MATEUS 18:10 - Ombibeli Iyapuki

¹⁰ “Litaleni, muha dine nande okamwe komwaava vanini; osheshi Ame ohandi mu lombwele, ovaengeli vavo vomeulu ohava tale alushe oshipala shaTate meulu.

MATEUS 18:10 Referans Kwoze

OMAPSALOME 91:11

Osheshi Ye ote ku lombwelele ovaengeli vaye, ve ku amene meendjila doye adishe.

OVAHEBERI 1:14

Ovo aveshe kave fi eemhepo dokuyakula, va tuminwa eyakulo laavo tava ka fyuulula exupifo?

OMAPSALOME 34:7

Omweengeli wOmwene ota ongo nokudingilila onhanda yaava have mu tila, ndele te va xupifa.

LUKAS 16:22

Ndele opa ningwa nee, ohepele ya fya, ndele oya twalwa kovaengeli mekolo laAbraham, noshipuna osha fya yo, ndele tashi pakwa.

MATEUS 24:31

ndele ta tumu ko ovaengeli vaye ve nomanghuma e neendaka dopombada, ndele tava ongele ko ovahoololwa vaye keembinga nhee, okominghulo deulu fiyo okudikwao.

LUKAS 1:19

Ndele omweengeli okwe mu nyamukula ta ti: “Aame Gabriel, ou handi kala ofika koshipala shaKalunga, ndele onda tumwa ndi ku popife, ndi ku udifile ondaka ei yehafo.

MATEUS 18:14

Osho tuu kashi fi ehalo laXo yeni meulu, pa kane nande okamwe komwaava vanini.

MATEUS 18:6

“Ndele ou ta hongaula kamwe komwaava vanini, tava itavele nge, she mu wapalela ngeno a mangelwe mofingo yaye emanya loshini, ndele ta ninginifwa moule mefuta.

MATEUS 2:19

Ndele Herodes eshi a fya, tala, omweengeli wOmwene okwa holokela Josef mondjodi muEgipiti

MATEUS 2:13

Ndele eshi va ya, tala, omweengeli wOmwene okwa holokela Josef mondjodi ndele ta ti: “Fikama, kufa okaana naina u ye onhapo kuEgipiti, u kale kwinya fiyo ohandi ku lombwele; osheshi Herodes e li po ta diladila okukonga okaana e ka dipae.”

MATEUS 1:20

Ndelenee eshi kwa li ta diladila ngaha, tala, omweengeli wOmwene okwe mu holokela mondjodi ndele ta ti: “Josef, omona waDavid, ino tila okweeta kwoove Maria, omukainhu woye, osheshi oufimba ou e u kwete owOmhepo Iyapuki.

1 OVATESSALONIKI 4:8

Onghee hano ou ha dini ei, oye iha dini omunhu, ndelenee oKalunga mwene, ou a yandja Omhepo yaye Iyapuki kufye.

1 OVAKORINTO 11:22

Hamba, kamu na omaumbo okulila mo nokunwina mo? Ile otamu dini eongalo laKalunga notamu fifa eehepele ohoni? Ondi mu lombwele shike? Ondi na tuu oku mu pandula? Ahowe, apa itandi mu pandula nande.

1 OVAKORINTO 16:11

Inapa kala nande umwe te mu dini, ndelenee mu kwafeni a dje ko nombili e uye kwaame; osheshi otwe mu teelela fye novamwatate.

OVAROMA 14:10

Ndele ove, oto tokolele shike omumwaxo? Ile ove nima, oshike ho dini omumwaxo? Osheshi atusheni otu nokuholoka kolukalwatokolo laKalunga.

OILONGA YOVAYAPOSTOLI 27:23

Osheshi oufiku wonena pwaame opa li omweengeli waKalunga ou e kwete nge, naau handi mu kalele yo,

OILONGA YOVAYAPOSTOLI 12:23

Ndele opo tuu opo omweengeli wOmwene e mu denga, osheshi ye ina fimaneka Kalunga, omainyo e mu tuka ndele ye ta fi.

OILONGA YOVAYAPOSTOLI 12:15

Ndelenee vo ova tya kuye: “Ove oto yadauka.” Ye okwa diinina odo tuu odo. Vo ova tya: “Shapu omweengeli waye.”

OILONGA YOVAYAPOSTOLI 10:3

Ye okwa mona nawa memoniko, omutenya potundi onhimugoi omweengeli waKalunga te uya kuye, ndele ta ti kuye: “Kornelius!”

OILONGA YOVAYAPOSTOLI 5:19

Ndelenee oufiku omweengeli wOmwene okwa yeulula oivelo yodolongo, okwe va pitifa mo ndele ta ti:

OMAPSALOME 17:15

Ndelenee ame handi ka tala oshipala shoye mouyuki; ame ohandi ka mona ekuta mokutala ondjelo yoye ngeenge handi penduka.

OMAPSALOME 15:4

Ye nota dini yo oonakudinwa, nota fimaneke ava hava tila Kalunga; nande a anene oshiponga shaye, eano laye ite li lundulula,

1 EEHAMBA 22:19

Mikaia ta ti vali: “Pwilikina ondjovo yOmwene: Ame nda mona Omwene e li omutumba kolukalwapangelo laye meulu, novaengeli aveshe va kala ofika puye.

1 TIMOTEUS 4:12

Inapa kala nande umwe ta dini ounyasha woye. Ndele kala omuhopaelelwa wovaitaveli meendjovo nomokweenda, mohole, momhepo, meitavelo nomoukoshoki.

1 OVAKORINTO 9:22

kwaava oingone nda ninga oshingone, ndi likole oingone; onda ninga omukwao waaveshe mwaaishe, opo ndi xupife nande ovamwe.

OVAROMA 15:1

Ndelenee fye ava twa pama, otwa pewa tu humbate oungone waava inava pama, fye tuha kale nokuliwapalela fye vene.

OVAROMA 14:21

Oshiwa okukala iho li ombelela noiho nu omaviinyu, ndele ho lidilike keshe eshi tashi tondifa omumwaxo, tashi mu pundukifa ile tashi mu fifa oungone.

EHOLOLO 8:2

Ndele onda mona ovaengeli venya vaheyali va kala ofika koshipala shaKalunga, ova pewa omanghuma aheyali.

OVAGALATI 6:1

Ovamwatate, omunhu ngeenge ta hangika a nyona, opo nee onye ava vopamhepo mu pukululeni nomhepo yonheni, ove u lungame naave yo uha hongaulwe.

2 OVAKORINTO 10:10

Osheshi eenhumwafo daPaulus, vati, odi neenghono noda pama, ndelenee okuholoka kwaye kwopalutu okwa nyika oungone nokupopya kwaye kaku noshilonga.

2 OVAKORINTO 10:1

Aame Paulus mwene ohandi mu kumaida omolwonheni nolukeno laKristus, ame ou ndi li moipafi yeni, vati, nda fa nde lininipika, ndele ngeenge ndi li kokule nanye, ihandi tila,

LUKAS 10:16

“Ou te mu udu, ota udu nge, naau te mu dini, ota dini nge, naau ta dini nge, ye ota dini ou a tuma nge.”

MATEUS 12:20

Oshihati sha tanduka ite shi nyanyaula, nokangodi koshela yomaadi ka twimaana, ite ka dimi po, fiyo ta fikifa eshi sha yuka mefindano.

SAKARIA 13:7

Eongamukonda, pendukila omufita wange, nomulumenhu wopwaamelela, Omwene womatanga ovakwaita ta ti! Denga omufita, eedi opo di lihane. Ndele Ame ohandi ka yambidida ava vaxupi nokwooko kwange.

SAKARIA 4:10

Osheshi olyelye ta dini efiku lomahovelo manini, omesho enya aheyali Omwene oo haa kevauka edu alishe, eshi taa tale nehafo oholongodi meke laSerubbabel?”

ESTER 1:14

Ndele ovo va li popepi nayo ovava: Karsena, Setar, Admata, Tarsis, Meres, Marsena, Memukan, omalenga aheyali Ovapersia nOvamedia, aa a li a tala oshipala shohamba, ndele va kala omutumba ngaashi ovakomesho vomouhamba, ndele ohamba ye va pula:

2 SAMUEL 14:28

Ndele Absalom okwa kala eedula mbali di yadi muJerusalem ndele ina mona oshipala shohamba.

OVAHEBERI 9:24

Osheshi Kristus ina ya mouyapuki wa tungwa nomake, oo efano longaho laawinya washili, ndelenee okwa ya meulu loovene, opo a ka holoke koshipala shaKalunga paife molwetu,