MATEUS 5:6 - Ombibeli Iyapuki

⁶ “Ovanelao ava va fya ondjala nenota louyuki, osheshi ovo tava ka kutifwa.

MATEUS 5:6 Referans Kwoze

JOHANNES 4:14

ndelenee ou ta nu momeva aa Ame handi mu pe, ita fi vali enota fiyo alushe; ndelenee omeva aa handi mu pe, otaa ningi muye ofifiya yomeva, aa taa fulukile fiyo omomwenyo waalushe.”

OMAPSALOME 107:9

molwaashi a kumwifa omwenyo ou wa notelwa, nokwa palula nouwa omwenyo wa konenwa.

JOHANNES 6:27

Inamu lilongela eendja edi tadi xulu po, ndelenee eendja edi tadi kala fiyo okomwenyo waalushe, odedi Omona wOmunhu te di mu pe, osheshi Oye tuu ou Xe, Kalunga mwene, e mu tula oshihako shaye.”

OMAPSALOME 145:19

Ava, have mu tila, ote va wanifile eshi va hala, nonghuwo yavo ohe i udu, ndele te va xupifa.

JOHANNES 7:37

Ndele mefiku linene, laxuuninwa loshivilo, Jesus a kala ofika nota ingida mokule ta ti: “Ngeenge pe na ou a fya enota, ne uye kwaame ye a nwe.

EHOLOLO 7:16

Vo itava fi vali ondjala ile enota, netango nakeshe tuu oupyu itau va xwike vali,

LUKAS 6:21

“Ovanelao nye ovo mwa fya ondjala paife, osheshi nye otamu ka kutifwa. Ovanelao nye ava tamu lili paife, osheshi otamu ka yola.

JESAJA 44:3

Osheshi ohandi ka tila omeva kombada yaau a fya enota nomilonga kombada yedu la kukuta. Ame ohandi ka tilila Omhepo yange kombada yoludalo loye nenangeko noupuna kombada yoitutumine yoye,

LUKAS 1:53

Ovanandjala okwe va kutifa nouwa, noipuna okwe i lekela ongaho.

JESAJA 65:13

Opo nee Omwene, Kalunga ota ti ngaha: Tala, ovapiya vange otava ka lya, ndelenee nye otamu ka fya ondjala, tala, ovapiya vange otava ka nwa, ndelenee nye otamu ka fya enota, tala, ovapiya vange otava ka hafa, ndelenee nye otamu ka fifwa ohoni.

OMAPSALOME 65:4

Omunelao ou, we mu hoolola, ndele oto itavele a ehene kwoove, ye a kale momikala doye, opo fye tu palulwe kouwa weumbo loye, mouyapuki wotembeli yoye.

JESAJA 25:6

Ndele Omwene womatanga ovakwaita ota ka dungila ovanhu aveshe komhunda ei oitendele yomaadi, oitendele yomaviinyu e neenghono noyomungo noyomaviinyu mawa.

OMAPSALOME 84:2

Omwenyo wange tau djuulukwa, ndele tau lilile omikala dOmwene; omutima wange nolutu lange otali nyakukilwa Kalunga omunamwenyo;

LUKAS 6:25

“Woo nye, ava mu nekuta paife, osheshi tamu ka fya ondjala. “Woo nye, tamu yolo, osheshi otamu ka nyika oluhodi nokulila.

JESAJA 41:17

Omapongo novafyoona ohava kongo omeva, ndelenee oo kae po, elaka lavo ola kukuta kenota. Ame, Omwene, onda hala oku va uda, Ame Kalunga kaIsrael ihandi ke va efa.

OMAPSALOME 63:5

Omwenyo wange otau palulwa, wa fa tau li omungo nomaadi; nokanya kange otake ku pandula, nomilungu di nenyakuko,

OMAPSALOME 17:15

Ndelenee ame handi ka tala oshipala shoye mouyuki; ame ohandi ka mona ekuta mokutala ondjelo yoye ngeenge handi penduka.

EIMBILOELELA 5:1

Omuvaleki: omumwameme, omuvalekwa wange, ame ohandi uya moshikunino shange, ohandi kola omirha yange nabalsam yange. Naame ohandi li eshila lange nomaadi ange eenyiki. Ohandi nu omaviinyu ange nomashini ange. Omuvalekwa: Ookaume, lyeni, nweni nye mu kolwe kohole!

JESAJA 66:11

Opo nye mu shiive okunyama, nye mu kute komavele omahekeleko aye, nye mu shiive okunwa nye mu hekelekwe kouyadi woshinge shaye.

OMAYELETUMBULO 10:24

Osho omuhenakalunga te shi tila, otashi mu hange. Ndelenee osho ovayuki ve shi hala, tave shi pewa kuYe.

OMAYELETUMBULO 21:21

Ou ta lalakanene ouyuki nolune, ota ka mona omwenyo, ouyuki nefimano.

JEREMIA 31:25

Osheshi Ame ohandi hekeleke omwenyo wa loloka, ndele keshe omwenyo wa notelwa ohandi u kumifa.”