MATEUS 3:12 - Ombibeli Iyapuki

¹² Oye e noshiyelifo meke laye, ndele ta kombo oshipale shaye, noilya ote i tuvikile momaanda aye, ndelenee olungu ote li xwike po nomundilo ihau dimi po.”

MATEUS 3:12 Referans Kwoze

MALAKIA 4:1

Tala, osheshi efiku tali uya, ndele tali xwama ngaashi ediko. Opo ovashishimani aveshe, naaveshe ava hava longo owii, tava ka ninga oihati. Mefiku olo tali uya, tali ke va lungwinifa po, Omwene womatanga ovakwaita ta ti. Opo muvo itamu fyaala nande omudi ile oshitai.

MATEUS 13:30

Efeni, aishe ivali i kale po i kule mumwe fiyo efiku leteyo; efiku leteyo ohandi lombwele ovatei: ongeleni manga eu, nye mu li mange oipandi, li xwikwe po, ndele oilya i tuvikileni momaanda ange.’ ”

LUKAS 3:17

Ye oku na oshiyelifo meke laye ndele ta kombo oshipale shaye, oilya ote i tuvikile momaanda aye nolungu ote li xwike nomundilo ihau dimi.”

JEREMIA 51:2

Ndele handi ka tumina Babilon ovayeli tave shi yele. Noshilongo shasho otave shi pupula, osheshi tave ke shi totela noku shi dingilila keembinga adishe mefiku lomupya.

JESAJA 41:16

Oto di xu ndele tadi i omhepo, nokafudaela otake di lihanifa po. Ndele ove oto ka kala nokuhafela mOmwene, ndele to lifimanekele Omuyapuki waIsrael.”

MATEUS 13:41

Omona wOmunhu ota tumu ko ovaengeli vaye, ndele tava ka ongela mo mouhamba waye omashindo aeshe naava hava nyono ouyuki,

OMAPSALOME 1:4

Ava vehe na Kalunga hasho ve li ngaho, ndelenee vo va fa oshipepwalungu, tashi i omhepo.

JEREMIA 7:20

Onghee hano Omwene Kalunga ota ti: “Tala, okuhanduka kwange noupyuhandu wange otau ka paukila onhele ei, kombada yovanhu noyoinamwenyo, kombada yomomiti domomapya nokombada yoiimati aishe yomoshilongo; otau xwama, ndelenee itau dimi.”

JOHANNES 15:2

Oshitai keshe shi li mwaame eshi itashi imi, Oye ote shi tete po, nakeshe tuu eshi tashi imi ote shi yeleke, shi ime shili.

JEREMIA 15:7

Ndele Ame ohandi ke va yela noshiyelifo, handi va pepe mo moivelo yoshilongo, oshiwana shange ohandi ke shi ninga shihe noludalo, ndele handi shi hanauna po, osheshi vo inava aluka keendjila davo dii.

JEREMIA 17:27

Ndelenee ngeenge itamu pwilikine nge, nye itamu yapula efiku lEshabata noku li diinina notamu humbata omitengi mefiku lEshabata nokweenda moivelo yaJerusalem mefiku lEshabata, opo ohandi ka shakala omundilo moivelo yasho, tau lafa po eengulu doipuna domuJerusalem ndele itau dimi po.

JESAJA 30:24

ndele eehove noimbulu hai longo mepya otai ka lya oilya ya fingala omongwa, ya fifwa noya yelwa noshiyelifo nolukoolo.

JESAJA 17:13

Oiwana tai ngungutula ngaashi engungumo lomeva manene, ndele Ye ote i aneke, ndele tai i onhapo kokulekule; ndele tai halakanifwa ngaashi olungu tali i omhepo keemhunda, ngaashi omafo taa twalwa kokafudaela.

JESAJA 5:24

Onghee hano, ngaashi omutemo womundilo tau lafa po oihati, nongaashi omwiidi mukukutu tau ongotele mo momundilo, osho omidi davo tadi olo ngaashi onhata, nonhemo yavo tai i omhepo ngaashi ondwi, osheshi vo ova dina omhango yOmwene womatanga ovakwaita, nova sheka eendjovo dOmuyapuki waIsrael.

JESAJA 1:31

Ndele ovanaenghono otava ka ninga oitemifo, noilonga yavo otai ka ninga eehandje, naaishe ei ivali otai pile mumwe, ndele kape nomunhu te u dimi.

OMAPSALOME 35:5

Nava ningwe va fa olungu tali i omhepo, nomweengeli wOmwene ne va undwileshi.

JOB 21:18

Ohava ningi ngaashi oihati tai twalwa komhepo, nongaashi olungu tali kombwa po komhepo yoshikungulu?

MATEUS 13:43

Opo nee ovayuki otava ka vilima ngaashi etango mouhamba waXe. Ou e nomatwi, na ude ko.

AMOS 9:9

Osheshi tala, Ame ohandi yandje ondaka ndele handi ka fifa Israel mokati koiwana aishe ngaashi tapa fifwa nomushalo.

HOSEA 13:3

Onghee vo otava ka kala ngaashi oshilemo shongula nongaashi omume hai kashe diva, ngaashi olungu lokoshipale, hali i omhepo, nongaashi omwifi hau piti mekende.

JEREMIA 4:11

Mefimbo tuu olo oshiwana eshi nOvajerusalem otava ka lombwelwa: koikulundudu yomamanya yomombuwa otaku di omhepo ipyu ya yukilila komona okakadona koshiwana shange, yo ihe fi yokupepelifa noyokuyelifa oilya.

JESAJA 66:24

Ndele vo otava piti mo ndele tava ka tala oimhu yovalumenhu ava ve liteeka nge; osheshi einyo lavo itali fi, nomundilo wavo itau dimi, ndele tava ka kala oixuna yongaho kombelela aishe.

JESAJA 27:4

Mwaame kamu na ehandu. Ngeno ndi mone omakiya neeshosholo, onda hala oku i shingila oita noku shi xwika po ashishe mumwe,

MATEUS 13:42

ndele tave va ekele mediko la hanya; omo hamu kala elilaano nomalikweshelo omayoo.

LUKAS 3:16

Johannes okwe va lombwela aveshe: “Ame ohandi mu shashe nomeva, ndele taku di ou e dule nge meenghono, ame inandi wana okuditula nande omiya deenghaku daye, ye ote mu shashe nOmhepo Iyapuki nomundilo.

JESAJA 28:28

Oilya yomungome ohai xuwa fiyo tai ningi oufila? Ahowe, itai xuwa fiyo fiyo. Ndele nande hava shingi okuulu kwetemba neenghambe itave di xwifa fiyo ya nyanyauka po.