MATEUS 21:15 - Ombibeli Iyapuki

¹⁵ Ndele ovapristeli ovakulunhu novanongo vomishangwa eshi va mona oikumwifa ye e i longa, nounona, nhumbi va ingida motembeli va tya: “Hosianna, Omona waDavid”, ova umana

MATEUS 21:15 Referans Kwoze

MATEUS 21:9

Ndele eengudu dovanhu, ovo va kwatela komesho naavo ve mu shikula, ova ingida mokule tava ti: “Hosianna Omona waDavid! Na nangekwe noupuna, ou te uya medina lOmwene. Hosianna omokombada!”

JOHANNES 12:19

Opo nee Ovafarisai va tongafana: “Nye mu shi wete, kamu na eshi tamu dulu. Taleni, ounyuni aushe tau mu shikula.”

JOHANNES 11:57

Ndele ovapristeli ovakulunhu nOvafarisai ova yandja ondaka, ngeenge ope na ou e shii apa e li, oku noku shi holola, opo ve mu kwate.

JOHANNES 7:42

Omushangwa itau ti: Kristus ota di moludalo laDavid nomoshilando shaBetlehem, oku kwa li David?”

JOHANNES 4:1

Hano Omwene eshi a shiiva nokutya, Ovafarisai ova uda kutya, Jesus okwa ninga ovalongwa vahapu, ndele ta shashe e dule Johannes,

LUKAS 22:66

Ndele eshi kwa sha, ovakulunhu voshilongo novapristeli ovakulunhu novanongo vomishangwa ova ongala, ndele ove mu twala koshiongalele shavo,

LUKAS 22:2

Ovapristeli ovakulunhu novanongo vomishangwa ova li va diladila nhumbi ve mu dipae, shaashi va tila ovanhu.

LUKAS 20:1

Ndele opa ningwa efiku limwe, Ye eshi a longa motembeli, ndele okwa udifa evaengeli, ovapristeli ovakulunhu novanongo vomishangwa pamwe novakulunhu ve uya mo,

MARKUS 11:18

Ovapristeli ovakulunhu novanongo vomishangwa ove shi uda, ndele va diladila nhumbi tava ningi va shiive oku mu dipaa, osheshi ove mu tila, osheshi elongo laye ola kumwifa ovanhu aveshe.

MATEUS 27:20

Ndelenee ovapristeli ovakulunhu novakulunhu ove shi hekela ovanhu okwiindila Barabas, nokudipaifa Jesus.

MATEUS 27:1

Ndele ongula eshi kwa sha, ovapristeli ovakulunhu aveshe novakulunhu voshiwana ova ongala ndele ova kundafana Jesus, ve mu dipae.

MATEUS 26:59

Ndele ovapristeli ovakulunhu noshiongalele ashishe shovakulunhu ova li tava kongele Jesus oihokolola yoipupulu, va shiive oku mu dipaa,

MATEUS 26:3

Opo nee ovapristeli ovakulunhu novakulunhu voshiwana va ongala meumbo lomupristeli omukulunhu, edina laye Kajafas

MATEUS 22:42

“Kristus, otamu mu tile ngahelipi? Oye omona walyelye?” Vo ova tya kuye: “OwaDavid.”

MATEUS 21:23

Opo nee eshi a ya motembeli, ovapristeli ovakulunhu novakulunhu voshiwana ve uya kuye fimbo ta longo ovanhu, ndele tava ti: “Okeenghono dilipipo ho longo ei? Olyelye e ku pa epangelo eli?”

MATEUS 9:27

Ndelenee Jesus eshi a dja ko, ovapofi vavali ove mu shikula, ova ingida ndele tava ti: “Omona waDavid, tu fila onghenda!”

JESAJA 26:11

Omwene, eke loye ola yeluka, vo kave li wete. Ndelenee ouladi woye molwoshiwana nave ke u mone nokufifwa ohoni, nomundilo wa xwamena ovatondi voye nau ke va lafe po yo.

MATEUS 20:24

Ndele venya omulongo eshi ve di uda, ova umanena ovamwaina ava vavali.