MATEUS 26:12 - Ombibeli Iyapuki

¹² Osheshi eshi a tila omaadi aa kolutu lange, okwe shi ningila epako lange.

MATEUS 26:12 Referans Kwoze

JOHANNES 12:7

Ndele Jesus okwa tya: “Mu efa, osheshi e a tuvikilila efiku lokupakwa kwange.

MARKUS 14:8

Ye okwa ninga osho shi fike peenghono daye. Ye okwa tetekela okuvaekela olutu lange epako.

LUKAS 23:56

Hano eshi va shuna komaumbo, ova longekida oidimba ya nyika nawa nomaadi mawa, ndele efiku lEshabata va tulumukwa opanghedi yomhango.

MARKUS 16:1

Ndele Eshabata eshi la xula, Maria Magdalena naMaria, ina yaJakob naSalome ova landa omuvavo wedimba liwa, ve ke mu vaeke.

2 OMAFIMBO 16:14

Ndele ve mu paka mombila yaye, e i lihokela moshilando shaDavid, ndele ve mu nangeka mombete i yadi oimbodi yedimba liwa, i lili nai lili ya pilaulwa komunongo. Ndele ve mu xwikila oixwikomwa ihapu.

GENESIS 50:2

Ndele Josef okwa lombwela ovapiya vaye ovahakuli, va vaeke xe nomaadi abalsam. Novahakuli va vaeka Israel nomaadi abalsam.