MATEUS 4:12 - Ombibeli Iyapuki

¹² Ndele Jesus eshi a uda Johannes a tulwa modolongo, okwa shuna kuGalilea.

MATEUS 4:12 Referans Kwoze

MARKUS 1:14

Ndele Johannes eshi a kwatwa, opo nee Jesus okwa ya kuGalilea, ndele okwa udifa evaengeli laKalunga,

LUKAS 3:20

koinima aishe ei okwa weda ko vali eshi, shokwiidilila Johannes modolongo.

MATEUS 14:3

Osheshi Herodes okwa kwatifa Johannes ndele okwe mu manga, ndele okwe mu idilila modolongo omolwaHerodias, omukainhu waFilippus, ondenge yaye.

JOHANNES 3:24

Osheshi Johannes okwa li ina tulwa natango modolongo.

LUKAS 4:14

Ndele Jesus okwa aluka ko meenghono dOmhepo e uya kuGalilea, nepopiwo laye ola ya komikunda adishe domoushiinda.

MARKUS 6:17

Osheshi Herodes okwa tumine ko, a kwatifa Johannes nokwe mu mangifa, ndele okwe mu idililifa modolongo omolwaHerodias, omukainhu wondenge yaye Filippus. Osheshi Herodes okwe mu hombola.

JOHANNES 4:54

Oshikumwifalonga eshi osho oshitivali, Jesus e shi ninga, eshi a dja muJudea ndele te uya kuGalilea.

JOHANNES 4:43

Ndelenee eshi pa pita omafiku avali, Ye okwa dja ko ndele ta i kuGalilea.

LUKAS 4:31

Ndelenee Ye okwa ya kuKapernaum moshilando shomuGalilea, ndele okwe va longa momashabata.

MATEUS 11:2

Ndele Johannes eshi a li modolongo okwa uda oilonga yaKristus nokwa tuma kuye ovalongwa vaye

LUKAS 23:5

Ndele vo ova diinina oku mu fininika va tya: “Ye omupiyaanifi wovanhu noku va longa muJudea ashishe, eshi a hovela muGalilea, fiyo opapa.”

JOHANNES 1:43

Nefiku la shikula eli, Jesus okwa fikama a ye kuGalilea; nokwa shakeneka Filippus, ndele ta ti kuye: “Shikule nge!”

JOHANNES 2:11

Oshikumwifalonga eshi shotete Jesus okwe shi ningila muKana shomuGalilea, ndele a holola oshinge shaye; novalongwa ve mu itavela.