MATEUS 26:11 - Ombibeli Iyapuki

¹¹ Eehepele omu va kwete alushe punye, ndele Ame kamu kwete nge alushe.

MATEUS 26:11 Referans Kwoze

DEUTERONOMION 15:11

Eehepele eshi tadi ka kala alushe moshilongo, onghee hano ame ohandi ku lombwele: ‘Eke loye li kamutulukile nehalo liwa komukwanaluhepo nohepele, ava ve li moshilongo sheni.’

MARKUS 14:7

Osheshi eehepele omu di kwete alushe mokati keni nokeshe efiku mwa hala inamu nyengwa oku di ningila nawa, ndele Ame kamu kwete nge alushe.

JOHANNES 12:8

Osheshi eehepele odi li punye alushe, ndelenee Ame nghi li punye alushe.”

JOHANNES 16:28

Ame onda dile kuTate, ndele onde uya mounyuni. Ounyuni ohandi u fii po vali, ndele handi i kuTate.”

JOHANNES 16:5

Ndele paife ohandi i kwaau a tuma nge, ndele kape na ou womunye ta pula nge: Oto i peni?

JOHANNES 14:19

Okafimbo kaxupi, ounyuni itau mono nge vali, ndele nye otamu mono nge, osheshi Ame ondi nomwenyo, nanye yo tamu kala nomwenyo.

JOHANNES 13:33

Ovamwange, okafimbo kanini natango ndi li punye. Otamu ka konga nge, ndele ngaashi nde shi lombwelele Ovajuda: Oku Ame handi i, itamu dulu okuya ko, osho handi mu lombwele yo paife.

OILONGA YOVAYAPOSTOLI 3:21

Oye ou eulu la li li noku mu tambululula noku mu kwatela mo fiyo omafimbo enya, oinima aishe tai shunwa ponhele yayo, ngaashi Kalunga e shi popifa nale omakanya ovaxunganeki vaye ovayapuki.

JOHANNES 17:11

Ndele Ame nghi li vali mounyuni ou, ndelenee vo omo ve li mounyuni ou, naame handi uya kwoove. Tate omuyapuki, va diininina medina loye, eli wa pa nge, va kale umwe, ngaashi tu li naave.

MATEUS 28:20

noku va longa okudiinina aishe ei nde i mu lombwela. Ndele tala, Ame ondi li pamwe nanye omafiku aeshe, fiyo okexulilo lefimbo lounyuni.”

MATEUS 18:20

Osheshi oku ku na vavali ile vatatu va ongala medina lange, Ame ondi li mokati kavo.”

1 JOHANNES 3:17

Ngeenge ope na ou e kwete emona lounyuni ou, ndele ta mono omumwaxe a hepa, ndele te mu kukutikile omutima waye, ohole yaKalunga otai kala mo ngahelipi muye?

OVAGALATI 2:10

Osho ashike tu dimbulukwe eehepele, nongaashi handi shi ningi yo shili.

MATEUS 26:10

Ndelenee opo Jesus eshi e shi koneka, ota ti kuvo: “Oshike tamu nyikifa omukainhu oluhodi? Oye okwa longela nge oshilonga shiwa.