MATEUS 17:5 - Ombibeli Iyapuki

⁵ Hano fimbo a li ta popi, tala, oshilemo shiyela oshe va tuvikila; ndele tala, ondaka ya dja moshilemo, ndele tai ti: “Ou Omona wange omuholike, onde mu hokwa; mu udeni.”

MATEUS 17:5 Referans Kwoze

MATEUS 3:17

Ndele tala, ondaka ya dja meulu ndele tai ti: “Ou Omona wange omuholike, onde mu hokwa.”

MATEUS 12:18

“Tala, omunhu wange, nde mu hoolola, omuholike wange, ou omwenyo wange we mu hokwa; Ame ohandi mu tula Omhepo yange, oye ndele ta udifile ovapaani etokolo la yuka.

MARKUS 9:7

Ndele ope uya oshilemo she va tuvikila, nomoshilemo omwa dja ondaka ya tya: “Ou Omona wange omuholike, mu udeni.”

DEUTERONOMION 18:15

“Mokati keni, movakweni, Omwene Kalunga koye ote ke ku pendulila mo omuxunganeki ngaashi ame. Mu udeni.

JOHANNES 3:35

Xe e hole Omona, ndele okwa yandja aishe meke laye.

MARKUS 1:11

ndele meulu omwa dja ondaka tai ti: “Oove Omona wange omuholike, onde ku hokwa.”

EHOLOLO 1:7

Tala, Ye ote uya moilemo, nomesho aeshe otae ke mu mona, naava yo ve mu tyuula; nomapata aeshe okombada yedu otaa ka lilaana, eshi tae mu mono. Heeno, Amen.

LUKAS 3:22

nOmhepo Iyapuki ya fa onghuti Oye mu kulukila nondaka ya dja meulu tai ti: “Oove Omona wange omuholike, onde ku hokwa.”

JESAJA 42:1

Tala, omupiya wange, ou handi mu yambidida, omuhoololwa wange, ou omwenyo wange we mu hokwa. Ame onda tula Omhepo yange muye, oye ta ka tandavelifa ouyuki moiwana.

OVAHEBERI 5:9

ndele eshi a ningwa a wana a pwa, okwa ninga omuwanifi wexupifo laalushe kwaaveshe ava tava dulika kuye,

DEUTERONOMION 18:19

Ndele omulumenhu ou ita dulika keendjovo dange, odo Ye te di tongo medina lange, Ame mwene ohandi ke mu twifa eemhata.

OILONGA YOVAYAPOSTOLI 7:37

Moses tuu ou a lombwela ovana vaIsrael: ‘Kalunga ote mu pendulile movamwaxo omuxunganeki umwe ngaashi ame.’

JOHANNES 5:37

Ndele Tate ou a tuma nge, Ye okwa hepaulula nge. Onye inamu uda ondaka yaye nande, nye inamu mona olupe laye,

OVAKOLOSSI 1:13

Ou e tu xupifa mo mepangelo lomulaulu nokwe tu tembulila mouhamba wOmona waye omuholike.

OVAEFESO 1:6

okupandulifa efimano longhenda yaye e i tu pa mOmuholike.

JOHANNES 3:16

Osheshi osho Kalunga a kala e hole ounyuni, Oye a yandja Omona waye Ewifa, opo keshe ou te mu itavele aha kane, ndelenee a kale e nomwenyo waalushe.

JESAJA 42:21

Omolwouyuki waye sha wapalela Omwene okuninga omhango oyo inene i noshinge!

DEUTERONOMION 5:22

“Neendjovo tuu odo Omwene okwa popifa eongalo alishe komhunda momundilo nomoshilemo nomoshiwiwili shoilemo nondaka inene, ndele ina weda ko sha. Ndele Ye e di shangela mo moipelende ivali yomamanya ndele e i pa nge.

EXODUS 19:19

Ondaka yenghuma eshi ya ninga inene nokuyeluka, Moses okwa popya naKalunga okwe mu nyamukula nondaka yopombada.

OILONGA YOVAYAPOSTOLI 1:9

Opo nee eshi a tonga eendjovo edi, okwa yelulwa pombada moipafi yavo, noshilemo she mu kufa po momesho avo.

OMAPSALOME 81:7

Eshi wa ifana nge moudjuu, onde ku kulila mo, onde ku itavela moilemo yengungumo, nde ku yeleka pomeva aMeriba. Sela

JOB 38:1

Opo nee Omwene a nyamukula Job mokafudaela ndele ta ti:

MATEUS 17:6

Ndele ovalongwa eshi ve shi uda, ova wilika oipala yavo poshi ndele ova tila unene.

EHOLOLO 14:14

Ndele nda mona, ndele tala, oshilemo shitoka, nokoshilemo okwa kala omutumba umwe a fa Omona wOmunhu, okwa li e noshikoloni shoshingoldo komutwe waye, nomeke laye okwa li e noshikashulifo sha twa.