MATEUS 27:2 - Ombibeli Iyapuki

² Ndele ove mu manga, ndele ve mu twala ko, ndele tave mu yandje momake aPilatus, omupangeli woshilongo.

MATEUS 27:2 Referans Kwoze

OILONGA YOVAYAPOSTOLI 3:13

Kalunga kaAbraham naIsak naJakob, Kalunga kootate, Oye a fimanekifa Omona Jesus, Oye tuu ou nye mwe mu yandja, nomwe mu lidimbika koshipala shaPilatus, ye eshi kwa li a pangela oku mu efa.

MATEUS 20:19

ndele tave mu yandje kovapaani okushekwa nokudengwa nokuvalelwa, ndelenee mefiku etitatu ota nyumuka.”

1 TIMOTEUS 6:13

Ohandi ku lombwele koshipala shaKalunga, ou omuyandji womwenyo kwaaishe noshaKristus Jesus, ou a hepaulula ehepaululo liwa koshipala shaPontius Pilatus,

LUKAS 13:1

Ndele pefimbo olo opa hangika vamwe ve mu hepaululila Ovagalilea ovo Pilatus a lumbakanifa ohonde yavo mumwe nomaxwikiloyambo avo.

OVAHEBERI 13:3

Dimbulukweni eenghwate mwa fa mwa mangwa pamwe navo, noonakuhepekwa, osheshi nanye yo omu li molutu.

2 TIMOTEUS 2:9

mulo handi humbata oudjuu fiyo omeemhango, nda fa omukolokoshi; ndelenee eendjovo daKalunga inadi mangwa.

OILONGA YOVAYAPOSTOLI 28:20

Onghee hano nde mu ifana, opo ndi mu mone ndi mu popife, osheshi omolweteelelo laIsrael ndi li momalyenge aa.”

OILONGA YOVAYAPOSTOLI 24:27

Ndele eshi pa pita omido mbali, Porkius Festus okwa tulwa mo mepangelo ponhele yaFeliks. Ndele Feliks eshi a hala okuwapalela Ovajuda, okwa fiya mo Paulus meemango daye.

OILONGA YOVAYAPOSTOLI 22:29

Opo tuu opo, venya va li va hala, ve mu denge, ove mu efa diva. Omuneyovi yo eshi a uda kutya Paulus Omuroma, a tila, eshi e mu mangifa.

OILONGA YOVAYAPOSTOLI 22:25

Ndele vo eshi ve mu nangeka, ve mu dengife eeshokoto, Paulus okwa tya komunefele ou a li ofika opo: “Otamu dulu tuu okudenga Omuroma fimbo ina tokolwa?”

OILONGA YOVAYAPOSTOLI 21:33

Omuneyovi okwe uya po ndele te mu kwatifa, ndele ta yandje elombwelo a mangwe nomalyenge avali, ndee ta pula kutya oye olyelye nokwa ninga shike.

OILONGA YOVAYAPOSTOLI 12:6

Ndele moufiku winya, wa tetekela efiku olo Herodes a hala oku mu eta moipafi, Petrus okwa li a kofa pokati kovakwaita vavali, a mangwa nomalyenge avali, novakeleli va li va kelela poshivelo shodolongo.

OILONGA YOVAYAPOSTOLI 9:2

ndele te mu indile eenhumwafo da shangelwa eeshinagoga domuDamaskus, opo ngeenge ta mono oonakweenda nondjila ei, ngeenge omulumenhu ile omukainhu, a shiive oku va manga noku va twala kuJerusalem.

OILONGA YOVAYAPOSTOLI 4:27

Osheshi moshilando eshi omwa ongalela mo shili, Herodes naPontius Pilatus pamwe novapaani, novanhu vaIsrael ova twa ondubo nomumwoye omuyapuki Jesus, ou we mu vaeka,

JOHANNES 18:24

Opo Hannas okwe mu tuma, a mangwa, kuKajafas, omupristeli omukulunhu.

JOHANNES 18:12

Ongudu yovakwaita nomuneyovi wavo novapiya vOvajuda va kwata Jesus, ndele tave mu mange.

LUKAS 20:20

Osho nee ve mu nangela, ndele ova tuma ko ovayeleki ve lininga ovayuki, ve mu yule meendjovo, opo va dule oku mu yandja momake epangelo nokovatokoli nokomwene woshilongo.

LUKAS 3:1

Ndele momudo omutimulongo nanhano wepangelo lomukesari Tiberius, Pontius Pilatus eshi kwa li omupangeli waJudea, naHerodes omupangeli woshitine muGalilea, nondenge yaye Filippus omupangeli woshitine shoshilongo shaIturea naTrakonitis, naLisanias omupangeli woshitine muAbilene,

GENESIS 22:9

Eshi va fika ponhele oyo Kalunga e va ulikila, Abraham okwa tunga po oaltari ndele ta tula ko oikuni. Opo nee ye a manga omona waye Isak nokwe mu kaleka koaltari kombada yoikuni.

MATEUS 28:14

Ndele ngeenge tashi udika komupangeli, fye ohatu mu handukulula, ndele hatu mu popile, nye mu shiive okukala muhe noshisho.”

LUKAS 23:1

Ndele oshiongalele shavo ashishe osha fikama ndele ove mu twala kuPilatus.

LUKAS 23:12

Nefiku olo tuu olo Herodes naPilatus ova panga oukaume, shito pokati kavo opa kala ondubo.

JOHANNES 18:28

Opo vo va kufa Jesus kuKajafas, ndele tave mu twala kongulu yetokolo. Okwa li ongula inene. Ndele vo inava ya mo mongulu yetokolo vo vehe linyatekife, vo va shiive okulya Opaasa.

OVATOKOLIPANGELI 15:12

Opo nee vo tava ti kuye: Fye twe uya tu ku mange, opo tu ku yandje momake Ovafilisti. Ndele Simson ta ti kuvo: Aneni nge nye vene muha dipae nge.