MATEUS 19:21 - Ombibeli Iyapuki

²¹ Jesus ta ti kuye: “Ngeenge wa hala okuwana wa pwa, inda u ka landife po aishe ei u i kwete, u i yandje keehepele, ndele to kala u nemona meulu, ndele ila, u shikule nge.”

MATEUS 19:21 Referans Kwoze

MARKUS 10:21

Jesus okwe mu tala noku mu hokwa, ndele ta ti kuye: “Shimwe she ku pumbwa: Inda u ka landife po oinima yoye aishe ei u na, ove u i yandje keehepele, ndele to kala u nemona meulu, ove u uye u shikule nge.”

LUKAS 18:22

Ndele Jesus eshi e di uda okwa tya kuye: “Shimwe she ku pumba natango: landifa po aishe u i kwete, ove u i tukulile eehepele, ndele to kala u na emona meulu, ndele ila ove u shikule nge.”

LUKAS 12:33

Landifeni po eliko leni, nye mu yandje oikwafa yeehepele, lilikoleleni omakutu ihaa kulupa, emona meulu ihali xulu po, omo ihamu hange omulunga nonhwishi itai nyonauna.

LUKAS 14:33

Osho tuu kape na nande umwe womunye ta dulu okukala omulongwa wange, ngeenge ita efa aishe ye e i kwete.

OILONGA YOVAYAPOSTOLI 2:45

Ndele ova landifa po omapya avo noinima yavo, nove i tukulila aveshe opaemhumbwe dakeshe.

JOHANNES 12:26

Ngeenge pe na ou ta kalele nge, na shikule nge; naapa ndi li, omupiya wange oko ta ka kala. Ndele ngeenge pe na ou ta kalele nge, Tate ote mu fimaneke.

LUKAS 9:23

Ndele Ye okwa tya kwaaveshe: “Ngeenge pe na ou a hala okushikula nge, ye ne lixupule ye mwene, ne litwike omushiyakano waye keshe efiku, ye na shikule nge.

JOHANNES 10:27

Eedi dange ohadi udu ondaka yange, naame ondi di shii, ndele do otadi shikula nge.

MATEUS 5:48

Kaleni hano mwa wana mwa pwa, ongaashi Xo yeni meulu a wana a pwa.

LUKAS 16:9

Ame ohandi mu lombwele: “Likongeleni nemona loipupulu ookaume, olo ngeenge tali xulu po, opo ve mu tambule momaumbo aalushe.

MATEUS 19:28

Jesus ta ti kuvo: “Oshili handi mu lombwele: medalululo olo Omona wOmunhu eshi ta ka kala omutumba kolukalwapangelo loshinge shaye, nanye yo ava mwa shikula nge, tamu ka kala omutumba komalukalwa omulongo naavali, ndele tamu ka tokola omapata aIsrael omulongo naavali.

MATEUS 16:24

Ndele Jesus okwa lombwela ovalongwa vaye: “Ngeenge ku na ou a hala okushikula nge, oye ne lixupule ye mwene, ne litwike omushiyakano waye, ye na shikule nge.

LUKAS 6:40

Omulongwa ke dule omulongi waye; keshe ou a pwa okulongwa oye e fike pomulongi waye.

LUKAS 5:27

Ndelenee konima yaai okwa ya pondje, ndele okwa mona ko omufutifi nedina laye Levi, e li omutumba pongulu yomafutilo opeengaba, ndele te mu lombwele: “Shikule nge!”

MARKUS 8:34

Ndele okwa ifana ovanhu novalongwa vaye ve uye kuye, ndele okwa tya kuvo: “Ngeenge oku na ou a hala okushikula nge, ne lidimbike ye mwene, ndele na humbate omushiyakano waye, ye na shikule nge.

MATEUS 9:9

Ndele Jesus eshi a dja ko, okwa mona ko omunhu, edina laye Mateus, e li omutumba pongulu yomafutilo opeengaba, ndele ta ti kuye: “Shikule nge.” Ou okwa fikama ndele te mu shikula.

OVAHEBERI 10:34

Osheshi omwa li mwa yehamekwa pamwe neenghwate, nokunyekwa kwoinima yeni mwe ku humbata nehafo nokushiiva nokutya, onye omu na emona liwa meulu li dule eli.

MARKUS 2:14

Ndele mokukoyelela po Ye okwa mona po Levi yaAlfeus, e li omutumba pongulu yomafutilo opeengaba, ndele okwa tya kuye: “Shikule nge.” Ye okwa fikama ndele te mu shikula.

MATEUS 8:22

Ndelenee Jesus okwa tya kuye: “Shikule nge, efa ovafi nava pake ovafi vavo.”

MATEUS 4:19

Ndele ta ti kuvo: “Shikuleni nge, Ame ohandi ke mu ninga ovayuli vovanhu.”

OMAPSALOME 37:37

Lilonga komuhaya, tala kovayuki, osheshi efimbo lokomesho tali ka kala lomulumenhu omunambili.

JOB 1:1

Moshilongo shaUs mwa li mu nomulumenhu edina laye Job. Nomulumenhu ou kwa li ehe noshipo nomuyuki ta tila Kalunga ndele ta kukuma owii.

GENESIS 17:1

Omido daAbram eshi da ninga omilongo omugoi nomugoi, Omwene okwe mu lihololela ndele te mu lombwele ta ti: “Aame Kalunga Omunaenghono adishe! Kala nokweenda koshipala shange, opo u kale omuyuki.

GENESIS 6:9

Omahepaululo epata laNoa. Noa okwa li omulumenhu omuyuki nokwa li ehe na etimba mokati kovanhu vomounyuni waye. Noa okwa enda pamwe naKalunga.

MATEUS 19:20

Omunyasha ta ti kuye: “Aishe ei onde i diinina; oshike nda pumbwa vali?”

MATEUS 19:22

Ndele omunyasha eshi a uda ondjovo ei, okwa dja po a nyika oluhodi, osheshi ye okwa li e noinima ihapu.