MATEUS 5:11 - Ombibeli Iyapuki

¹¹ “Ovanelao onye, ovanhu ngeenge tave mu sheke ndele tave mu taataa ndele tave mu popile mowii aushe nokufufya molwange.

MATEUS 5:11 Referans Kwoze

1 PETRUS 4:14

Onye ngeenge tamu shekelwa edina laKristus, onye ovanelao, osheshi Omhepo yoshinge noyaKalunga otai kala kombada yeni.

LUKAS 21:17

ndele nye tamu ka tondelwa edina lange kwaaveshe.

MARKUS 13:13

Nye otamu ka tondwa kwaaveshe omolwedina lange, ndele ou te lididimike fiyo okexulilo, ye ota ka xupifwa.

MATEUS 24:9

“Ndelenee tave mu yandje okuhepekwa, ndele tave mu dipaa, nde tamu tondelwa edina lange koiwana aishe.

LUKAS 6:22

“Ovanelao nye ovanhu ngeenge tave mu tondo molwedina lOmona wOmunhu ndele have mu kondo mo nohave mu sheke, nedina leni have li dini la fa lii.

1 PETRUS 2:23

Ye ina tuka eshi a tukwa noina handuka, eshi a hepekwa, ndelenee e liyandja kwaau ta tokola sha yuka.

JOHANNES 15:21

Ndelenee eshi ashishe tave shi mu ningile omolwedina lange, osheshi vo inava shiiva ou a tuma nge.

MATEUS 10:22

Ndele edina lange otamu ke li tondelwa kwaaveshe; ndele ou te lididimike fiyo okexulilo, oye ta xupifwa.

JESAJA 66:5

Udeni ondjovo yOmwene, onye ava hamu kakama molwondjovo yaye! Ovamwaxo oonaku mu tonda, ndele tave mu taataa molwedina lange, tava ti: “Omwene na holole oshinge shaye, opo tu tale ehafo leni!” Ndelenee vo otava ka fifwa ohoni!

MATEUS 10:39

Oye ou te limonene omwenyo waye, oye te u kanifa, naau ta kanifile nge omwenyo waye, oye te u limonene.

EHOLOLO 2:3

ndele ove u nelididimiko, ndele wa humbata oudjuu omolwedina lange ndele ino loloka.

MATEUS 19:29

Ndele keshe ou a fiya ko, omolwedina lange, omaumbo ile ovamwaxe ovalumenhu ile ovamwaina ovakainhu ile xe ile ina ile ovana ile omapya, oye te ke i mona ko ihapu i dule ei, nomwenyo waalushe ote u fyuulula.

2 OVAKORINTO 4:11

Osheshi ofye ava tu nomwenyo ohatu yandjwa efimbo keshe mefyo molwaJesus, opo omwenyo waJesus u holoke yo mombelela yetu ya nyika efyo.

1 OVAKORINTO 4:10

Ofye omalai omolwaKristus, nye ovanamayele muKristus, ofye oingone, nye ovanaenghono; onye mwa fimana, fye otwa dinika.

OVAROMA 8:36

Ongaashi pa shangwa: “Omutenya aushe ohatu ku dipaelwa, twa talwa ngaashi eedi tadi dipawa.”

LUKAS 21:12

Ndelenee aishe ei fimbo inai uya, otave mu kwata ndele tave mu taataa, ndele tave mu shilile meeshinagoga, ndele tave mu undulile meedolongo, ndele tave mu twala koshipala sheehamba noshovapangeli voilongo omolwedina lange.

LUKAS 9:24

Osheshi ou a hala okuxupifa omwenyo waye, ye ote u kanifa, ndele ou ta kanifa omwenyo waye omolwange ote u xupifa.

MARKUS 8:35

Osheshi ou a hala okuxupifa omwenyo waye, ote ke u kanifa, ndele ou ta kanifa omwenyo waye molwange nomolwevaengeli, ye ote u xupifa.

MATEUS 10:25

Osha wanena omulongwa, ngeenge ta ningwa ngaashi omulongi waye, nomupiya ngeenge ta ningwa ngaashi omwene waye. Mwene weumbo ngeenge ve mu ifana Belsebul, hano unene tuu ovaneumbo vaye osho tave va ifana.

OILONGA YOVAYAPOSTOLI 9:16

osheshi nda hala ndi mu monifile oudjuu opo u fike, e noku u humbatela edina lange.”

OMAPSALOME 44:22

Ahowe, omolwoye tu li po hatu dipawa keshe efiku, ndee hatu talwa twa fa eedi dokudipawa.

MARKUS 13:9

“Ndele lilungameneni nye vene. Otave ke mu yandja koiongalele yovakulunhu, ndele tamu ka dengelwa meeshinagoga, ndele tamu ka twalwa koipala yomalenga noyeehamba molwange mu ninge ondobwedi kuvo.

MATEUS 27:39

Ndele ovo va pita po ove mu sheka nokupukapuka komitwe davo,

MARKUS 4:17

Ndele vo vehe na omidi muvo vene, ndele ovo ovana vokafimbo, ndele ngeenge tava hangika koudjuu ile tava hepekelwa eendjovo, otave di efa.

MATEUS 10:18

ndele tamu twalwa komalenga nokeehamba omolwange, shi va ningile ondobwedi, moipafi yavo noyovapaani.

JOHANNES 9:28

Opo vo ve mu tuka, ndele tava ti: “Oove omulongwa waye, fye ovalongwa vaMoses.

OMAPSALOME 35:11

Otapa fikama eendobwedi doipupulu, tava pula nge, eshi ndihe shii;

JESAJA 25:8

Ye ota ka hanauna po efyo fiyo alushe, ndele Omwene, Kalunga ta ka feta po omahodi momesho aaveshe, ndele ta ka xulifa po odino yovanhu vaye kombada yedu alishe. Osheshi Omwene osho a popya:

JESAJA 51:7

Pwilikineni kwaame, onye ava mwa shiiva ouyuki, oshiwana shi na omhango yange momutima washo: inamu kala mwa tila odino yovanhu, nye inamu haluka kesheko lavo.

JEREMIA 37:14

Ndelenee Jeremia okwa tya: Oipupulu! Ame inandi hala okwaama kOvakaldea. Ndelenee ye ine mu pwilikina. Jiiria okwa kwata Jeremia nokwe mu twala kovakulunhu.

OVAFILIPPI 1:29

Osheshi onye omwa pewa hakwiitavela akuke Kristus, ndelenee oku mu hepekelwa yo,