MATEUS 18:4 - Ombibeli Iyapuki

⁴ Onghee hano, ou te lininipike ngaashi okaana aka, oye omunene e dule vakwao mouhamba wokeulu.

MATEUS 18:4 Referans Kwoze

JAKOB 4:10

Lininipikeni koshipala shOmwene, ndele Ye ote mu nenepeke.

LUKAS 14:11

Osheshi keshe ou te linenepeke ota ninipikwa, naau te lininipike ota ka nenepekwa.”

MARKUS 10:43

Ndele eshi hasho nashi kale mokati keni. Ndelenee ou a hala a ninge munene mokati keni, ye na kale omukalele weni.

LUKAS 9:48

ndele ta ti kuvo: “Ou ta tambula okaana aka medina lange, aame ta tambula, naau ta tambula nge, oye ta tambula ou a tuma nge, osheshi ou munini womunye amushe, oye omunene.”

1 PETRUS 5:5

Osho ngaha nye, ovanyasha, dulikeni kovakulunhu, naamushe mokukalafana kweni djaleni elininipiko, osheshi: “Kalunga oha tondo ovalinenepeki, ndele ovalininipiki te va file onghenda.”

MATEUS 18:1

Mefimbo tuu linya ovalongwa ove uya kuJesus tava ti: “Olyelye hano omunene e dule vakwao mouhamba wokeulu?”

JESAJA 57:15

Osheshi Omwene nOmufimanekwa ou ha kala moukwaalushe, nedina laye Omuyapuki, Ye ota ti: Ame ohandi kala pokule mokombadambada nomouyapuki nomwaava ve na omhepo ya nyanyaulwa noye lininipika, opo ndi hekeleke omhepo yovalininipiki nondi tululule omwenyo momutima waava va nyanyaulwa.

MATEUS 18:3

ndele ta ti: “Oshili handi mu lombwele: ngeenge itamu lidilulula ndele tamu ningi ngaashi ounona, kamu na apa tamu ka ya mouhamba wokeulu.

MATEUS 18:5

Naau ta tambula okaana ka tya ngaha medina lange, Aame ta tambula.

MARKUS 9:34

Ndele vo ova mwena. Osheshi mondjila ova li tava kundafana: Omukulunhu, e dule vakwao aveshe, olyelye.