MATEUS 23:12 - Ombibeli Iyapuki

¹² Ndele ou te linenepeke, oye ta ninipikwa, naau te lininipike, ye ota nenepekwa.”

MATEUS 23:12 Referans Kwoze

1 PETRUS 5:5

Osho ngaha nye, ovanyasha, dulikeni kovakulunhu, naamushe mokukalafana kweni djaleni elininipiko, osheshi: “Kalunga oha tondo ovalinenepeki, ndele ovalininipiki te va file onghenda.”

JAKOB 4:6

Ndelenee ye ota yandje efilonghenda linene unene. Onghee tapa tiwa: “Kalunga oku tonde ovalinenepeki, ndelenee ovalininipiki te va file onghenda.”

LUKAS 14:11

Osheshi keshe ou te linenepeke ota ninipikwa, naau te lininipike ota ka nenepekwa.”

OMAYELETUMBULO 29:23

Elinenepeko lomunhu tali mu xutula, ndelenee ou e nomhepo i nelininipiko, ota ka fimanekwa.

LUKAS 18:14

Ohandi mu lombwele: ou a shuna keumbo omuyuki, e dule winya, osheshi ou te linenepeke ota ninipikwa, ndele ou te lininipike ota nenepekwa.”

MATEUS 18:4

Onghee hano, ou te lininipike ngaashi okaana aka, oye omunene e dule vakwao mouhamba wokeulu.

OMAYELETUMBULO 15:33

Okutila Omwene okwo outekuduliko tau eta ounongo; nelininipiko tali tetekele efimano.

MATEUS 5:3

“Ovanelao eehepele domhepo, osheshi Ouhamba weulu owavo.

DANIEL 4:37

Aame Nebukadnesar, paife ohandi hambelele ndele handi tumbaleke ndele handi fimaneke Ohamba yomeulu! Oilonga yaye aishe oyo yoshili, neendjila daye oda yuka. Oye ta dulu okuxutula ava hava ende melinenepeko.”

JOB 22:29

Ondjila ngee tai filukile to ti: ‘Okulonda!’ Nomulininipiki ote mu kwafa.

JESAJA 57:15

Osheshi Omwene nOmufimanekwa ou ha kala moukwaalushe, nedina laye Omuyapuki, Ye ota ti: Ame ohandi kala pokule mokombadambada nomouyapuki nomwaava ve na omhepo ya nyanyaulwa noye lininipika, opo ndi hekeleke omhepo yovalininipiki nondi tululule omwenyo momutima waava va nyanyaulwa.

OMAPSALOME 138:6

osheshi Omwene Oye a tumbala, ndele ta yavelele omudinwa, ndelenee ovalituliko ohe va dimbulukile kokule.

1 PETRUS 5:6

Lininipikeni hano koshi yeke li neenghono laKalunga, opo e mu nenepeke pefimbo la wapala.