ola yeluka.

OMUUDIFI 11:2

Oshitukulwa shi yandjela vaheyali, heeno, vahetatu yo, osheshi inamu shiiva omupya washike tau ka kala kombada yedu.

1 SAMUEL 15:30

Ndele ye ta ti: “Ame nda nyona. Fimanekife nge nena moipafi yovakulunhu vovanhu vange Ovaisraeli, ove u shune pamwe naame, ndi shiive okulinyongamena Omwene Kalunga koye.”

MATEUS 7:5

Omunaihelele ove, kufa mo tete endangalati meisho loye mwene, opo to mono nawa, nhumbi to kufa mo okambodi ke li meisho lamukweni.

MATEUS 5:18

Osheshi oshili handi mu lombwele: fiyo eulu nedu tali xulu po, momhango itamu di nande okandada kamwe ile oshinghwanyu shimwe fiyo aishe ya wanifwa.

JESAJA 10:6

Ame ohandi mu tumu, a ka lwife oshiwana shovahenakalunga, ndele handi mu lombwele a ka denge ovanhu voupyuhandu wange, a ka hakane noku ka likola nokunyeka, ye e va lyataule ngaashi onhata tai lyataulwa momapandavanda.

MATEUS 6:3

Ndelenee ove ngeenge ho yandje oikwafa yeehepele, eke loye lokolumosho inali shiiva, eshi eke loye lokolulyo tali ningi,

MATEUS 23:5

Noilonga yavo aishe ohave i longo, va monike kovanhu. Oipeko yavo yomatumbulo omOmbiibeli ohave i taula inene, neenyemba doikutu yavo odiledile,

1 OVAKORINTO 13:3

Nonande ondi yandjaule oinima aishe ndi palule eehepele, ile nande ondi liyandje olutu lange li xwikwe po, ame nghi nohole, ngeno kashi na eshi tashi kwafa nge.