Biblia Todo Logo
Bib sou entènèt

- Piblisite -




MATEUS 5:22 - Ombibeli Iyapuki

22 Ndelenee Ame ohandi mu lombwele: keshe ou ta handukile omumwaina, oye okwe lilongela ehandu letokolo, okeshe tuu ou ta handukile omumwaina ndele ta ti: ‘Oshinhu ove,’ ye okwe lilongela ehandu loshiongalele shovakulunhu; naau ta ti: ‘Elai ove,’ oye okwe lilongela omundilo woheli.

Gade chapit la Kopi




MATEUS 5:22
93 Referans Kwoze  

Oye ou ta ti ye e li mouyelele, ndele ta tondo omumwaxe, oye oku li natango momulaulu.


Nelaka olo yo omundilo, ounyuni woulunde; elaka moinhimbu yetu otali liholola olo tuu hali nyateke olutu alishe ndele tali xwameke olweendo lokukala kwetu, nalo vene ola xwamekwa koheli.


vaha tuke nande omunhu, vaha patafane, ndele nava kale nombili ve nonghenda novanhu aveshe.


Ndele inamu tila ava tava dipaa olutu, vo itava dulu okudipaa omwenyo; ndele tileni shili ou ta dulu okunyonaunina moheli omwenyo nolutu.


Osho yo Tate meulu te mu ningile, ngeenge itamu dimine po okomitima deni keshe tuu omumwaina.”


Inamu alulilafana owii netukano, ndelenee nangekafaneni noupuna, ngaashi mwa ifanwa mu fyuulule enangeko noupuna.


Mokuhola ovamwaxo filafaneni olukeno, mokufimanekafana paafaneni oshihopaelelwa.


Ye ina tuka eshi a tukwa noina handuka, eshi a hepekwa, ndelenee e liyandja kwaau ta tokola sha yuka.


Opo nee Petrus okwa ya kuye ndele ta ti: “Omwene, olungapi ndi nokudimina po omumwatate ta nyono kwaame: luheyali ola wana?”


ova kondekela nge neendjovo doutondwe, ova ponokela nge oshimha;


Efa ehandu, u dje mo monya. Ino mbilingwa; opo uha longe owii.


Omweengeli omukulunhu Mikael nande a twa eemhata naSatana omolwoshimhu shaMoses okwa tila oku mu ula ondjovo yetokolo noku mu sheka. Okwa tya ashike: “Omwene ne ku handukile!”


Opo tuu opo tapa shiivika ovana vaKalunga novana vaSatana. Keshe tuu ou iha longo ouyuki, oye ke fi womuKalunga, naau ehe hole omumwaxe.


Ndele ovafilosofi vamwe vomOvaepikuri novomOvastoa, ova twa eemhata naye, vamwe tava ti: “Omupopyaani ou okwa hala okupopya shike?” Noovakwao va tya: “Oye a fa omuhepaululi wookalunga vokoilongo, osheshi ye okwa li ta udifa Jesus nenyumuko laye.”


ndele kuha kale ou ta nyeka omukwao note mu etele oshiponga nande omoshinima shimwe, osheshi Omwene Oye omuhandukili waaveshe ava, ngaashi twe mu lombwela nale notwe mu hepaululila.


Ndele ovapristeli ovakulunhu noshiongalele ashishe shovakulunhu ova li tava kongo ondobwedi okutomhifa Jesus, ve mu dipae, ndele inava mona.


Ndele ovapristeli ovakulunhu noshiongalele ashishe shovakulunhu ova li tava kongele Jesus oihokolola yoipupulu, va shiive oku mu dipaa,


Eehepele eshi tadi ka kala alushe moshilongo, onghee hano ame ohandi ku lombwele: ‘Eke loye li kamutulukile nehalo liwa komukwanaluhepo nohepele, ava ve li moshilongo sheni.’


Ndele opo ovapristeli ovakulunhu nOvafarisai ova shiva oshiongalele shovakulunhu ndele tava ti: “Ohatu ningi ngahelipi, osheshi omulumenhu ou ota ningi oikumwifalonga ihapu?


Nefyo noshovafi oya ekelwa mefuta lomundilo. Olo efyo etivali nokutya, efuta eli lomundilo.


Moses tuu ou a lombwela ovana vaIsrael: ‘Kalunga ote mu pendulile movamwaxo omuxunganeki umwe ngaashi ame.’


Ndelenee ohandi mu ulikile nee ou mu noku mu tila: tileni ou e na epangelo, eshi a dipaa, nokuundulila moheli. Heeno, ohandi mu lombwele oye tuu ou mu tileni.


Ndelenee Ame ohandi mu lombwele: Holeni ovatondi veni, ilikaneneni ovahepeki veni;


Ndelenee Ame ohandi mu lombwele: Inamu ana nandenande, hakeulu, osheshi olo olukalwa laKalunga,


Ndele tala, ondaka ya dja meulu ndele tai ti: “Ou Omona wange omuholike, onde mu hokwa.”


Omolwoupwidi we u ningila omumwanyoko Jakob, ohoni tai ku tuvike to hanaunwa po fiyo alushe.


Omunongo ha tila ndele ta yepa omunawii, ndelenee omushima ta duduluka e yadi elineekelo lokulineekela ye mwene.


nonda shinda ou e nombili naame, osho ondi shi shii hasho nda ninga: nda xupifile nokuli naava va taataelele nge oinima yongaho,


Ovamwaxe eshi va mona nokutya, oku holike kuxe komesho yovamwaxe aveshe, vo ove mu tonda, ndele inava shiiva vali okupopya naye nombili.


Omunhu ngeenge ta mono omumwaxe ta longo oulunde kau fi oulunde wokufya, oye ne mu ilikanene, ndele Ye ote mu pe omwenyo nokutya, ava itava longo oulunde wokufya. Oku nomatimba oo okufya, havo handi tongo, va ilikanenwe.


Ndelenee munhu ove wongaho, owa hala tuu u shiive kutya, eitavelo lihe noilonga, olongaho?


Taleni hano, muha kandule po ou ta popi, osheshi ngeenge venya va kandula po ou a holola ehalo laKalunga kombada yedu, va nyengwa okuya onhapo, unene tuu fye, ngeenge hatu pilamene ou te li holola e li meulu.


ndele eshi a ningwa a wana a pwa, okwa ninga omuwanifi wexupifo laalushe kwaaveshe ava tava dulika kuye,


novalunga novanalwisho, neengholwe novasheki novanyeki ovo itava fyuulula ouhamba waKalunga.


Ndelenee omumwaxe, nokutya, omwiitaveli mukwao ta hokololifa omumwaxe moipafi yaava vehe neitavelo!


Ndele vo eshi ve va eta, ove va tula moipafi yoshiongalele shovakulunhu, nomupristeli omukulunhu okwe va pula,


Ndelenee, ondjovo ei ya shangwa momhango yavo oi nokuwanifwa: ‘Ovo va tonda nge ongaho.’


Opo nee Ovajuda va nyamukula tava ti kuye: “Inatu popya mbela da yuka, eshi twa tya, Oove Omusamaria nou na ondemoni?”


Ndele eengudu dovanhu da nyamukula: “Ove u nondemoni, olyelye a hala oku ku dipaa?”


Hano eshi tuu kwa ka sha, ovapristeli ovakulunhu novakulunhu novanongo vomishangwa, oshiongalele ashishe shovakulunhu osha tokola, ndele vo ova mangifa Jesus, ndele tave mu twala, ve ke mu yandje kuPilatus.


“Opo nee ota lombwele venya vokolumosho laye: ‘Djeni po pwaame, onye ovafingwa, mu ye momundilo waalushe wa longelwa Satana novaengeli vaye.


Omayoka nye, noludalo leenhoka, otamu shiiva ngahelipi okuya onhapo etokolo loheli?


“Woo nye, ovanongo vomishangwa nOvafarisai, ovanaihelele nye, eshi hamu taulula efuta nedu mu likole omulongwa umwe; ndele ngeenge sha ningwa, otamu mu ningi omona woheli, e mu dule luvali.


Hano fimbo a li ta popi, tala, oshilemo shiyela oshe va tuvikila; ndele tala, ondaka ya dja moshilemo, ndele tai ti: “Ou Omona wange omuholike, onde mu hokwa; mu udeni.”


Ndelenee Ovafarisai eshi ve shi uda, ova tya: “Eendemoni ote di tefa mo Belsebul aeke, omukulunhu weendemoni.”


Ndelenee lungameni ovanhu, osheshi otave mu yandje koiongalele yovatokoli ndele tave mu dengele meeshinagoga davo;


Ndele ino tala nokuhafela efiku lomumwanyoko, efiku lomupya waye, ndele ino shambukwa molwovana vaJuda mefiku lehanauno lavo, ndele ino popya elinenepeko mefiku loudjuu.


Opo nee Nebukadnesar okwa handuka unene noshipala shaye sha didivalela Sadrak, Mesak naAbednego. Oye a yandja elombwelo ndele ta ti, ediko nali hanyekwe li kale la hanya oupyu u dule luheyali oupyu wonale.


Opo Nebukadnesar okwa handuka nomehandu la xwama okwa yandja ondaka, ve uye, ava Sadrak, Mesak naAbednego. Opo nee ovalumenhu ova etwa koshipala shohamba.


“Venya ovo va ninga ovatondadi vange ngaho, ohava taataa nge ngaashi odila.


Ngaashi odila tai tendula omai inai a dala, osho yo ou te lilikolele oupuna nomakoto. Pokati komafiku okukala kwaye oku noku a fiya po, nopexulilo laye ota ka kala elai.


Omilungu delai tadi eta eemhata, nokanya kalo taka ifana omadengo.


Omunhu ehe neendunge ite shi shiiva, nelai itali shi koneke.


Ava tava tondo nge epwanga, ovahapu, ve dule omuvalu weexwiki dange, ovatondi vange otava dulu nge eenghono, tava kondjifa nge ndihe noushima, vo tava ti, nandi fute, eshi inandi shi nyeka ko.


Ahowe, ote shi ulikilwa nokuli, nokutya novanongo otava fi yo; novashima novapwidi aveshe otava nyonauka po, nemona lavo, ove noku li fiila vakwao.


Ava tava twifa nge eemhata epwanga, ino efa va yole nge, ava tava tondo nge oshimha, ino efa, va fiikile nge omesho.


Heeno, nande umwe ou te ku teelele, ita ka fifwa ohoni. Ovaamuki epwanga aveke tava ka fifwa ohoni.


Elai otali ti momutima walo: “Kape na Kalunga;” oilonga yalo oififahoni, ya nyonauka: kape na nande umwe auke, ou ta longo ouwa.


ndele handi ti kuvo: “Paenghono detu twa kulila Ovajuda vakwetu, ovo va landwa po kovapaani. Ndele nye otamu landifa po ovamwaxo, vo ove nokulilandifa po kufye?” Ndele vo ova mwena, va nyengwa okunyamukula sha.


Ndelenee Asa okwa handukila omumonikokule nokwe mu idililifa modolongo, shaashi ye okwa li e mu udila onya. Ndele pefimbo olo Asa okwa hepeka vamwe vomoshiwana.


Opo nee Ahab e uya keumbo laye e nomwenyo mwii nehandu omolwondjovo yaNabot, Omujisreel, oyo e i popya naye, nokutya: Ihandi dulu oku ku pa efyuululo lootate. Nokwa ka nangala mombete yaye, okwa pungulula oshipala shaye ndele ina lya omungome.


Ndele Simei mokutukana kwaye ta ti ngaha: “Dja po, dja po, oove omutilishi wohonde nomukolokoshi!


David eshi a aluka a ka tale eumbo laye, Mikal yaSaul e uya ta shakeneke David ndele ta ti: Ohamba yaIsrael e lifimanekifa ngahelipi nena, eshi e lidula momesho ovapika ovakainhu vovapiya vayo, ngaashi ovaholi voipala tave lidula.


Opo nee ovamwaxe ove mu lombwela tava ti: “Ove oto ke tu pangela mbela ile oto ka ninga ohamba yetu?” Ndele ove mu tonda unene shi dule nale, molweendjodi daye nomolweendjovo daye.


“Ovatokoli veendjovo novapashukili mu noku ve linangekela meenhu doilando yoye aishe, oyo to i pewa kOmwene Kalunga koye pamapata oye, ndele vo ve nokuyukifa eendjovo dovanhu payuki.


Ndele okwa tula ovatokoli veendjovo moshilongo, moilando aishe i neehotekuma domuJuda, moshilando keshe.


Ndele eshi kwa sha, ovakulunhu voshilongo novapristeli ovakulunhu novanongo vomishangwa ova ongala, ndele ove mu twala koshiongalele shavo,


opo nee ve va lombwela, va dje mo manga moshiongalele shavo, ova kundafana


Ndele eshi ve di uda ova ya ongula inene motembeli ndele tava longo ovanhu. Ndele omupristeli omukulunhu navakwao ove uya nova ifana oshiongalele shavo nongudu aishe yovakulunhu vovana vaIsrael; va tuma kodolongo, va ka talwe ko.


Ndele vo ova piyaaneka ovanhu novakulunhu novanongo vomishangwa, ovo ve uya po, ve mu kwata ndele tave mu shilile moshiongalele shovakulunhu.


Ndele aveshe ovo va kala omutumba moshiongalele shovakulunhu ove mu tala, noshipala shaye osha li sha foshipala shomweengeli.


Ndele mefiku la shikula, shaashi a hala okushiiva nawa omolwashike Ovajuda ve mu hokololifa, okwe mu mangululifa ndele a lombwela ovapristeli ovakulunhu noshiongalele ashishe shovakulunhu shi ongale, ndele a twala mo Paulus ndele te mu tula moipafi yavo.


Ndele Paulus okwa tala oshiongalele shovakulunhu ndele ta ti: “Ovalumenhu nye ovamwatate, moinima aishe ame onda kala nokweenda koshipala shaKalunga ndi neliudo liwa fiyo efiku eli.”


ile ava ve li po, nava tonge ngeenge onda nyona sha, eshi nda li nda kala ofika koshipala shoshiongalele shovakulunhu.


Swiv nou:

Piblisite


Piblisite