MATEUS 23:13 - Ombibeli Iyapuki

¹³ “Woo nye, ovanongo vomishangwa nOvafarisai, ovanaihelele nye, eshi tamu idilile po ovanhu oshivelo shOuhamba wokeulu. Osheshi onye vene itamu i mo, ndele tamu kelele ovo va hala okuya mo.

MATEUS 23:13 Referans Kwoze

LUKAS 11:52

“Woo nye ovanongo vomhango, eshi mwa nyeka ko oshapi younongo, nye vene inamu ya mo, naavo va hala okuya mo, omwe va kelela.”

MATEUS 23:29

“Woo nye, ovanongo vomishangwa nOvafarisai, ovanaihelele nye, eshi hamu tungu eembila dovaxunganeki ndele hamu wapeke omamanya okeembila dovayuki,

MATEUS 23:27

“Woo nye, ovanongo vomishangwa nOvafarisai, ovanaihelele nye, omwa fa eembila da kolongwa, da wapala okutalwa kombada, ndele meni lado omu yadi omakipa ovafi nonyata aishe!

MATEUS 23:23

“Woo nye, ovanongo vomishangwa nOvafarisai, ovanaihelele nye, eshi hamu yandje oshitimulongo shoumbidi ava vanini vomomapya, ndele hamu efa oinenenima yomomhango ouyuki nefilonghenda noudiinini! Ei i nokuwanifwa, naainya ihe shi okweefiwa.

SAKARIA 11:17

Woo omufita oo mwii, ta efa eedi! Eongamukonda nali hange okwooko kwaye neisho laye lokolulyo! Okwooko kwaye naku kukute nokuli, neisho laye lokolulyo nali twike filu.

OILONGA YOVAYAPOSTOLI 8:1

Ndele Saulus yo okwa li a panda okudipawa kwaStefanus. Mefiku tuu olo eongalo lomuJerusalem ola hangika ketewatewo linene, naaveshe ve lihanena momikunda daJudea nodaSamaria, ovayapostoli aveke va fyaala mo.

2 TIMOTEUS 4:15

Naave yo mu londoka, osheshi ye okwa lwifa eendjovo detu neenghono.

JESAJA 33:14

Ovalunde vomuSion otava haluka novanaihelele otava hangwa kekakamo. Ohava ti: “Olyelye womakati ketu ta dulu okukala po pomundilo hau lyana, nolyelye ta dulu okukala pomutemo alushe?”

2 TIMOTEUS 3:8

Ngaashi naanaa Jannes naJambres va li va twa ondubo naMoses, osho yo ava ve nondubo noshili, vo ovanhu va nyonauka meendunge, itava dulu momayeleko eitavelo.

OILONGA YOVAYAPOSTOLI 13:8

Ndele omhule ei Elimas, osheshi osho edina laye tali lundululwa, okwe va twila ondubo a hala okulimbilika omupangeli aha itavele.

OILONGA YOVAYAPOSTOLI 5:40

Ndele vo ova ninga ngaashi ye a tonga, ova ifanena mo ovayapostoli, ndele tave va dengifa nove va lombwela, vaha popye vali medina laJesus, nove va efa va ye.

OILONGA YOVAYAPOSTOLI 5:28

ta ti: “Fye otwe mu shilika shili, onye muha longe vali ovanhu edina eli, ndele taleni, Jerusalem ashishe omwe shi yadifa nelongo leni, nomwa hala mu twike ohonde yomulumenhu winya kombada yetu.”

JOHANNES 9:34

Opo ve mu nyamukula, tava ti kuye: “Ove owa dalwa moulunde woovenevene, ndele wa hala u tu longe.” Opo ve mu undulila pondje.

JOHANNES 9:24

Opo nee vo va ifanununa omunhu ou a li omupofi, ndele va tya kuye: “Pa Kalunga efimano, otu shi shii omulumenhu winya omulunde.”

JOHANNES 9:22

Ovakulunhu vaye ova popya ngaha, shaashi va tila Ovajuda. Osheshi Ovajuda ova udafana nokutya, ngeenge ope na ou ta ti: Oye Kristus, ota kondwa mo moshinagoga.

MATEUS 23:25

“Woo nye, ovanongo vomishangwa nOvafarisai, ovanaihelele nye, eshi hamu yelifa eholo netiti kombada, ndele meni oli yadi enyeko noufukenhu!

MATEUS 3:7

Ndelenee eshi a mona Ovafarisai nOvasadukai vahapu ve uya keshasho laye, okwa tya kuvo: “Oludalo lomayoka nye, olyelye e mu longa okuya onhapo ehandu olo tali uya?

MATEUS 23:16

“Woo nye, ovakwatiketi vovapofi, onye hamu ti: ‘Ngeenge ku na ou ta ane kotembeli, eano laye olongaho, ndele ou ta ane koshingoldo shotembeli, oye e noku li diinina.’