MATEUS 26:41 - Ombibeli Iyapuki

⁴¹ Kaleni oupafi, nye mu indile, muha hangike komahongaulo; omhepo oya hala, ndele ombelela i noungone.”

MATEUS 26:41 Referans Kwoze

LUKAS 22:46

Ndele Ye okwa tya kuvo: “Oshike mwa kofa? Pendukeni nye mu ilikane, muha hangike komashindo.”

MARKUS 14:38

Kaleni oupafi, nye mu ilikane, muha hangike komayeleko, heeno, omhepo oya hala, ndelenee ombelela oi na oungone.”

OVAEFESO 6:18

Eshi shi ningeni nomailikano nomaindilo aeshe nokwiilikana alushe mOmhepo ndele molwaasho kaleni mwa pashuka moudiinini aushe nokwiilikanena ovayapuki aveshe;

MATEUS 6:13

ndele ino tu twala momayeleko, ndelenee tu xupifa mowii.’

LUKAS 21:36

Pashukeni hano omafiku aeshe nokwiilikana, mu mone eenghono okuya onhapo ei aishe tai ka ningwa, nokukala ofika koshipala shOmona wOmunhu.”

EHOLOLO 16:15

“Tala, Ame ohandi uya ngaashi omulunga. Omunelao oyou ha kala oupafi noha diinine oikutu yaye, aha ende hamunghele, ohoni yaye iha monike.”

1 OVAKORINTO 16:13

Kaleni oupafi, mwa pama meitavelo, ovalumenhwelela, mwa pamenena.

1 PETRUS 5:8

Kaleni mu nelidiliko nomwa pashuka, omutondi weni, Satana, ohe mu dingilile ngaashi onghoshi hai kumbu, nota kongo ou te mu xwake po.

1 OVAKORINTO 10:13

Inamu hangika keyeleko limwe, olo tuu olo lopanhu, ndelenee Kalunga Oye omudiinini, ite mu efa mu yelekwe nomayeleko e dule eenghono deni, ndele mumwe neyeleko ota longele yo omhito yokupita mo, opo mu dule oku li humbata.

2 PETRUS 2:9

Osho ngaha Omwene e shii okuxupifa ovayuki momahongaulo nokukwatelela ovalunde va ka handukilwe efiku letokolo,

MATEUS 24:42

Opo nee hano kaleni oupafi, osheshi kamu shi shii efiku lilipipo Omwene weni te uya.

EHOLOLO 3:10

Molwaashi wa diinina ondjovo youtalanheni wange, naame yo ohandi ke ku diinina mefimbo leyeleko olo tali uya kombada yedu alishe okuyeleka oonakukala kombada yedu.

1 PETRUS 4:7

Ndelenee exulilo loinima aishe oli li popepi; kaleni hano mu nelididimiko nelidiliko mu shiive okwiindila.

LUKAS 22:40

Ndele eshi a fika ko oko, okwe va lombwela: “Ilikaneni muha pundukile momayeleko.”

OVAGALATI 5:24

Naava vaKristus Jesus ova valela ombelela yavo nouhalu wavo nolwisho lavo komushiyakano.

1 OVAKORINTO 9:27

ndele ohandi denge olutu lange nohandi li dulikifa, opo ndiha ninge aame ou handi udifile vamwe, ame mwene ngeno ndi ekelweshi.

MATEUS 25:13

Kaleni hano oupafi, osheshi inamu shiiva efiku notundi.

OMAPSALOME 119:32

Onda hala ndi lotoke mondjila yoipango yoye, osheshi Ove to mbwalangadjifa omutima wange.

MATEUS 26:38

Ndele okwa tya kuvo: “Omwenyo wange owa nyika oluhodi fiyo okufya, kaleni apa mu kale oupafi pamwe naame.”

OMAPSALOME 119:1

Ovanelao ovava, ve nondjila ya yuka, ndele tava ende pamhango yOmwene.

OVAROMA 8:3

Osheshi eshi sha nyenga omhango shaashi ya nghonopalekwa kombelela, Kalunga okwe shi longa, eshi a tuma Omona waye mwene molupe lombelela ya nyika oulunde nomolwoulunde, ndele okwa tokola oulunde mombelela,

LUKAS 11:4

ndele dima po omatimba etu, osheshi nafye yo ohatu dimine po keshe tuu ou e noikolo nafye, ino tu twala momayeleko, ndelenee tu xupifa momunawii.’ ”

LUKAS 8:13

Ndele edi domemanya ovovo hava pwilikine eendjovo, ndele have di tambula nehafo, ndele vehe na omidi, ohava itavele okafimbo, ndele efiku leyeleko otava efa.

OMAPSALOME 119:117

Pameke nge, ndi hange kexupifo, ame ndi dakamene alushe eenghedimhango doye.

OMAPSALOME 119:115

Ovaningi vowii nye, djeni po pwaame. Ame onda hala okudiinina oipango yaKalunga kange.