MATEUS 5:3 - Ombibeli Iyapuki

³ “Ovanelao eehepele domhepo, osheshi Ouhamba weulu owavo.

MATEUS 5:3 Referans Kwoze

JESAJA 66:2

Osheshi eke lange ola ninga oinima ei aishe, nosho aishe ei oya holoka, Omwene ta ti. Ndelenee Ame ohandi ka tala komufyoona nakwaau e nomhepo ya nyanyaulwa, ndele ta kakama molwondjovo yange.

OMAYELETUMBULO 29:23

Elinenepeko lomunhu tali mu xutula, ndelenee ou e nomhepo i nelininipiko, ota ka fimanekwa.

OMAPSALOME 34:18

Omwene oku li popepi nomitima da teyauka, Ye oha xupifa ava ve nomhepo ya nyanyauka.

OMAYELETUMBULO 16:19

Okukala omunini mokati kovalininipiki ku dule okutukulilafana oihakanwa pamwe novalinenepeki.

LUKAS 18:14

Ohandi mu lombwele: ou a shuna keumbo omuyuki, e dule winya, osheshi ou te linenepeke ota ninipikwa, ndele ou te lininipike ota nenepekwa.”

2 OMAFIMBO 7:14

ndele ovanhu vange, ava va lukilwa edina lange, otave lininipike ndele tava indile ndele tava kongo oshipala shange ndele tave lialuluka keendjila davo dii, Ame ohandi ka uda meulu nokudima po omatimba avo nokuvelula oshilongo shavo.

OMAPSALOME 51:17

Omayambo aa a halika kuKalunga, oo omhepo ya teyauka. Omutima, ou wa teyauka nowa alamekwa, oo nee, Kalunga ito u dini.

JESAJA 57:15

Osheshi Omwene nOmufimanekwa ou ha kala moukwaalushe, nedina laye Omuyapuki, Ye ota ti: Ame ohandi kala pokule mokombadambada nomouyapuki nomwaava ve na omhepo ya nyanyaulwa noye lininipika, opo ndi hekeleke omhepo yovalininipiki nondi tululule omwenyo momutima waava va nyanyaulwa.

JAKOB 2:5

Ovamwatate ovaholike, pwilikineni, Kalunga ina hoolola hamba ava va talwa kounyuni ou eehepele, va ninge oipuna meitavelo novafyuululi vouhamba ou wa udanekelwa ovo ve mu hole?

JESAJA 61:1

Omhepo yOmwene, Omwene oi li kombada yange, osheshi Ye okwa vaeka nge ndi udifile omapongo ondaka yehafo, okwa tuma nge ndi mange ava ve na omutima wa nyanyaulwa, okwiingidila eenghwate emangululo naava ve li meemango, eyeuluko leedolongo;

2 OMAFIMBO 34:27

omutima woye eshi wa pupala ndele ove we lininipika koshipala shaKalunga, eshi wa uda eendjovo daye te di popile onhele ei noonakukala muyo, ndele we lininipika koshipala shange, ndele wa pombaula oikutu yoye ndele wa lila koshipala shange, onghee hano nde ku uda, Omwene ta ti.

MIKA 6:8

Omunhu ove, Ye okwe ku shiivifila eshi shiwa. Nashike shimwe Omwene ta pula kwoove kakele nokutya u ninge eshi sha yuka nokuhola efilonghenda nokweenda nelininipiko pamwe naKalunga koye?

LUKAS 11:28

Ndele Ye okwa tya: “Oshili, ovanelao ovava tava udu eendjovo daKalunga ndele tave di diinine.”

OMAPSALOME 112:1

Halleluya! Omulumenhu omunelao ou ha tila Omwene, ndele ta hokwa shili oipango yaye.

OMAPSALOME 1:1

Omulumenhu omunelao ou, iha ende pamhangela yovahenakalunga, ndele iha lyata mondjila yovalunde, ndele iha kala omutumba mongudu yovasheki;

JOB 42:6

Onghee hano handi alula eendjovo dange ndele handi lidilulula mondwi nomomute.”

MATEUS 11:25

Opomafiku enya Jesus okwa popya ndele ta ti: “Ohandi ku hambelele, Tate, Omwene weulu nowedu, osheshi oinima ei Ove we i holeka ovanongo novanaendunge, ndele we i hololela eehanana.

LUKAS 4:18

“Omhepo yOmwene oi li kombada yange, osheshi Ye okwa vaeka nge ndi udifile eehepele evaengeli, Ye okwa tuma nge ndi xunge ava ve nomutima wa nyanyaulwa; okwa tuma nge ndi ingidile eenghwate emangululo novapofi etwikululo, okutembukifa mo oonakuhepekwa,

MARKUS 10:14

Ndele Jesus eshi e shi mona, okwa umana, ndele ta ti kuvo: “Efeni ounona ve uye kwaame nye inamu va kelela ko, osheshi ouhamba waKalunga owaava ve li ngaashi ava.

MATEUS 13:16

Ndelenee omesho eni oku nelao, eshi e wete ko, nomatwi eni eshi haa udu ko.

JESAJA 30:18

Ndele Omwene ota teelele a shiive oku mu fila onghenda, opo nee ota fikama e mu file olukeno, osheshi Omwene Oye Kalunga kouyuki. Ovanelao aveshe ava have mu teelele!

OMAPSALOME 146:5

Omunelao ou, ekwafo laye ngeenge olo Kalunga kaJakob, nelineekelo laye ngeenge te li tula mOmwene, Kalunga kaye,

2 OMAFIMBO 33:12

Ndelenee moudjuu waye okwa konga onghenda koshipala shOmwene Kalunga kaye nokwe lininipika shili koshipala shaKalunga kooxe,

OMAPSALOME 41:1

Omunelao ou, ha yavele oshingone; oye ta xupifwa kOmwene mefiku loiponga.

OMAPSALOME 2:12

Xupiteni Omona komilungu, opo ehe mu handukile ndele tamu nyonauka mondjila yeni; osheshi ehandu laye kali kwete kufuluka. Ovanelao ovava aveshe have mu lineekele.

2 OMAFIMBO 33:23

Ndelenee ye ine lininipika koshipala shOmwene ngaashi xe Manasse e lininipika. Ndelenee Amon okwa hapupalifa oulunde waye.

JAKOB 1:12

Omulumenhu omunelao oye ou te lididimikile eshindo, osheshi ngee a ningi omuduli walo, ota ka pewa oshishani shomwenyo, ou Omwene a udanekela ava ve mu hole.

JOHANNES 20:29

Jesus ta ti kuye: “Osheshi wa mona nge, opo to itavele. Ovanelao ovava hava itavele nande inava mona.”

MATEUS 24:46

Omupiya ou e nelao, omwene waye ngeenge ta aluka te mu hange a ninga ngaha.

OMAPSALOME 84:12

Omunelao omunhu ou te ku lineekele, Oove Omwene weengudu dovakwaita!

DEUTERONOMION 8:2

Ndele ove u nokudimbulukwa ondjila aishe oyo Omwene Kalunga koye e ku endifa mombuwa efimbo li fike pomido omilongo nhee e ku ninipike noku ku tala, opo a shiive eshi shi li mo momutima woye, ove ngeenge to ka diinina tuu oipango yaye ile ahowe.

JAKOB 1:10

noshipuna nounininhu washo, osheshi otashi ka xula po ngaashi onhemo yomwiidi.

OMAYELETUMBULO 8:32

“Ovamwange, pwilikinei nge hano, osheshi ovanelao ovovo hava diinine eendjila dange.

2 OMAFIMBO 33:19

Neindilo laye nanhumbi la udika, nomatimba aye aeshe neliteeko laye neenhele oko a tunga oikulundu yokuyambela nokwa dikila omiti omalupwelele aAsera noihongwafano, fimbo ine lininipika, tala, oyo oya shangwa mehepaululo laHosea.

EHOLOLO 22:14

Ovanelao ovovo tava yelifa oikutu yavo, opo va itavelelwe okupewa komuti womwenyo nokuya moshilando tava piti moivelo.

EHOLOLO 19:9

Oye omweengeli a lombwela nge: “Shanga u tye: Ovanelao ovovo va ifanwa kehombolo lOdjona.” Ndele ta ti kwaame: “Eendjovo odo odoshili daKalunga.”

MATEUS 25:34

Opo nee ohamba otai lombwele ovo vokolulyo layo: ‘Onye ovanangekwa noupuna vaTate, ileni, mu ka fyuulule ouhamba ou mwe u longekidilwa, keshito lounyuni.

OMAPSALOME 128:1

Keshe tuu ou ha tila Kalunga nota ende meendjila daye, oye omunelao.

MATEUS 11:6

Ndele omunelao oye ou ita limbililwa nge.”

MATEUS 8:11

Ndelenee Ame ohandi mu lombwele: otaku di vahapu koushilo nokouninginino, ndele tava ka lya pamwe naAbraham naIsak naJakob mouhamba womeulu;

MATEUS 3:2

ndele ta ti: “Lidilululeni, osheshi ouhamba weulu we uya popepi.”

MATEUS 19:14

Ndele Jesus ta ti: “Efeni ounona, inamu va kelela okuuya kwaame, osheshi Ouhamba wokeulu owaava va li ngaashi ovo.”

LUKAS 22:29

osheshi Ame ohandi mu tokolele, ongaashi Tate a tokolela nge, ouhamba,

LUKAS 22:30

mu shiive okulya nokunwa poshililo shange, nokukala omutumba komalukalwa nokutokola omapata omulongo naavali aIsrael.

EHOLOLO 3:17

Shaashi ove oto ti: Aame oshipuna, heeno, nda punapala, ndihe na eshi nda pumbwa, ndele ku shi shii, nokutya ove epongo, omukwanaluhepo, omupofi, u li hamunghele.