MATEUS 13:44 - Ombibeli Iyapuki

⁴⁴ “Ouhamba wokeulu owa fa emona la holekwa mepya, omunhu e li mona, note li holeke, nomoku li hafela okwa ka landifa po oinima yaye aishe, ndele te lilandele epya olo.

MATEUS 13:44 Referans Kwoze

OVAKOLOSSI 2:3

Oye tuu ou muye mwa holekwa omamona aeshe ounongo neshiivo.

LUKAS 14:33

Osho tuu kape na nande umwe womunye ta dulu okukala omulongwa wange, ngeenge ita efa aishe ye e i kwete.

MATEUS 6:21

Osheshi oko kwa kala emona loye, oko yo kwa kala omutima woye.

MATEUS 19:29

Ndele keshe ou a fiya ko, omolwedina lange, omaumbo ile ovamwaxe ovalumenhu ile ovamwaina ovakainhu ile xe ile ina ile ovana ile omapya, oye te ke i mona ko ihapu i dule ei, nomwenyo waalushe ote u fyuulula.

OMAYELETUMBULO 16:16

Okulilikolela ounongo ku dule unene oshingoldo nokulikongela eendunge ku dule oshisiliveli.

OMAYELETUMBULO 23:23

Landa oshili, ino i landifa po; nosho yo ounongo, noutekuduliko neendunge.

EHOLOLO 3:18

Ohandi ku pe eendunge, u lande kwaame oshingoldo sha yelifwa momundilo, u punapale, noikutu yoye itoka u i djale, opo ohoni youhamunghele woye iha monike, omaadi omesho, u vaeke omesho oye u mone ko.

MATEUS 19:27

Opo nee Petrus okwe mu nyamukula ndele ta ti: “Tala, fye otwa fiya ko oinima aishe, notwe ku shikula; ohatu mono shike?”

MATEUS 19:21

Jesus ta ti kuye: “Ngeenge wa hala okuwana wa pwa, inda u ka landife po aishe ei u i kwete, u i yandje keehepele, ndele to kala u nemona meulu, ndele ila, u shikule nge.”

JESAJA 55:1

Akutu, onye amushe ava mwa fya enota, ileni oku komeva. Nanye ava muhe na oimaliwa, ileni, landeni nye mu lye; heeno, landeni hamakasha, muhe na oimaliwa, omaviinyu nomashini.

OVAROMA 15:4

Osheshi keshe eshi sha shangwa nale, osha shangelwa elongo letu, opo tu kale tu neteelelo hali di melididimiko nomehekeleko lomomishangwa.

MATEUS 13:24

Ndele okwe va lombwela eendjovo dikwao domafaneko ta ti: “Ouhamba wokeulu owa fa omunhu, a kuna ombuto iwa mepya laye.

OVAHEBERI 10:34

Osheshi omwa li mwa yehamekwa pamwe neenghwate, nokunyekwa kwoinima yeni mwe ku humbata nehafo nokushiiva nokutya, onye omu na emona liwa meulu li dule eli.

JOHANNES 6:35

Ndele Jesus okwa tya kuvo: “Aame omungome womwenyo. Ou te uya kwaame, oye ita fi ondjala, ndele ou ta itavele nge, ita fi vali enota fiyo alushe.

OMAYELETUMBULO 17:16

Oimaliwa yokulikongela ounongo oi noshilonga shashike meke lelai? Shaashi ehe neendunge okulikongela eendunge.

OVAKOLOSSI 3:16

Eendjovo daKristus nadi kale da yadelela munye; longafaneni, pukululafaneni neendunge adishe, nomapsalome nomaimbilopandulo, nomalwiimbo opamhepo nokwiimbila Kalunga nokupandula momitima deni.

OMAYELETUMBULO 18:1

Ou te li tongola, ota kongo omahalo aye mwene. Neenghono adishe ta kondjifa osho shi neendunge.

JOB 28:13

Ondilo younongo inai shiivika komunhu, ndele medu lovanamwenyo itau monika.

MATEUS 13:46

ndele eshi a mona ko okawe kamwe kawa unene ke nondado ihapu, okwa ya ndele ta landifa po oinima yaye aishe, ndele te ke lilandele.

MATEUS 13:47

“Ndele vali, ouhamba wokeulu owa fa oshiyulifo sheeshi, sha endifilwa mefuta, ndele sha ongela eeshi doludi keshe.