MATEUS 4:24 - Ombibeli Iyapuki

²⁴ Ndele etumbalo laye la udika muSiria ashishe, ndele ovo va eta kuye aveshe va li ve noudu u lili nau lili, nouyehame, naava ve neendemoni, novanashinhona, oonakuvela ombada, nokwe va velula aveshe.

MATEUS 4:24 Referans Kwoze

MATEUS 17:15

ndele ta ti: “Omwene, fila onghenda, omumwange omumati e noshinhona ndele ta hepekwa unene, osheshi luhapu ota wile momundilo nomomeva.

MATEUS 8:6

ndele ta ti: “Omwene, omumati wange okwa nangala ta vele keumbo, e noudu wombada noku na ouyehame muhapu.”

LUKAS 5:15

Ndelenee etumbalo laye ola tandavela, la ninga lihapu, novanhu vahapu ve uya oku mu uda nokuvelulwa kuye oudu wavo.

LUKAS 2:2

Elishangifo eli olotete, nola ningwa Kirenius eshi a li omwene waSiria.

MATEUS 17:18

Jesus okwe mu hanyena, opo ondemoni ya dja mo muye, nomumati okwa veluka efimbo tuu olo.

MATEUS 15:22

Ndele tala, okwa dja omukainhu Omukaanan okoshikandjo tuu osho, a popya mokule ta ti: “Omwene, Omona waDavid, file nge onghenda! Omumwange okakadona ota hepekwa nai kondemoni.”

MATEUS 12:22

Ndele okwa etelwa po omulumenhu e na ondemoni, kwa li omupofi nomufitandaka, ndele okwe mu velula, nomufitandaka okwa popya nota mono ko.

OILONGA YOVAYAPOSTOLI 10:38

Mu shi shii, Jesus Omunasareti, Kalunga nhumbi e mu vaekifa Omhepo Iyapuki neenghono, Ye ta endaenda, ta longo ouwa ndele a velula aveshe venya va li mepangelo laSatana, osheshi Kalunga okwa li pamwe naye.

OILONGA YOVAYAPOSTOLI 15:23

Ndele ve va shangela omushangwa tau ti ngaha: “Ofye ovayapostoli novakulunhu, ovamwaxo, ohatu mu kundu, onye ovamwatate vomovapaani omuAntiokia nomuSiria nomuKilikia.

MARKUS 2:3

Ndelenee ope uya ovanhu va eta kuye omunhu oshingudu a humbatwa kovalumenhu vane.

MARKUS 1:32

Ndele eshi onguloshi ye uya, netango la ningina, vo ova eta kuye ovanaudu aveshe, naava ve kwetiwe keendemoni.

MATEUS 4:23

Ndele Ye okwa endaenda muGalilea ashishe, ndele ta longo meeshinagoga davo, ndele ta udifa evaengeli lOuhamba, ndele ta velula oudu keshe noungone aushe movanhu.

EXODUS 15:26

ndele ta ti: “Ove ngeenge to pwilikine nokudiinina ondaka yOmwene Kalunga koye ndele to longo eshi sha yuka momesho aye, ndele to dulika koipango yaye nokeenghedimhango daye, opo nee itandi ku undulile oshiponga nande shimwe sha fa oyo Ame nda undwila kombada yoshilongo shOvaegipiti. Osheshi Aame Omwene ou te ku velula.”

OILONGA YOVAYAPOSTOLI 15:41

Ndele ye okwa pitila muSiria nomuKilikia nokwa pameka omaongalo.

LUKAS 4:14

Ndele Jesus okwa aluka ko meenghono dOmhepo e uya kuGalilea, nepopiwo laye ola ya komikunda adishe domoushiinda.

MARKUS 1:28

Ndele etumbalo laye la udika diva momikunda adishe domuGalilea.

MATEUS 14:1

Ndele opo nee pomafiku enya omupangeli woshitine shoshilongo Herodes okwa uda etumbalo laJesus.

1 OMAFIMBO 14:17

Nedina laDavid la tandavela moilongo aishe, nOmwene okwa pendula ehaluko loku mu tila moiwana aishe.

1 EEHAMBA 10:1

Ohamba omukainhu yokuSheba eshi ya kundana efimano laSalomo oye uya kuJerusalem, i mu yeleke nomapulo madjuu.

1 EEHAMBA 4:31

Heeno, ye okwa li e nounongo u dule ounongo wovanhu aveshe ngaashi Etan, Omuesrahi, naHeman naKalkol naDarda, ovana ovamati vaMahol, onghee hano ye okwa li a tumbalekwa mokati koiwana aishe yomoushiinda.

JOSUA 6:27

NOmwene okwa li pamwe naJosua. Netumbalo laye ola ya nedu alishe.

JOHANNES 10:21

Vamwe va tya: “Eendjovo edi kadi fi daau e neendemoni. Ondemoni otai dulu tuu mbela okupashukifa omesho ovapofi?”

MATEUS 9:35

Ndele Jesus okwa li ta endaenda noilando aishe nomikunda, ndele ta longo meeshinagoga davo, ndele ta udifa evaengeli lOuhamba, ndele ta velula ovanaudu vavo, nakeshe tuu oshiponga.

MATEUS 9:26

Ndele ondaka ei oya udika moshilongo shinya ashishe.

MATEUS 8:28

Ndele eshi e uya kombinga inya medu lOvagadara, ovanhu vavali ve kwetiwe keendemoni va dja meembila ve mu shakeneka, va pwiduka nai, onghee kapa li ou a dula okweenda nondjila inya.

2 SAMUEL 8:6

Ndele David okwa nangeka omatanga ovakwaita muAram shaDamaskus, onghee Ovaarami va ninga ovapangelwa vaye tava yandje oifendela. NOmwene okwa yandja kuDavid omafindano keshe apa a homona.

1 OMAFIMBO 29:2

Onghee hano neenghono dange adishe nda ongelela ongulu yaKalunga oshingoldo shoinima yoingoldo, noshisiliveli shoinima yoisiliveli noshikushu shoinima yoshikushu, noshivela shoinima yoivela, nomiti doinima yoiti. Oumanya vaoniks noumanya tava nyaminwa mo noumanya valaula, noumanya vomavala noumanya ve lili nave lili ve nondilo, nomamanya amarmor mahapu.

MATEUS 8:33

Ovafita ova dja ko onhapo; ova ya koshilando ndele tava hepaulula aishe, novanhu ve neendemoni nhumbi va ningwa.

MARKUS 2:4

Ndele vo eshi va nyengwa kouhapu wovanhu oku mu eta kuye, ova ulula onduda omo a li, ndele ova kulukifa poshi olutala oko kwa nangala omunhu oshingudu.

MARKUS 2:9

Eshi shipu shi dule shikwao oshilipipo, okulombwela oshingudu: ‘Omatimba oye a dimwa po’, ile oku mu lombwela: ‘Fikama, kufa po olutala loye u ende?’

LUKAS 4:38

Ndele Ye okwa fikama moshinagoga ndele okwa ya meumbo laSimon, ndele ta hange inamweno yaSimon e kwetiwe kolwiidi la handuka, ndele vo ova indila Jesus omolwaye.

LUKAS 5:24

Ndelenee opo mu shiive Omona wOmunhu e na eenghono kombada yedu okudima po omatimba,” okwa tya koshingudu: “Ohandi ku lombwele: Fikama, kufa po olutala loye, ove u ye keumbo.”

OILONGA YOVAYAPOSTOLI 8:7

Osheshi eemhepo da nyata oda dja mo muvahapu, ava va li ve di kwete, oda ingida mokule noingudu novanaudu vahapu vombada ova veluka.

LUKAS 7:17

Netumbalo eli laye ola udika muJudea ashishe nokomikunda adishe domoushiinda.

OILONGA YOVAYAPOSTOLI 28:9

Ndele eshi, eshi sha ningwa, ovanaudu vamwe vomonhunhu ove uya kuye, ndele va velulwa.