MATEUS 24:6 - Ombibeli Iyapuki

⁶ Ndele tamu ka uda oita nomakundano oita; taleni, muha tulwe oumbada. Osheshi osho oshi nokuningwa, ndele exulilo inali fika manga.

MATEUS 24:6 Referans Kwoze

LUKAS 21:9

Ndele ngeenge tamu udu omakolokoto oita nomalwoodi, inamu tila, osheshi ei oi nokutetekela, ndele exulilo inali fika manga.”

JOHANNES 14:1

“Omitima deni inadi nyika oluhodi. Itaveleni Kalunga nye mu itavele nge yo.

2 OVATESSALONIKI 2:2

muha kanife diva eendunge ile muha halukifwe nande komhepo ile kondjovo ile konhumwafo ya dja kufye, vati, ongefiku lOmwene la fika.

JOHANNES 14:27

“Ombili ohandi i mu fiile, ombili yange ohandi i mu pe. Itandi mu pe ngaashi ounyuni tau yandje. Omitima deni inadi nyika oluhodi, nye inamu tila.

OMAPSALOME 112:7

Eenghundana dii ye ite di tila; omutima waye itau mbadapala, owe lineekela Omwene.

MATEUS 24:14

Ndele evaengeli eli louhamba otali udifilwa ounyuni aushe li ningile oiwana aishe ondobwedi, opo nee taku uya exulilo.

LUKAS 21:19

Okelididimiko leni otamu lixupifile eemwenyo deni.

JESAJA 12:2

Heeno, Kalunga Oye exupifo lange; ame handi mu lineekele, ndele ihandi tila sha. Osheshi Kalunga Omwene, Oye eimbilo lange neenghono dange, omuye hamu di exupifo lange.

LUKAS 22:37

Osheshi handi mu lombwele: Omushangwa ou ou nokuwanifilwa mwaame: ‘Ye okwa valulilwa movakolokoshi,’ osheshi aishe inya ya shangelwa nge otai wanifwa.”

MATEUS 26:54

Ndele omishangwa otadi wanifwa ngahelipi ngeno, odo tadi ti, oshi nokuningwa ngaha?”

HESEKIEL 21:28

“Ndele ove, kaana komunhu, xunganeka u tye: ‘Omwene Kalunga ta ti ngaha mokupopya ovana vaAmmoni nomasheko avo. Ndele ove u nokutya: Eongamukonda, eongamukonda la pweywa mo li dipae. Lo ola yawa li kute, lo li kale ngaashi oluvadi,

JEREMIA 47:6

Woo, oove eongamukonda lOmwene, fiyo onaini to ka kala ino tulumukwa? Shuna moshilaleko! Tulumukwa ove u limwenenene.

JESAJA 7:4

u mu lombwele u tye: Lilongelela wa mwena, ino tila, nomutima woye inau fya ounye nokutila oitetela ivali yoikuni tai twimina omwifi, oupyuhandu waResin nOvaaramea, nowa ou, omona waRemalja.

MATEUS 2:3

Ndele ohamba Herodes eshi ye shi uda, oya haluka nOvajerusalem aveshe pamwe nayo.

EHOLOLO 6:4

Nonghambe ikwao itilyana oye uya nomulondi wayo okwa pewa a kufe po ombili kombada yedu, opo ovanhu va dipaafane, ndele ye okwa pewa eongamukonda linene.