MATEUS 5:7 - Ombibeli Iyapuki

⁷ “Ovanelao ovananghenda, osheshi ovo tava ka filwa onghenda.

MATEUS 5:7 Referans Kwoze

OVAEFESO 4:32

Ndelenee kalafaneni mu noukaume nokufilafana onghenda nokudiminafana po omatimba, ngaashi Kalunga e mu dimina po muKristus.

2 SAMUEL 22:26

Omunamutimanghenda to mu file onghenda nokomuyuki to kala omuyuki,

OMAPSALOME 18:25

Osheshi kwaau omunefilonghenda oto limonifa oove mwene omunefilonghenda nokomulumenhu omuyuki oto kala yo omuyuki,

JAKOB 2:13

Osheshi etokolo kali nonghenda naau ehe nonghenda, nonghenda otai litange kombada yetokolo.

JAKOB 3:17

Ndelenee ounongo ou hau di kombada, tete owa yela nopo nee u nombili nou nolukeno nowiitaveleli nou yadi onghenda noiimati iwa; kau nomalimbililo ile oihelele.

OVAKOLOSSI 3:12

Onghee hano ovahoololwa nye vaKalunga, ovayapuki novaholike, djaleni efilonghenda lomomutima, ombili, elininipiko, engungumano noutalanheni,

LUKAS 6:35

Ndelenee holeni ovatondi veni, nye mu va ningile ouwa, yandjeni nye muha teelele okwaalulilwa sha, opo ondjabi yeni tai ningi inene, ndele nye otamu ningi ovana vaau wOkombadambada, osheshi naye yo oku na onheni naava vehe shii okupandula naava vai.

MIKA 6:8

Omunhu ove, Ye okwe ku shiivifila eshi shiwa. Nashike shimwe Omwene ta pula kwoove kakele nokutya u ninge eshi sha yuka nokuhola efilonghenda nokweenda nelininipiko pamwe naKalunga koye?

OMAYELETUMBULO 19:17

Ou ta filonghenda eehepele, ota tulike kOmwene. Ndele Ye ote ke mu alulila oshilonga shaye shiwa.

OVAHEBERI 6:10

Osheshi Kalunga ke fi omuhenouyuki a dimbwe ngeno oilonga yeni nohole yeni mokufimanekifa edina laye, eshi mwa yakulile ovayapuki ndele hamu shi ningi natango.

DANIEL 4:27

Onghee hano, ohamba, epukululo lange nali ku wapalele: liteeka oulunde woye nokudiinina ouyuki; liteeka owii woye nokufila eehepele onghenda. Okukala kwoye kwombili pamwe taku ku kalelele.”

OVAHEBERI 4:16

Tu yeni hano kolukalwa lefilonghenda tu neyombamo, tu talwe nonghenda fye tu mone efilonghenda loku tu kwafa pefimbo liwa.

OMAYELETUMBULO 11:17

Omulumenhu onakufilonghenda ota kongele omwenyo waye ouwa: ndelenee ou ehe nonghenda, ta twala ombelela yaye mwene momupya.

1 PETRUS 2:10

Onye kamwa li oshiwana nale, ndelenee paife omwa ninga oshiwana shaKalunga nomwa li inamu filwa onghenda, ndele paife mwa filwa onghenda.

MARKUS 11:25

Ndele nge tamu kala ofika tamu ilikana, kufilei po, ngeenge mu na sha namukweni, Xo yeni yomeulu e mu kufile po yo omatauluko eni.

OMAYELETUMBULO 14:21

Ou ta dini omukwao, ota nyono. Ndelenee ou ta filonghenda eehepele ye omunelao.

HOSEA 2:1

Ovamwaxo ovamati ifaneni: Ammi, nokutya Oshiwana shange, novamwanyoko oukadona: Ruhama, nokutya Omufilwanghenda!

OMAPSALOME 112:9

Ta yandje neke lakamutuluka, neehepele ohe di pe oshali; ouyuki waye otau kala po alushe; oluvinga laye otali yeluka pombada la tumbalekwa.

OMAPSALOME 112:4

Ovayuki ote va pitile ngaashi ouyelele momulaulu, omunalukeno nomunanghenda nomuyuki.

OMAPSALOME 37:26

Alushe ye omunalukeno ndele ta yandje oikolo; oludalo laye otali eta enangeko noupuna.

1 TIMOTEUS 1:13

ame ou nda li nale omusheki nomutaataai nomuhepeki. Ndele onda filwa onghenda, osheshi ame nde shi ningile mokuhashiiva sha nomokuhaitavela.

1 OVAKORINTO 7:25

Mokutonga oukadona inandi pewa oshipango shOmwene, ndele ohandi tongo omayele ange ngaashi ou a filwa onghenda kOmwene, onghee ondi shi okulineekelwa.

1 TIMOTEUS 1:16

Ndelenee ame onda filwa onghenda, Jesus Kristus opo a holole mwaame tete outalanheni waye aushe ndi ninge oshihopaelelwa shaava tave ke mu itavela va mone omwenyo waalushe.

HOSEA 2:23

Ndele handi ke mu likuninina moshilongo, ndele handi filonghenda Lo-Ruhama, ndele handi lombwele Lo-Ammi: “Oove oshiwana shange.” Ndele ye ota itavele: “Kalunga kange.”

HOSEA 1:6

Opo omwalikadi a ninga vali oufimba, ndele a dala okakadona ndele Omwene okwa lombwela Hosea, ta ti: “Ka luka Lo-Ruhama (tashi ti: ina filwa onghenda), osheshi itandi ka fila vali eumbo laIsrael onghenda, ndi va dimine po.

JESAJA 57:1

Omuyuki ota nyonauka po, ndele kape na ou te shi diladila komutima waye; ovayuki otava nakulwa po, ndele kape na ou te shi pula, osheshi omuyuki ota nakulwa mo aha hangike koukolokoshi.

2 OVAKORINTO 4:1

Onghee hano eshi tu neyakulolonga eli pafilonghenda olo twe li pewa, ihatu fi ounye,

OVAROMA 11:30

Osheshi ngaashi nye nale mwa li inamu dulika kuKalunga, ndele paife omwa mona efilonghenda omolwokuhadulika kwavo,

2 SAMUEL 17:28

va etela David novanhu ovo va li puye eenhanga dokunangala noiyaxa noiyuma yedu nomahangu noilyavala noufila noilya ya fengwa nomakunde olumya nokakunde,

OMAYELETUMBULO 11:25

Omwenyo ou tau nangeke noupuna, otau ka kutifwa, nomuhekeleki wovakwao ota hekelekwa yo ye mwene.