MATEUS 3:11 - Ombibeli Iyapuki

¹¹ Ame ohandi mu shashe nomeva mu lidilulule, ndelenee ou ta di konima yange, e dule nge eenghono, ame inandi wana nande oku mu humbatela eenghaku daye. Oye te mu shashe nOmhepo Iyapuki nomundilo.

MATEUS 3:11 Referans Kwoze

LUKAS 3:16

Johannes okwe va lombwela aveshe: “Ame ohandi mu shashe nomeva, ndele taku di ou e dule nge meenghono, ame inandi wana okuditula nande omiya deenghaku daye, ye ote mu shashe nOmhepo Iyapuki nomundilo.

JESAJA 4:4

Omwene nghee a feta po ekako lovana oukadona vaSion nokwa kosha omatimba ohonde aJerusalem mokati kavo nOmhepo yetokolo nOmhepo yeyelifo.

OILONGA YOVAYAPOSTOLI 1:5

Osheshi Johannes okwa shashele nomeva, ndele nye otamu ka shashwa nOmhepo Iyapuki omafiku amwe eshi a pita po.

SAKARIA 13:9

Opo oshitukulwa oshititatu Ame ohandi ke shi twala momundilo ndele handi va hemuna ngaashi oshisiliveli hashi hemunwa, ndele handi va yeleke ngaashi oshingoldo hashi yelekwa. Vo otava ka ifana edina lange, ndele Ame ohandi ke va uda. Ame handi ti: Eshi oshiwana shange! Ndele ohava ti: Omwene, Kalunga ketu!

TITUS 3:5

Oye okwe tu xupifa hamolwoilonga youyuki twe i longa ngeno, ndelenee opafilonghenda laye kekosho ledalululo noleshitululo lOmhepo Iyapuki,

1 OVAKORINTO 12:13

Osheshi atusheni otwa shashelwa mOmhepo imwe twa ninga olutu limwe, ngeenge Ovajuda ile Ovagreka, ovapika ile ovadalwa, atusheni otwa nwefweni mOmhepo imwe.

MATEUS 3:6

ndele tava shashelwa kuye momulonga waJordan eshi va hepaulula omatimba avo.

OILONGA YOVAYAPOSTOLI 19:4

Opo nee Paulus ta ti: “Johannes okwa li ta shashe neshasho lelidilululo, eshi a lombwela ovanhu ve nokwiitavela ou te mu shikula, nokutya oJesus.”

LUKAS 1:17

Ndelenee ye ote mu tetekelele momhepo nomeenghono daElia, nomitima dooxe ote di alulile kovana, novahaduliki keendunge dovayuki, opo a longekidile Omwene oshiwana sha pwa.”

JOHANNES 1:30

Oye tuu ou nde mu tonga nda tile: ‘Konima yange tape uya omulumenhu ou a li komesho yange, osheshi Ye opo a li, fimbo ame ndiha li po.’

MARKUS 1:4

Johannes Omushashi okwa holoka mombuwa nokwa udifa kutya, ovanhu nave lidilulule nava shashwe, opo omatimba avo a dimwe po.

OVAEFESO 3:8

Aame ou omunini ndi dulike kovayapuki aveshe onda pewa efilonghenda eli, okuudifila ovapaani evaengeli loupuna waKristus uhe fi okukonakonwa,

JESAJA 44:3

Osheshi ohandi ka tila omeva kombada yaau a fya enota nomilonga kombada yedu la kukuta. Ame ohandi ka tilila Omhepo yange kombada yoludalo loye nenangeko noupuna kombada yoitutumine yoye,

1 PETRUS 5:5

Osho ngaha nye, ovanyasha, dulikeni kovakulunhu, naamushe mokukalafana kweni djaleni elininipiko, osheshi: “Kalunga oha tondo ovalinenepeki, ndele ovalininipiki te va file onghenda.”

JOHANNES 1:15

Johannes okwe mu hepaulula nokwa ingida, ta ti: “Oye tuu ou nde mu tonga nda tile: ‘ou te uya konima yange, ye okwa li komesho yange, osheshi Ye opo a li, fimbo ame ndiha li po.’ ”

LUKAS 3:3

Ndele ye okwa ya komikunda adishe dokuJordan nokwa udifa kutya, ovanhu nave lidilulule nava shashwe, opo omatimba avo a dimwe po,

OILONGA YOVAYAPOSTOLI 8:36

Ndele fimbo tave lishilile ngaha nondjila, ove uya komeva, nelenga okwa tya: “Tala, omeva oo aa, oshike tashi kelele nge ndiha shashwe?”

OILONGA YOVAYAPOSTOLI 8:38

Ndele ye okwa fikameka etemba, naaveshe vavali ova ya momeva, oFilippus nelenga, ndele ye okwe mu shasha.