MATEUS 6:1 - Ombibeli Iyapuki

¹ “Lungameni okutalifa ouyuki weni moipafi yovanhu mu monike kuvo; ndele ngeenge tamu u talifa, kamu noshipewa kuXo yeni meulu.

MATEUS 6:1 Referans Kwoze

MATEUS 23:5

Noilonga yavo aishe ohave i longo, va monike kovanhu. Oipeko yavo yomatumbulo omOmbiibeli ohave i taula inene, neenyemba doikutu yavo odiledile,

JOHANNES 12:43

Osheshi vo ova li ve hole efimano lovanhu komesho yefimano laKalunga.

OVAHEBERI 6:10

Osheshi Kalunga ke fi omuhenouyuki a dimbwe ngeno oilonga yeni nohole yeni mokufimanekifa edina laye, eshi mwa yakulile ovayapuki ndele hamu shi ningi natango.

LUKAS 16:15

Ndele opo Ye okwe va lombwela: “Onye tuu ovo hamu lipe ouyuki moipafi yovanhu, ndelenee Kalunga e wete omitima deni, osheshi osho sha fimana povanhu, osho oixuna puKalunga.

OVAGALATI 6:12

Aveshe ovo va hala okulimonikifa pambelela va wapala, otave mu fininike mu lipitife etanda, opo vaha hepekelwe omushiyakano waKristus.

JOHANNES 5:44

Otamu dulu ngahelipi okwiitavela, onye ava hamu tambulafana omafimanekafano, nefimaneko olo tali di kuKalunga aeke, ihamu li kongo.

HESEKIEL 33:31

Ndele vo otave uya kwoove ngaashi ovanhu tava ongala ndele tava kala omutumba moipafi yoye ngaashi ovanhu vange, ndele tava udu eendjovo doye, ndelenee ihave di wanifa. Osheshi vo ohava holola ohole yavo nokanya kavo, ndelenee omitima davo tadi shikula okulikola kwavo kwoulunde.

2 JOHANNES 1:8

Kaleni mwa lungama, muha kanife osho mwe shi longelwa kufye, ndele mu mone ondjabi ya wana.

MARKUS 8:15

Ye okwe va londwela a tya: “Taleni, likeleleni konhafi yOvafarisai nokonhafi yaHerodes.”

MATEUS 6:16

“Ndele onye ngeenge tamu lidilike oikulya, inamu kala noshidimbi moshipala ngaashi ovanaihelele, osheshi vo ohava lulike oipala yavo, opo ovanhu va koneke ove lidilika oikulya. Oshili handi mu lombwele: ovo va pewa ondjabi yavo.

MATEUS 16:6

Ndele Jesus ta ti kuvo: “Taleni, livangekeni onhafi yOvafarisai noyOvasadukai.”

LUKAS 12:15

Ndele Ye okwe va lombwela: “Pashukeni nye mu lungame keshe tuu olwisho, osheshi omwenyo womunhu ihau xupifwa kouhapu weliko laye.”

MATEUS 5:48

Kaleni hano mwa wana mwa pwa, ongaashi Xo yeni meulu a wana a pwa.

MATEUS 5:16

“Osho ngaha nouyelele weni nau minikile moipafi yovanhu, va mone oilonga yeni iwa nova hambelele Xo yeni meulu.

LUKAS 11:35

Lungama hano, ouyelele womeni loye uha kale omulaulu.

OMAPSALOME 112:9

Ta yandje neke lakamutuluka, neehepele ohe di pe oshali; ouyuki waye otau kala po alushe; oluvinga laye otali yeluka pombada la tumbalekwa.

LUKAS 12:1

Ndele fimbo e li oko, ovanhu omayovi nomayovi va ongala va lyatafana, Ye okwa hovela okulombwela ovalongwa vaye tete: “Komesho yaashishe lungameni onhafi yOvafarisai, nokutya, oihelele yavo.

MATEUS 25:40

Ndele ohamba tai ke va nyamukula ndele tai ti kuvo: ‘Oshili handi mu lombwele: aishe ei mwe i ningila umwe waava ovamwatate vanini, Aame mwe i ningila.’

MATEUS 5:46

Osheshi ngeenge mu hole ava, ve mu hole, omu noku ka pewa ondjabi yashike? Novafutifi ihave shi ningi yo?

SAKARIA 7:5

“Lombwela ovanhu aveshe vomoshilongo novapristeli, ove u tye: Onye eshi mwe lidilika ndele mwa lile keshe mohani onhinhano nomonhihetatu, nomwe shi ningile omido omilongo heyali nokuli, aame tuu mbela mwe lidilikilile nge?

MATEUS 23:13

“Woo nye, ovanongo vomishangwa nOvafarisai, ovanaihelele nye, eshi tamu idilile po ovanhu oshivelo shOuhamba wokeulu. Osheshi onye vene itamu i mo, ndele tamu kelele ovo va hala okuya mo.

MATEUS 6:9

“Hano, mu nokwiilikana ngaha: ‘Tate yetu ou u li meulu! Edina loye nali yapulwe;

DEUTERONOMION 24:13

Ove u noku mu alulila ombabyona fimbo etango inali ningina, opo a shiive okunangala moshikutu shaye, ndele te ku nangeke noupuna; ndele sho otashi ku valulilwa ouyuki koshipala shOmwene Kalunga koye.

OVAHEBERI 2:1

Onghee hano otu nokudiinina edi twe di uda tuhe di pitilile.

DANIEL 4:27

Onghee hano, ohamba, epukululo lange nali ku wapalele: liteeka oulunde woye nokudiinina ouyuki; liteeka owii woye nokufila eehepele onghenda. Okukala kwoye kwombili pamwe taku ku kalelele.”

OVAHEBERI 11:26

nokushekwa kwaKristus okwe ku tala oko oupuna u dule omamona omuEgipiti, osheshi e a pilamena a taalela kondjabi.

MATEUS 16:27

Osheshi Omona wOmunhu te ke uya pamwe novaengeli vaye omoshinge shaxe, opo nee Oye ta futu keshe ou shi fike poilonga yaye.

2 EEHAMBA 10:31

Ndelenee Jehu ina diinina nokweenda nomutima aushe momhango yOmwene Kalunga kaIsrael. Ye ina yapuka mo momatimba aJerobeam ou a hongaula Israel okunyona.

2 EEHAMBA 10:16

ndele ta ti: “Ila, tu yeni, u tale nohokwe ouladi wange omolwOmwene.” Ndele vo ove mu londeka metemba laye.

SAKARIA 13:4

Mefiku tuu olo keshe omuxunganeki ngeenge ta xunganeke ota fi ohoni molwemoniko laye. Vo itava ka djala vali oshikutu sholududi va fufye ovanhu.

OILONGA YOVAYAPOSTOLI 3:12

Ndele Petrus eshi e va tala, okwa tya kovanhu: “Ovalumenhu nye Ovaisraeli, eshi omwe shi kuminwa shike, ndele tamu tu tale shike, twa fa twe shi ninga keenghono detu vene ile kouyuki wetu, ou eshi ta ende?