MATEUS 17:12 - Ombibeli Iyapuki

¹² Ndelenee ohandi mu lombwele, Elia okwa ile mo, ndele vo inave mu koneka, nove mu ningila eshi va hala. Osho tuu Omona wOmunhu ota ka hepekwa kuvo.”

MATEUS 17:12 Referans Kwoze

MATEUS 16:21

Hano okefiku tuu olo Jesus okwa hovela okuhololela ovalongwa vaye nokutya, e nokuya kuJerusalem noku ka hepekwa nomahepeko mahapu kovakulunhu nokovapristeli ovakulunhu nokovanongo vomishangwa nokudipawa nokunyumunwa efiku etitatu.

OILONGA YOVAYAPOSTOLI 4:10

Hano onye amushe noshilongo ashishe shaIsrael, kaleni mu shi shii, ou a velulwa ndele ta kala ofika apa moipafi yeni okedina laJesus Kristus Omunasareti, ou nye mwe mu valela komushiyakano, ndelenee okwa nyumunwa kuKalunga koufi.

OILONGA YOVAYAPOSTOLI 7:52

Olyelye ou womovaxunganeki ooxo inave mu tonda? Ovo tuu va dipaa ava va xunganeka okuuya kwOmuyuki ou, nopaife nye mwa ninga ovakengeleli novadipai vaye.

OILONGA YOVAYAPOSTOLI 2:23

Oye tuu ou e mu yandjelwa ketokolo loshito nokonuno ei, Kalunga kwa li e i kwete nale, nye omwe mu valelifa komushiyakano nomwe mu dipaifa komake aavo inava shiiva omhango.

JOHANNES 1:11

Ye okwe uya kovambulavo, ndele ava vokombulavo inave mu tambula.

LUKAS 7:33

“Osheshi Johannes Omushashi e uya ina lya omungome, ye ina nwa omaviinyu, nye otamu ti: ‘Oku kwetiwe kondemoni.’

MATEUS 21:32

Osheshi Johannes okwe uya kunye nondjila youyuki, nye inamu mu itavela; ndele ovafutifi neembwada ovo ve mu itavela; ndele nande omwe shi mona, nokomesho inamu lidilulula ngeno mu mu itavele.

MATEUS 11:2

Ndele Johannes eshi a li modolongo okwa uda oilonga yaKristus nokwa tuma kuye ovalongwa vaye

MATEUS 8:20

Ndele Jesus okwa tya kuye: “Eembadje odi nomakwena, needila dokeulu odi noihadi, ndele Omona wOmunhu ke na apa ta wilike omutwe waye.”

MATEUS 17:9

Ndele eshi va li tava londoloka komhunda, Jesus okwe va anda ko: “Emoniko eli inamu li hepaululila nande omunhu, Omona wOmunhu fimbo ina nyumuka koufi.”

MATEUS 17:11

Ndele Ye okwa nyamukula ndele ta ti: “Heeno, Elia ote uya nota ka wapaleka vali aishe.

MATEUS 17:13

Opo nee ovalongwa va uda ko nee, nokutya, ote va lombwele Johannes Omushashi.

MATEUS 17:22

Ndele eshi va li tava endaenda pamwe muGalilea, Jesus ta ti kuvo: “Omona wOmunhu ota ka yandjwa momake ovanhu,