MATEUS 4:19 - Ombibeli Iyapuki

¹⁹ Ndele ta ti kuvo: “Shikuleni nge, Ame ohandi ke mu ninga ovayuli vovanhu.”

MATEUS 4:19 Referans Kwoze

JOHANNES 12:26

Ngeenge pe na ou ta kalele nge, na shikule nge; naapa ndi li, omupiya wange oko ta ka kala. Ndele ngeenge pe na ou ta kalele nge, Tate ote mu fimaneke.

MATEUS 16:24

Ndele Jesus okwa lombwela ovalongwa vaye: “Ngeenge ku na ou a hala okushikula nge, oye ne lixupule ye mwene, ne litwike omushiyakano waye, ye na shikule nge.

LUKAS 9:59

Ndele Ye okwa lombwela umwe e lili: “Shikule nge!” Ndele ou okwa tya: “Omwene, efe nge manga ndi ka pake tate.”

JOHANNES 21:22

Jesus okwa tya: “Ame ngeenge onda hala a kale po fiyo handi uya, ove ou na shike nasho? Ove shikule nge.”

JOHANNES 1:43

Nefiku la shikula eli, Jesus okwa fikama a ye kuGalilea; nokwa shakeneka Filippus, ndele ta ti kuye: “Shikule nge!”

LUKAS 5:27

Ndelenee konima yaai okwa ya pondje, ndele okwa mona ko omufutifi nedina laye Levi, e li omutumba pongulu yomafutilo opeengaba, ndele te mu lombwele: “Shikule nge!”

MARKUS 2:14

Ndele mokukoyelela po Ye okwa mona po Levi yaAlfeus, e li omutumba pongulu yomafutilo opeengaba, ndele okwa tya kuye: “Shikule nge.” Ye okwa fikama ndele te mu shikula.

MATEUS 19:21

Jesus ta ti kuye: “Ngeenge wa hala okuwana wa pwa, inda u ka landife po aishe ei u i kwete, u i yandje keehepele, ndele to kala u nemona meulu, ndele ila, u shikule nge.”

MATEUS 9:9

Ndele Jesus eshi a dja ko, okwa mona ko omunhu, edina laye Mateus, e li omutumba pongulu yomafutilo opeengaba, ndele ta ti kuye: “Shikule nge.” Ou okwa fikama ndele te mu shikula.

MATEUS 8:22

Ndelenee Jesus okwa tya kuye: “Shikule nge, efa ovafi nava pake ovafi vavo.”

2 OVAKORINTO 12:16

Ndelenee nashi tye ngaha, inandi mu etela oudjuu, ndelenee shapu ame omunamakoto, onde mu kwata nomakoto.

MATEUS 4:18

Ndele eshi kwa li ta kunghula nefuta laGalilea, okwa mona ko omunhu namumwaina, Simon, ha ifanwa Petrus, nondenge yaye Andreas, va li tava ekele oshiyulifo mefuta; osheshi vo va li ovayuli veeshi.

MATEUS 4:20

Ndele vo ova fiya po diva oiyulifo yavo ndele tave mu shikula.