MATEUS 4:1 - Ombibeli Iyapuki

¹ Ndelenee Jesus okwa twalwa kOmhepo mombuwa a ka hongaulwe kuSatana.

MATEUS 4:1 Referans Kwoze

OVAHEBERI 2:18

Osheshi Oye mwene, eshi a yehamekwa nokwa hongaulwa, ota dulu okukwafa ava tava hongaulwa.

OVAROMA 8:14

Osheshi aveshe ava hava endifwa kOmhepo yaKalunga, ovo ovana vaKalunga.

HESEKIEL 43:5

NOmhepo ya yelula nge noya twala nge moluumbo lomenielela. Ndele tala, oshingefimano shOmwene sha yadifa otembeli.

JOHANNES 14:30

Itandi popi vali nanye dihapu, osheshi omupangeli wounyuni ou te uya, oye ke na nande sha mwaame.

HESEKIEL 3:14

Opo nee Omhepo ya yelula nge po ndele ya twala nge, ndele ame nda enda noluhodi moupyuhandu womhepo yange. Ndelenee eke lOmwene la li li neenghono kombada yange.

OILONGA YOVAYAPOSTOLI 8:39

Ndele eshi va dja momeva, Omhepo yOmwene oya kufa po Filippus, nelenga ine mu mona vali, okwa ya nondjila yaye a hafa.

HESEKIEL 3:12

Opo nee Omhepo ya yelula nge po, ndele nda uda konima yange ondaka inene tai ndunduma tai ti: “Efimano lOmwene nali hambelelwe monhele yalo!”

HESEKIEL 40:2

Memoniko laKalunga Ye okwa twala nge moshilongo shaIsrael, ndele okwa kaleka nge komhunda ile unene, ndele oko kwa li ngaashi oshilando sha tungwa langhele lwokoumbuwanhu.

1 EEHAMBA 18:12

Kandi shii apa Omhepo yOmwene tai ku twala ngeenge handi di po pwoove, ndele ngeenge handi i ndi hepaululile Ahab, ndele ye ite ku mono, opo nee ta dipaa nge. Ndele omupiya woye okwa kala ha tila Omwene okudja kounyasha waye.

2 EEHAMBA 2:16

Ndele ve mu lombwela: “Tala, movapiya voye omu novalumenhu omilongo nhano ovaladi. Nava ye okukonga omwene woye. Kashiimba Omhepo yOmwene ye mu twala ndele ye mu ekela komhunda imwe ile mefilu limwe.” Ye okwa nyamukula: “Inamu tuma!”

GENESIS 3:15

Ndele Ame ohandi ka tula outondwe pokati koye nomwalikadi nokoludalo loye nokoludalo laye. Ye ota ka nyanyaula omutwe woye ndele ove to ke mu twa moshififinwa.”

HESEKIEL 11:24

Opo Omhepo ya yelula nge, ndele memoniko, meenghono dOmhepo yaKalunga, ya twala nge kovapika vomuKaldea. Nemoniko nde li mona ola efa nge.

HESEKIEL 11:1

Ndele Omhepo oya yelula nge po ndele oya twala nge koshivelo shomuvelo wotembeli yOmwene, sha ama koushilo. Ndele tala, poshivelo opa kala ovalumenhu omilongo mbali navatano, nomokati kavo ame nda mona Jaasanja yaAsiria, naPelatja yaBenaja, omalenga oshiwana.

HESEKIEL 8:3

Opo nee okwa yelula shimwe sha fa eke, ndele a kwata nge koluxwiki lokomutwe wange. NOmhepo ya yelula nge pokati keulu nedu, ndele ya twala nge memoniko laKalunga kuJerusalem, komhito yokoshivelo shomeni eshi sha taalela koumbangalanhu, apa pa li ongudi yoshikalunga tai xwameke ehandu lOmwene.

JAKOB 1:14

Ndelenee keshe umwe ota hongaulwa kokahalu kaye mwene, oko hake mu shili notake mu heke;