Biblia Todo Logo
Bib sou entènèt

- Piblisite -




MATEUS 2:11 - Ombibeli Iyapuki

11 Ndele ova ya meumbo ndele tava mono mo okaana naina yako, Maria. Ndele tava tu eengolo nove ke linyongamena, va tuula omamona avo, ndele tave ka pe oshali: oshingoldo noidimba iwa nomirha.

Gade chapit la Kopi




MATEUS 2:11
33 Referans Kwoze  

Oyeendo yeengamelo otai ku tuvikile, eengamelo deenyasha domuMidian nodomuEfa, adishe otadi uya po, tadi di kuSheba, ndele vo otava eta oshingoldo noitwimino, ndele tava hepaulula nehafo oilonga yOmwene yetumbalo.


Eehamba domuTarsis nodomoilongo yokomunghulo wefuta nadi i etele omilongelo. Eehamba daSheba naSeba otadi kungudwa.


Ndele vo ova ya nokweendelela, ndele va mona Maria naJosef nokaana ka nangala mepeta lokulila oimuna.


ndele tava ti: “Ohamba yOvajuda, ya dalwa paife, oi li peni? Osheshi onyofi yayo otwe i mona koushilo, notwe uya okulinyongamena kuyo.”


Ileni, tu linyongameneni, fye tu liwitike pedu, Omwene Omushiti wetu tu mu twileni eengolo!


Oyo nai kale i nomwenyo. Yo nai etelwe oingoldo yaSheba, yo i indililwe alushe; nai nangekwe noupuna kuvo efimbo alishe.


Ndele ye uya kuJerusalem pamwe nongudu inene, pamwe neengamelo da humbata oinima yedimba liwa noshingoldo shihapu nomamanya mawa. Ndele yo eshi ye uya kuSalomo, okwa popya nayo oinima aishe ya li momutima wayo.


Oshikwatelwa shoshingoldo shi yadi oitwiminifo, ondjele yasho eegrama efele nomulongo,


Ndele ame onde linyongamena keemhadi daye, ndi mu fimaneke, ndele ye okwa tya kwaame: “Ino shi hetekela, ame ondimupiya mukweni nowovamwaxo, ava ve nehepaululo laJesus; linyongamena Kalunga.” Osheshi ehepaululo laJesus olo omhepo youxunganeki.


ove linyongamena kuye ndele tava ti: “Oove shili Omona waKalunga.”


Ndele eshi ya kufa omushangwatonywa, oinamwenyo ei ine, novakulunhu venya omilongo mbali navane ova wila koshipala shOdjona; keshe umwe oku kwete onyalilo nomatiti oshingoldo e yadi omwifi womatwiminino, oo omailikano ovayapuki.


Ndele opefimbo tuu olo okwe uya po, okwa hambelela Kalunga nokwe ka hepaulula kwaaveshe ovo va teelela ekulilo laJerusalem.


Ndelenee eemhote da tya: “Omulumenhu ou ota dulu ngahelipi oku tu xupifa?” Ndele vo ve mu dina ndele inave mu etela omilongelo. Ndelenee ye ine va yavala.


Oikwatelwa omulongo naivali yoingoldo yoitwiminifo i yadi oitwiminifo. Oshikwatelwa keshe eesekeli omulongo pasekeli yetwali liyapuki. Oshingoldo ashishe shomoikwatelwa yoitwiminifo osha li shi fike peesekeli efele nomilongo mbali.


Umwe na kufe mo mudo eke li yadi moufila wa nakwa weendjayambo pamwe nomaadi noitwiminifo aishe ei i li keendjayambo ndele ye e noku u xwika po koaltari ngaashi edimbulukifoyambo edimba liwa kOmwene.


Omwene okwa lombwela vali Moses ndele ta ti: “Likufila oimbodi yedimba liwa: eka linyika nawa, neenhemo dahiasint nagalbanum, oinima ei yedimba liwa tai pilulilwa mumwe i fike pamwe,


Opo nee Israel, xe yavo okwa tya kuvo: “Ngeenge oshi na okuningwa, nashi ningwe: longeleni momakutu eni oinima yomoshilongo eshi, nye mu i twaalele omulumenhu omilongelo, ngaashi omaadi omirha, oinima yokunyenyepekifa eendja, eendunga nomaxuku.


Osheshi edina lange otali kala linene mokati kovapaani kokudja kepito letango fiyo okokuningina kwalo. Ndele monhele keshe tamu twiminwa efimano ledina lange notamu etwa eyambo la koshoka. Osheshi edina lange otali kala linene mokati kovapaani, Omwene womatanga ovakwaita ta ti.


Omudjalo woye aushe ou nedimba liwa lomirha naaloe naakassia; neshiko lokaxumbafeta otali ku hafifa meengulu da tungifwa ekipa leendjaba.


Xupiteni Omona komilungu, opo ehe mu handukile ndele tamu nyonauka mondjila yeni; osheshi ehandu laye kali kwete kufuluka. Ovanelao ovava aveshe have mu lineekele.


Ye okwa yandja vali kohamba oshingoldo sheekilograma omayovi ane, noidimba ihapu iwa nomamanya mawa. Ouhapu woidimba iwa u fike pwooyo ya etelwa ohamba Salomo kohamba omukainhu Omusheba, inai etwa vali nande efiku limwe.


“Likufila oimbodi yedimba liwa i dule ikwao aishe nokutya, omirha iwa i fike peekilograma hamano, okaneli i nedimba liwa hano eekilograma nhatu, nakalmus i nedimba liwa eekilograma nhatu,


Olyelye ou ta di kombuwa ngaashi elundumuko lomwifi, a nyika edimba lamirha noitwiminino yomadimba, oitwiminino i lili yovalandifi?


Okudalwa kwaJesus Kristus okwa li ngaha. Maria, ina, eshi a putulwa kuJosef, okwa dimbulukiwa oye omufimba wOmhepo Iyapuki fimbo inava ya pamwe.


Ndele eshi va mona onyofi, ova hafa unene neenghono.


Ndele fimbo kwa li ta popi novanhu, tala, ina novamwaina ova li ofika pondje, nova hala ve mu popife.


NaNikodemus yo, ou a ile nale oufiku kuJesus, okwe uya, ndele ta eta oidimba iwa, omirha naaloe, i fike peekilograma omilongo nhatu ngeno.


Swiv nou:

Piblisite


Piblisite