MATEUS 4:23 - Ombibeli Iyapuki

²³ Ndele Ye okwa endaenda muGalilea ashishe, ndele ta longo meeshinagoga davo, ndele ta udifa evaengeli lOuhamba, ndele ta velula oudu keshe noungone aushe movanhu.

MATEUS 4:23 Referans Kwoze

MATEUS 9:35

Ndele Jesus okwa li ta endaenda noilando aishe nomikunda, ndele ta longo meeshinagoga davo, ndele ta udifa evaengeli lOuhamba, ndele ta velula ovanaudu vavo, nakeshe tuu oshiponga.

MARKUS 1:39

Ye okwa ya ndele ta udifa meeshinagoga davo domuGalilea ashishe, ndele ta te mo eendemoni.

OILONGA YOVAYAPOSTOLI 10:38

Mu shi shii, Jesus Omunasareti, Kalunga nhumbi e mu vaekifa Omhepo Iyapuki neenghono, Ye ta endaenda, ta longo ouwa ndele a velula aveshe venya va li mepangelo laSatana, osheshi Kalunga okwa li pamwe naye.

LUKAS 7:22

Ndele Ye okwe va nyamukula ta ti: “Indeni mu ka hepaululile Johannes ei mwe i mona nomwe i uda: ovapofi otava mono ko, noingudu tai ende, ovanashilundu tava yela, novafitamatwi tava udu ko, ovafi otava nyumunwa, neehepele tadi udifilwa evaengeli.

MATEUS 11:5

ovapofi otava mono ko, noingudu otai ende, novanashilundu otava yelifwa, novafitamatwi otava udu ko, novafi otava nyumunwa, neehepele otava udifilwa evaengeli.

MATEUS 13:54

Ndele okwe uya koshilando shambulavo nokwe va longa moshinagoga yavo ndele vo va kumwa ndele tava ti: “Ounongo oo e u kwete noilonga yeenghono e i na, oyapeni?

MARKUS 1:21

Ndele ova ya kuKapernaum; ndele diva efiku lEshabata okwa ya moshinagoga, ndele ta longo.

OMAPSALOME 103:3

Oye tuu ou, ta dimi po owii aushe, ndele te ku velula komaudu oye aeshe;

OVAROMA 10:15

Ndele otava udifa ngahelipi, ngeenge itava tumwa? Ngaashi pa shangwa: “Eemhadi oda fewa ngahelipi daava hava udifa eenghundana diwa.”

LUKAS 8:1

Ndele opa ningwa konima yefimbo olo, Ye okwa endaenda noilando nomikunda ndele okwa udifa evaengeli louhamba waKalunga, naavo omulongo navavali ova li pamwe naye,

MARKUS 6:2

Ndele Eshabata eshi le uya, okwa hovela okulonga ovanhu moshinagoga nomoku mu pwilikina vahapu ova kumwa va tya: “Ei e i kwete oyapeni, nounongo ou e u pewa owa tya ngahelipi? Noilonganghono ei tai longwa komake aye oi fike peni?

MATEUS 24:14

Ndele evaengeli eli louhamba otali udifilwa ounyuni aushe li ningile oiwana aishe ondobwedi, opo nee taku uya exulilo.

MATEUS 12:9

Ndele Ye okwa dja ko ndele ta i moshinagoga yavo.

JOHANNES 18:20

Jesus okwe mu nyamukula: “Nda tonga moipafi younyuni. Alushe onda longa ovanhu meeshinagoga nomotembeli, omo hamu ongala Ovajuda aveshe, ndele inandi tonga sha meholeko.

LUKAS 13:10

Ndele Ye okwa hangika ta longo moshinagoga mefiku lEshabata.

LUKAS 9:11

Ndelenee ovanhu eshi ve shi uda, ove mu shikula ko, Ye okwe va kunda ndele okwe va hepaululila ouhamba waKalunga, ndele okwa velula ava va pumbwa okuvelulwa.

LUKAS 5:17

Ndele efiku limwe, eshi kwa li ta longo ovanhu, Ovafarisai novalongimhango ova li po omutumba, va dile komikunda adishe domuGalilea nodomuJudea nomuJerusalem, ndele eenghono dOmwene oda longa mokuvelula ovanaudu.

MARKUS 6:6

Ndele Ye okwa kuminwa okuhaitavela kwavo. Opo nee Ye okwa li ta endaenda momikunda, ndele ta longo ovanhu.

MARKUS 3:10

Osheshi Ye okwa velula vahapu, onghee aveshe ovo ve nouyehame, ove lifininika va ehene kuye ve mu kume.

MARKUS 1:14

Ndele Johannes eshi a kwatwa, opo nee Jesus okwa ya kuGalilea, ndele okwa udifa evaengeli laKalunga,

OMAPSALOME 74:8

Momitima davo ova tya: “Tu va nyonauneni po shimwe.” Opo nee eengulu adishe dokwoongalela ove di xwika po moshilongo ashishe.

OILONGA YOVAYAPOSTOLI 20:25

“Ndele taleni, paife ondi shi shii, nye itamu mono vali oshipala shange, nye amushe ava nda endaenda mokati keni nonda udifa ouhamba waKalunga.

OILONGA YOVAYAPOSTOLI 18:4

Nakeshe tuu Eshabata okwa popya moshinagoga ndele ta itavelifa Ovajuda nOvagreka.

JOHANNES 6:59

Edi okwe di popya eshi a li ta longo ovanhu moshinagoga muKapernaum.

LUKAS 10:9

novanaudu ve li mo va veluleni, nye mu va lombwele: ‘Ouhamba waKalunga wa ehena popepi nanye.’

LUKAS 6:17

Ndele eshi a londoloka ko pamwe navo, okwa kala ofika pehenene ndele oko kwa li ku nongudu inene yovalongwa vaye, novanhu vahapu vomuJudea ashishe novomuJerusalem novomomikunda daTirus nodaSidon di li pefuta, ava ve uya oku mu pwilikina nokuvelulwa komaudu avo,

MATEUS 14:14

Ndele Jesus eshi e uya komunghulo, okwa mona ko ongudu inene yovanhu, ndele okwa li e va kenukila, ndele okwa velula ovanaudu vavo.

MATEUS 13:19

Ngeenge oku na ou ta udu eendjovo douhamba ye ke di udite ko, opo nee omunawii te uya ndele ta nyeka mo odo da kunwa momutima; odo tuu odo da kunwa mondjila.

MATEUS 3:2

ndele ta ti: “Lidilululeni, osheshi ouhamba weulu we uya popepi.”

JOHANNES 7:1

Ndele konima yoinima ei Jesus okwa li ha endaenda muGalilea, osheshi okwa li ina hala okweenda muJudea, shaashi Ovajuda ve mu nangela ve mu dipae.

LUKAS 20:1

Ndele opa ningwa efiku limwe, Ye eshi a longa motembeli, ndele okwa udifa evaengeli, ovapristeli ovakulunhu novanongo vomishangwa pamwe novakulunhu ve uya mo,

LUKAS 4:14

Ndele Jesus okwa aluka ko meenghono dOmhepo e uya kuGalilea, nepopiwo laye ola ya komikunda adishe domoushiinda.

LUKAS 6:6

Ndele mefiku limwe lEshabata opa ningwa, Ye okwe ya moshinagoga ndele okwa longa ovanhu, nomo mwa li mu nomulumenhu e nokwooko kwokolulyo kwa kukuta.

LUKAS 7:21

Ndele mefimbo tuu olo ye okwa velula vahapu va li ve kwetiwe komaudu nokeemhepo dii, novapofi vahapu okwe va pashula.

LUKAS 9:60

Ndele Ye okwe mu lombwela: “Efa ovafi va pake ovafi vavo, ndele ove inda u ka udife ouhamba waKalunga.”

LUKAS 16:16

“Ndele omhango novaxunganeki ova xulila muJohannes, ndele okudja kefiku olo ondaka iwa youhamba waKalunga otai udifwa, ndele aveshe tave liundulile mo neenghono.

OILONGA YOVAYAPOSTOLI 28:31

Ndele okwe va udifila ouhamba waKalunga nokwa longa ovanhu nouladi unene nokuhepaulula Omwene Jesus Kristus; ye ina kelelwa nande okulyelye.