MATEUS 24:5 - Ombibeli Iyapuki

⁵ Osheshi otaku uya vahapu omedina lange ndele tava ti: aame Kristus, ndele tava pukifa vahapu.

MATEUS 24:5 Referans Kwoze

MATEUS 24:24

Osheshi otaku holoka, ookristus ovanaipupulu novaxunganeki ovanaipupulu, ndele tava longo omadidiliko manene noikumwifalonga, va pukife, ngeenge tashi dulika novahoololwa yo.

MATEUS 24:11

Ndele otaku uya ovaxunganeki ovanaipupulu vahapu, ndele tava pukifa vahapu.

JEREMIA 14:14

Ndelenee Omwene okwa lombwela nge, ta ti: Ovaxunganeki otava xunganeke oipupulu medina lange; Ame inandi va tuma nongaashi inandi va lombwela noinandi va popifa. Otave mu xunganekele omamoniko oipupulu nomaxunganeko oipupulu nomakoto omitima davo vene.

1 JOHANNES 2:18

Ovamwange, paife efimbo laxuuninwa. Ngaashi onye mwa udile antikristus ote uya, hano paife ooantikristus vahapu ova holoka yo. Opo tuu otwe shi shiiva nokutya, paife efimbo laxuuninwa.

JEREMIA 23:25

Ame onda uda osho ovaxunganeki ovo tave shi tongo, ava hava xunganeke oipupulu medina lange ndele tava ti: Ame onda nangala ondjodi, onda nangala ondjodi!

JOHANNES 5:43

Ame nde uya medina laTate, nye itamu tambula nge. Ngeenge umwe e lili te uya medina laye mwene, oye nee otamu mu tambula.

EHOLOLO 13:8

Novakwambadayedu otave shi linyongamene, keshe tuu ou edina laye inali shangelwa membo lomwenyo lOdjona ya dipawa, kokudja keshito lounyuni.

JEREMIA 23:21

Ovaxunganeki ava nande haame nde va tuma ko, vo otava tondoka. Ame inandi va lombwela sha, ndelenee vo otava xunganeke.

JEREMIA 37:9

Osho Omwene ta ti: “Inamu lifufya, eshi tamu ti: Ovakaldea otave tu efa tava di po. Osheshi vo itava ka dja po.

JOHANNES 8:24

Onghee nde mu lombwela, otamu ka fila momatimba eni. Osheshi ngeenge itamu itavele nokutya, Aame tuu ou, otamu ka fila momatimba eni.”

JOHANNES 8:28

Opo nee Jesus ta ti kuvo: “Omona wOmunhu nge mwe mu yelula pombada, opo nee tamu ka dimbulukwa nge nokutya, Aame tuu ou, osho ihandi longo sha mwaame mwene, ndelenee osho Tate e shi longa nge, osho ashike handi shi tongo.

1 JOHANNES 2:22

Omunaipupulu hano olyelye, ke fi ou te likale ta ti, Jesus ke fi Kristus? Ou te likale Xe nOmona, oye tuu antikristus.

1 JOHANNES 4:3

ndele keshe omhepo itai hepaulula Jesus Kristus, oyo inai dja muKalunga; oyo omhepo yaantikristus, oye ou mwe mu uda te uya, oye oku li paife nokuli mounyuni.