MATEUS 4:15 - Ombibeli Iyapuki

¹⁵ “Edu laSebulon nedu laNaftali lopefuta, langhele kwinya yaJordan, Galilea yovapaani!

MATEUS 4:15 Referans Kwoze

JESAJA 9:1

Pomafiku onale okwa etela edu laSebulon nolaNaftali esheko nodino, ndelenee pomafiku okomesho ota ka fimanekifa ondjila yokuya kEfuta Lopokati; nedu lomoshikandjo shaJordan nokuGalilea omo mwa kala ovanailongo.

JOSUA 21:32

Ndele mepata laNaftali oshihondamenolando shoonakudipaa: Kedes muGalilea noulifilo washo naHammot-Dor noulifilo washo naKartan noulifilo washo; oilando itatu.

2 EEHAMBA 15:29

Pomafiku enya aPeka, ohamba yaIsrael, Tiglat-Pileser, ohamba yOvaasiria, ye uya ndele tai nangala Ijon naAbel-Bet-Maaka naJanoak naKedes naHasor naGilead naGalilea, oshilongo ashishe shaNaftali. Ndele yo ye va twala moukwatwa kuAsiria.

1 EEHAMBA 9:11

Hiram, ohamba yaTirus ya kwafa Salomo omiti domisederi nomiti dasipresi noshingoldo shihapu shi fike peemhumbwe daye, nohamba Salomo ya yandja kuHiram oilando omilongo mbali moshikandjo shaGalilea.

JOSUA 20:7

Opo nee va tongola Kedes muGalilea keemhunda daNaftali naSekem keemhunda daEfraim naKiriat-Arba nokutya, Hebron keemhunda daJuda.

MATEUS 4:13

Ndele Ye okwa tembuka muNasaret ndele ta ka tula muKapernaum shi li pefuta, omomikunda daSebulon nodaNaftali;

MATEUS 4:14

opo di wanifwe odo da tongwa komuxunganeki Jesaja, ta ti:

MATEUS 4:25

Ndele ovanhu vahapu unene ovo vomuGalilea novomuDekapolis, novomuJerusalem novomuJudea novokoilongo yalanghele kwinya yaJordan, ove mu shikula.

LUKAS 24:27

Ndele Ye okwa hovela muMoses nomovaxunganeki aveshe, ndele okwe va fatululila adishe de mu tiwa momishangwa adishe.