MATEUS 27:1 - Ombibeli Iyapuki

¹ Ndele ongula eshi kwa sha, ovapristeli ovakulunhu aveshe novakulunhu voshiwana ova ongala ndele ova kundafana Jesus, ve mu dipae.

MATEUS 27:1 Referans Kwoze

MARKUS 15:1

Hano eshi tuu kwa ka sha, ovapristeli ovakulunhu novakulunhu novanongo vomishangwa, oshiongalele ashishe shovakulunhu osha tokola, ndele vo ova mangifa Jesus, ndele tave mu twala, ve ke mu yandje kuPilatus.

JOHANNES 18:28

Opo vo va kufa Jesus kuKajafas, ndele tave mu twala kongulu yetokolo. Okwa li ongula inene. Ndele vo inava ya mo mongulu yetokolo vo vehe linyatekife, vo va shiive okulya Opaasa.

LUKAS 22:66

Ndele eshi kwa sha, ovakulunhu voshilongo novapristeli ovakulunhu novanongo vomishangwa ova ongala, ndele ove mu twala koshiongalele shavo,

MIKA 2:1

Woo ava, hava diladila oulunde nohava longekida owii momitala davo. Ongula ngeenge kwa sha, ohave shi ningi. Osheshi vo ove neenghono momake avo.

OMAPSALOME 2:2

Eehamba dedu tadi fikama, ovapangeli otava kundafana pamwe notava tu ondubo nOmwene nomuvaekwa waye.

MATEUS 23:13

“Woo nye, ovanongo vomishangwa nOvafarisai, ovanaihelele nye, eshi tamu idilile po ovanhu oshivelo shOuhamba wokeulu. Osheshi onye vene itamu i mo, ndele tamu kelele ovo va hala okuya mo.

OILONGA YOVAYAPOSTOLI 5:21

Ndele eshi ve di uda ova ya ongula inene motembeli ndele tava longo ovanhu. Ndele omupristeli omukulunhu navakwao ove uya nova ifana oshiongalele shavo nongudu aishe yovakulunhu vovana vaIsrael; va tuma kodolongo, va ka talwe ko.

1 SAMUEL 19:11

Ndelenee Saul okwa tuma ovatumwa keumbo laDavid ve mu nangele, opo ve mu dipae ongula inene. Ndelenee omwalikadi waye Mikal okwe shi hepaululila David ndee ta ti: “Ove ngeenge ito xupifa omwenyo woye oufiku ou wonena, ongula inene to ka dipawa.”

OVATOKOLIPANGELI 16:2

Ovagasa eshi va shiivifilwa nokutya, Simson e uya mo, vo ove mu dingilila noku mu nangela oufiku aushe poshivelo shoshilando. Noufiku aushe va mwena ndele tava ti: Eluwa eshi tali tende, fye ohatu mu dipaa.

OMAPSALOME 31:13

Heeno, ondi udite, vahapu tava ambaamba nge, oixuna keembinga adishe, mokungudumana kwavo otava diladilile nge efyo.

OMAPSALOME 71:10

Osheshi ovatondi vange otava popi nge, naava tava halele nge onhiko, otava kundafanene nge,

LUKAS 13:1

Ndele pefimbo olo opa hangika vamwe ve mu hepaululila Ovagalilea ovo Pilatus a lumbakanifa ohonde yavo mumwe nomaxwikiloyambo avo.