MATEUS 5:12 - Ombibeli Iyapuki

¹² Hafeni nye mu nyakukwe pombada, osheshi ondjabi yeni oinene meulu; osho ngaha va li va taataa ovaxunganeki, ve mu tetekela.

MATEUS 5:12 Referans Kwoze

LUKAS 6:23

Hafeni efiku olo nye mu nhuke nokunyakukwa pombada, osheshi ondjabi yeni oinene meulu, osheshi osho ngaha ooxe va ningila ovaxunganeki.

JAKOB 1:2

Ovamwatate, hafeni shili, ngeenge tamu hangika komahongaulo opahapu,

OVAKOLOSSI 3:24

nye mu kale mu shi shii otamu ka pewa kOmwene ondjabi yefyuululo; osheshi nye ohamu longele Omwene Kristus.

1 PETRUS 4:13

ndelenee nyakukweni nehafo li fike poshipewa sheni shomahepeko aKristus, opo mu shiive okuhafa yo nokushambukwa peholoko loshinge shaye.

OVAKOLOSSI 1:24

Paife ohandi hafe mokuhepekwa omolweni, noixupe youyehame waKristus ohandi i wanifa mombelela yange omolwolutu laye, nokutya eongalo,

OVAROMA 5:3

Ndelenee hasho ashike, ohatu lifimanekele omaudjuu yo, shaashi otu shi shii omaudjuu otaa dala elididimiko,

RUT 2:12

Omwene ne ku alulile oshilonga shoye nondjabi yoye nai ninge inene shili to ke i pewa kOmwene Kalunga kaIsrael, eshi we uya okukonga eameno koshi yomavava aye.”

OMAPSALOME 58:11

Ndele taku tiwa: “Heeno, oshili, omuyuki ota mono oshiimati nokuli; heeno, oku na Kalunga, ou ha tokola kombada yedu.”

JESAJA 3:10

Tongeni omuyuki nokutya, oye ota ka kala nawa, shaashi vo otava ka lya oiimati yoilonga yavo.

OMAYELETUMBULO 11:18

Omuhenakalunga te likongele eliko loipupulu, ndelenee ou ha kunu ouyuki, ondjabi i shii kulineekelwa.

2 OMAFIMBO 36:16

Ndelenee va yola ovatumwa vaKalunga, ndele va dina eendjovo daye, ndele va sheka ovaxunganeki vaye, fiyo oupyuhandu wOmwene wa xwamena ovanhu vaye ndele inapa monika vali eveluko.

MATEUS 16:27

Osheshi Omona wOmunhu te ke uya pamwe novaengeli vaye omoshinge shaxe, opo nee Oye ta futu keshe ou shi fike poilonga yaye.

OVAHEBERI 11:6

Kape na ou ta dulu okuwapalela Kalunga, ngeenge kape neitavelo, osheshi ou ta ehene kuKalunga e nokwiitavela nokutya, oko e li, naava tave mu kongo, ote va pe ondjabi.

1 OVATESSALONIKI 2:15

ovo va dipaa yo Omwene Jesus novaxunganeki nove tu taataa, vo inava wapalela Kalunga, ndele ve nondubo novanhu aveshe,

OVAFILIPPI 2:17

Ndele nande ohandi tilwashi ngaashi eyambo meyakulo leitavelo leni, ohandi hafe, nohandi nyakukwa pamwe nanye amushe,

1 EEHAMBA 18:13

Omwene wange ino shi hepaululilwa mbela osho nde shi ninga, Isabel eshi a dipaa ovaxunganeki vOmwene: Omwene, nhumbi nda holeka ovaxunganeki omilongo nhano na vavali omilongo nhano mekololo, ndele nde va palulifa omungome nomeva?

2 OVAKORINTO 4:17

Osheshi oudjuu ou wetu owopakafimbo, notau ke tu etela efimano linene la wana olo laalushe,

OILONGA YOVAYAPOSTOLI 5:41

Vo eshi va dja mo moshiongalele shovakulunhu, ova hafa eshi va talwa va wana okushekelwa edina laJesus.

MATEUS 6:16

“Ndele onye ngeenge tamu lidilike oikulya, inamu kala noshidimbi moshipala ngaashi ovanaihelele, osheshi vo ohava lulike oipala yavo, opo ovanhu va koneke ove lidilika oikulya. Oshili handi mu lombwele: ovo va pewa ondjabi yavo.

1 OVAKORINTO 3:8

Ndelenee omutwiki nomutekeli ove fike pamwe; ndele keshe umwe ota pewa ondjabi yaye mwene i fike poshilonga shaye mwene.

LUKAS 6:35

Ndelenee holeni ovatondi veni, nye mu va ningile ouwa, yandjeni nye muha teelele okwaalulilwa sha, opo ondjabi yeni tai ningi inene, ndele nye otamu ningi ovana vaau wOkombadambada, osheshi naye yo oku na onheni naava vehe shii okupandula naava vai.

GENESIS 15:1

Konima yoinima ei ondjovo yOmwene ye uya kuAbram memoniko ndele tai ti: “Ino tila Abram, Aame oshikelelifo shoye, nondjabi yoye oinene unene.”

NEHEMIA 9:26

Ndele inava dulika vo ve ku twila ondubo nova ekela omhango yoye kombuda yavo. Novaxunganeki voye ovo ve va londwela, ve va alulile kwoove, ve va dipaa ndele va ninga oinima inene yoixuna yokusheka Kalunga.

OILONGA YOVAYAPOSTOLI 16:25

Ndele pokati koufiku Paulus naSilas ova ilikana ndele tava fimaneke Kalunga nomaimbilohambelelo, ovakwatwa ove va pwilikina.

LUKAS 13:34

“Jerusalem, Jerusalem, ove ou ho dipaa ovaxunganeki noho dipaa nomamanya ovo we va tuminwa, lungapi nda li nda hala okwoongela ovamwoye, ngaashi oxuxwa hai ongele ouxuxwena momavava ayo, ndele nye inamu hala.

JEREMIA 2:30

Ovana veni ovamati onde va dengela epwanga, osheshi inava dulika komakumaido ange. Omaongamukonda eni okwa lya ovaxunganeki ngaashi onghoshi tai li.

OMAPSALOME 19:11

Omupiya woye ote liefele yo okulondwelwa kudo; moku di diinina, otamu di ondjabi inene.

2 OMAFIMBO 16:10

Ndelenee Asa okwa handukila omumonikokule nokwe mu idililifa modolongo, shaashi ye okwa li e mu udila onya. Ndele pefimbo olo Asa okwa hepeka vamwe vomoshiwana.

1 EEHAMBA 18:4

Osheshi Isabel, eshi a dipaa ovaxunganeki vOmwene, Obadja okwa kufa ovaxunganeki efele limwe nokwe va holeka mo, ovalumenhu omilongo nhano mekololo limwe, novakwao omilongo nhano mekololo li lili, nokwe va xupififa omungome nomeva.

JEREMIA 26:8

Ndele Jeremia eshi a xulifa okupopya adishe odo e di lombwelwa kOmwene e di lombwele ovanhu aveshe, ovapristeli novaxunganeki novanhu aveshe ove mu kwata nova popya mokule: “Ove ou nokufya shili.

1 EEHAMBA 22:8

Ahab okwa nyamukula, ta ti: “Oku na vali umwe, Mikaia yaJimla, ndelenee ame ohandi mu tondo, osheshi ye ita xunganekele nge nande ouwa, ndelenee alushe owii.” Josafat okwa nyamukula: “Ino popya ngaho!”

1 EEHAMBA 21:20

Opo nee Ahab ta ti kuElia: “Omutondadi wange ove, wa hanga nge nokuli mboli?” Ye okwa nyamukula: “Heeno, onde ku hanga nokuli. Osheshi ove we lilandifa po u ninge osho inashi yuka momesho Omwene!

OVAHEBERI 11:26

nokushekwa kwaKristus okwe ku tala oko oupuna u dule omamona omuEgipiti, osheshi e a pilamena a taalela kondjabi.

2 EEHAMBA 1:9

Okwa tuma ko kuye omukulunhu womilongo nhano pamwe novalumenhu vaye omilongo nhano va ka tale Elia. Ndele ye eshi ta londo a ye kuye fimbo ye a li omutumba koxulo yomhunda, ye ta ti kuElia: “Omulumenhu waKalunga, ohamba tai ti: ‘Ila, dja ko!’ ”

1 EEHAMBA 19:2

Opo nee Isabel ta tumu omutumwa kuElia okwe mu lombwela: “Oikalunga nai ninge nge keshe osho ya hala paife nokomesho, ngeenge itandi ku ningile mongula mefimbo tuu olo ngaashi keshe umwe womuvo a ningilwa.”

JEREMIA 37:14

Ndelenee Jeremia okwa tya: Oipupulu! Ame inandi hala okwaama kOvakaldea. Ndelenee ye ine mu pwilikina. Jiiria okwa kwata Jeremia nokwe mu twala kovakulunhu.

OVAFILIPPI 1:29

Osheshi onye omwa pewa hakwiitavela akuke Kristus, ndelenee oku mu hepekelwa yo,

OVAHEBERI 10:34

Osheshi omwa li mwa yehamekwa pamwe neenghwate, nokunyekwa kwoinima yeni mwe ku humbata nehafo nokushiiva nokutya, onye omu na emona liwa meulu li dule eli.

OVAHEBERI 11:33

ava va teya po oilongo okeitavelo, nova diinina ouyuki, va mona omaudaneko a wanifwa, nova fitika po omakanya eenghoshi,

JAKOB 5:10

Ovamwatate, hopaeleleni ovaxunganeki ovo va popya medina lOmwene mokuhumbata oudjuu nomokulididimika.