MATEUS 23:3 - Ombibeli Iyapuki

³ Onghee hano, keshe osho tave shi mu lombwele, shi ningeni nye mu shi diinine; ndele inamu hopaenena oilonga yavo, osheshi ovo tava lombwele, ndele itava longo sha.

MATEUS 23:3 Referans Kwoze

2 TIMOTEUS 3:5

ovo ve nemoniko longaho letilokalunga, ndelenee tava shilike eenghono dalo. Naava ve li ngaha, va kukuma.

TITUS 1:16

Vo otava ti ova shiiva Kalunga, ndelenee moilonga yavo otave mu likale, osheshi ovo oikungifa yongaho, ihava dulika, inava wana okulonga oshilonga nande shimwe shiwa.

OILONGA YOVAYAPOSTOLI 5:29

Ndele Petrus novayapostoli vakwao ova nyamukula tava ti: “Okudulika kuKalunga ku dule okudulika kovanhu.

OVAROMA 13:1

Omunhu keshe na dulike kovapangeli ava have mu pangele. Osheshi kape na nande epangelo inali dja kuKalunga; ovapangeli ava ve li po, ova tulwa po kuKalunga.

MATEUS 21:30

Okwa ya kumukwao ndele okwe mu lombwela yo eendjovo tuu odo. Oye okwa nyamukula: ‘Heeno, omwene,’ ndele ina ya ko.

2 OMAFIMBO 30:12

MuJuda yo eke laKalunga la longa, onghee ve liyandja nomutima umwe, va wanife oshipango shohamba noshovakulunhu pandjovo yOmwene.

DEUTERONOMION 5:27

Ove inda ko, u ka ude adishe odo Omwene Kalunga ketu ta ka tya, opo nee ove to dulu oku tu shiivifila Omwene Kalunga ketu eshi te ku lombwele, ndele fye ohatu shi udu noku shi ninga.’

DEUTERONOMION 4:5

Taleni, ame nde mu longa eenghedimhango nomalombwelo ngaashi Omwene Kalunga kange a lombwela nge, opo mu di shikule medu olo tamu ka nangala.

EXODUS 18:23

Ngeenge to ningi ngaha naKalunga mwene ote ku lombwele ngaha, ove ho dulu, ito ka loloka, novanhu aveshe ava tava shuna komatwali avo ve nomwenyo muwa.”

MATEUS 23:2

ndele ta ti: “Ovanongo vomishangwa nOvafarisai ove li omutumba kolukalwa laMoses.

MATEUS 23:4

Ovo ohava mange omitengi didjuu nokuhumbata ndele tave di twike komapepe ovanhu, ndele voovene inava hala oku di kuma nande nomunwe.