MATEUS 22:8 - Ombibeli Iyapuki

⁸ Oya tya kovamati: ‘Oshivilo shehombolo osha pwa okulongekidwa, ndele ovashivwa ovo inave shi wapalela.

MATEUS 22:8 Referans Kwoze

EHOLOLO 3:4

Ndelenee ou na yo ovanhu vamwe muSarde, inava nyateka oikutu yavo, vo otava ka enda pamwe naame va djala oikutu itoka, osheshi ove shi wana.

2 OVATESSALONIKI 1:5

Osho edidiliko letokolo laKalunga la yuka, nokutya nye mu talwe mwa wapalela ouhamba waKalunga, ngaashi tamu u hepekelwa yo.

OILONGA YOVAYAPOSTOLI 13:46

Opo nee Paulus naBarnabas ova popya nouladi tava ti: “Onye tuu ava mu nokuudifilwa tete eendjovo daKalunga; ndele nye eshi tamu di kandula po, nomwe litala inamu wapala okuya momwenyo waalushe, hano taleni, ohatu liameke kovapaani.

EHOLOLO 22:14

Ovanelao ovovo tava yelifa oikutu yavo, opo va itavelelwe okupewa komuti womwenyo nokuya moshilando tava piti moivelo.

LUKAS 21:36

Pashukeni hano omafiku aeshe nokwiilikana, mu mone eenghono okuya onhapo ei aishe tai ka ningwa, nokukala ofika koshipala shOmona wOmunhu.”

LUKAS 20:35

Ndele vo otava talwa va wapala okuya mefimbo lounyuni linya nomenyumuko lokovafi, ihava hombola nongaashi ihava hombolwa.

MATEUS 9:15

Ndele Jesus okwa tya kuvo: “Ookaume komuhomboli otava shiiva ngahelipi okunyika oluhodi fimbo omuhomboli e li puvo? Ndele omafiku tae uya, omuhomboli te va kufwa, opo nee otave lidilike oikulya.

MATEUS 22:7

Ndele ohamba oya handuka, ndele tai tumu ko ovakwaita vayo, ndele tava hanauna po ovadipai ovo, ndele tava xwike po oilando yavo.

MATEUS 22:9

Indeni hano komashakeneno eendjila, aveshe ovo tamu mono, va shivileni kehombolo.’