MATEUS 24:21 - Ombibeli Iyapuki

²¹ osheshi omafiku oo otapa kala oudjuu unene, inau kala ko okehovelo lounyuni fiyo opaife, ndele ngaashi itau uya vali.

MATEUS 24:21 Referans Kwoze

DANIEL 12:1

“Ndele mefimbo tuu olo Mikael, omweengeli omukulunhu munene, ou ha popile ovana voshiwana shoye, ota ka fikama. Ndele efimbo olo tali ka kala efimbo lidjuu inali kala ko shito, nghee tuu ovanhu va kala fiyo okefimbo olo. Ndelenee mefimbo tuu olo oshiwana shoye tashi ka xupifwa, keshe umwe ou a shangelwa membo.

JOEL 2:2

Efiku lomilaulu nolomudimbi, efiku loshihemime noloilemo. Ngaashi ouyelele weluwa tau tandavele kombada yeemhunda, osho oshiwana shinene nosheenghono tashi uya. Oshiwana sha tya ngaha inashi kala po nale noitashi ka kala fiyo okomido domaludalo oo tae ke uya.

MALAKIA 4:1

Tala, osheshi efiku tali uya, ndele tali xwama ngaashi ediko. Opo ovashishimani aveshe, naaveshe ava hava longo owii, tava ka ninga oihati. Mefiku olo tali uya, tali ke va lungwinifa po, Omwene womatanga ovakwaita ta ti. Opo muvo itamu fyaala nande omudi ile oshitai.

LUKAS 21:24

ndele vo ove nokufya keememo deongamukonda, notava twalwa moupika koiwana aishe, ndele Jerusalem tashi ka lyataulwa kovapaani fiyo omafimbo ovapaani taa wana.

1 OVATESSALONIKI 2:16

eshi have tu kelele okuudifila ovapaani, opo va xupifwe; osho ngaha tava yadifa alushe oulunde wavo. Ndelenee ehandu ole uya nokuli kombada yavo.

MATEUS 24:29

“Ndele oudjuu womafiku oo otau shikulwa diva kelauliko letango, nohani itai yela vali, neenyofi otadi u meulu, neenghono domeulu otadi kakamifwa.

JOEL 1:2

Shi udeni, onye ovakulunhu! Shi pwilikineni, onye oonakukalamo moshilongo! Oshinima sha tya ngaha osha ningwa tuu mbela momafiku eni ile momafiku ooxokulu?

MARKUS 13:9

“Ndele lilungameneni nye vene. Otave ke mu yandja koiongalele yovakulunhu, ndele tamu ka dengelwa meeshinagoga, ndele tamu ka twalwa koipala yomalenga noyeehamba molwange mu ninge ondobwedi kuvo.

DANIEL 9:26

Ndele oivike omilongo hamano naivali ngeenge ya pita, Omuvaekwa ota dipawa, ndele hamolwaye mwene. Oshilando notembeli otai ka hanaunwa kovanhu vomupangeli te shi totele, ndele exulilo laye tali ka kala mefundja. Ndele fiyo okexulilo tapa kala omalwoodi nomahanauno, ngaashi sha tokolwa.

HESEKIEL 5:9

ndele molwoixuna aishe yoye Ame ohandi ke ku ningila eshi inandi shi ninga nande shito, naashi ihandi ke shi ninga vali.

MATEUS 24:20

Ndele indileni, okuya onhapo kweni kuhe mu hange okufu ile efiku lEshabata,

EHOLOLO 7:14

Ame onda tya kuye: “Omwene wange, Ove ou shi shii.” Ndele Ye okwa lombwela nge: “Ava ovava va dile momahepeko manene, ndele va kosha oikutu yavo, ndele ve i yelifa mohonde yOdjona.

EHOLOLO 16:18

Ndele opa holoka omaluvadi nomangungumo neendaka, ndele opa ningwa ekakamo linene lidjuu ledu, ngaashi inapa kala limwe li fike pulo nghee ovanhu va kala kombada yedu, olo ekakamo lidjuu unene ledu.