MATEUS 13:22 - Ombibeli Iyapuki

²² Ndele odo da kunwa meeshosholo, oye tuu ou ta udu eendjovo, ndelenee oshisho shounyuni neheka loupuna tali fininike eendjovo, ndele ta kala ehe noiimati.

MATEUS 13:22 Referans Kwoze

1 TIMOTEUS 6:17

Oipuna yomounyuni ou va kumaida, vehe linenepeke, navali vaha tule elineekelo lavo moupuna kau fi okulineekelwa, ndelenee nave lineekele Kalunga omunamwenyo, ou he tu pe pauyadi aishe yoku tu hafifa,

LUKAS 8:14

Ndele odo da wila meeshosholo ovava hava pwilikine, ndele mokweenda kwavo otava fi oshuunguungu shoisho youpuna noyomahafo okukalamwenyo oku, ndele itava tilyaneke oiimati.

LUKAS 12:15

Ndele Ye okwe va lombwela: “Pashukeni nye mu lungame keshe tuu olwisho, osheshi omwenyo womunhu ihau xupifwa kouhapu weliko laye.”

2 TIMOTEUS 4:10

Osheshi Demas mokuhola ounyuni ou wopaife, okwa fiya nge po, ndele ta i kuTessalonika, Kreskens okwa ya kuGalatia, Titus okuDalmatia.

MATEUS 13:7

Ndele dimwe oda wila meeshosholo, neeshosholo eshi dakula, ode di fininika.

LUKAS 12:21

Hano osho, ou te lilikolele emona, ye ke na oupuna puKalunga.”

OMAPSALOME 52:7

“Tala, omulumenhu ou, oye tuu, ine lineekela Kalunga, a ninge engholo laye, ndelenee okwe lineekela emona laye linene nokwe litungila koupuna waye.”

LUKAS 21:34

“Ndelenee lipashukileni, omitima deni diha lolokifwe koitendele nokokukolwa nokoshisho shoipalwifa, efiku olo lihe mu vakele ngaashi omwiyo,

JEREMIA 4:3

Osheshi Omwene osho ta ti kovalumenhu Ovajuda nOvajerusalem: Likokoleleni oshikokola shipe, inamu kuna meeshosholo.

OMAYELETUMBULO 11:28

Ou te lineekele oupuna waye, ota ka punduka. Ndelenee ovayuki tava ka hapa ngaashi ohapo.

OMAPSALOME 62:10

Inamu lineekela omunyeka, inamu liwewelekela oitinhwa yeni; nemona ngeenge tali hapupala, inamu mangela mo omitima deni!

OILONGA YOVAYAPOSTOLI 8:18

Ndele Simon eshi a mona keshe ou a tenhekwa omake kovayapostoli a pewa Omhepo Iyapuki, okwe va etela oimaliwa,

OMUUDIFI 4:8

oku na umwe, ye aeke ti, ehe nomukwao, ehe nomona omumati ile omumwaina omulumenhu; ndelenee oupyakadi waye itau xulu po, nomesho aye itaa kuta oupuna. Hano ame ohandi lihepekele lyelye ndele handi lihepekifa nokulumbula omwenyo wange ouwa? Osho yo shongahoelela noshinima shii.

OMAYELETUMBULO 23:5

Omesho oye eshi a wile ko, oupuna uhe po, osheshi divadiva wa mona omavava ndele tau tuka ngaashi onhwa keulu.

MATEUS 12:32

Ndele ngeenge ku na ou ta popi ondjovo a twa ondubo nOmona wOmunhu, otai mu diminwa po, ndele ou ta popi Omhepo Iyapuki, oye ite shi diminwa po nande nomounyuni ou nomwaawinya tau uya.

MATEUS 13:39

Nomuyelani ou e li kuna mo, oye Satana, eteyo olo exulilo lefimbo lounyuni, novatei ovo ovaengeli.

MATEUS 13:40

Hano ngaashi eu tali ongelwa notali xwikwa po momundilo, hano osho taku kala pexulilo lefimbo lounyuni.

OVAROMA 12:2

Ndele nye inamu faafana nounyuni ou, ndelenee shitukeni vape momadiladilo eni, opo mu shiive okukonakona ehalo laKalunga olilipi, naashi shiwa, sha wapalela nosha wana.

1 OVAKORINTO 1:20

Ovanaendunge ove li peni? Ovanongo vomishangwa ove li peni? Eenghulungu dounyuni ou odi li peni? Ounongo wounyuni ou, Kalunga ine u pilika u ninge oulai?

1 OVAKORINTO 2:6

Ndelenee ounongo ohatu u popi mokati kaava va wana, ndele haunongo wefimbo lounyuni ou, nowovapangeli vefimbo lounyuni ou, ava tava xulu po,

1 OVAKORINTO 2:8

Ounongo ou inau shiivika kovapangeli vefimbo lounyuni ou, osheshi ngeno okwa li ve u shii, ngeno Omwene woshinge inave mu valela komushiyakano,

1 OVAKORINTO 3:18

Inapa kala nande umwe te lipukifa ye mwene. Ngeenge mokati keni omu na umwe e shi oye omunaendunge mounyuni ou, oye na ninge elai, opo a ninge omunaendunge.

2 OVAKORINTO 4:4

mwaava vehe neitavelo, eendunge davo da twikifwa kukalunga kefimbo lounyuni eli, vo itava minikilwa kouyelele wevaengeli loshinge shaKristus, Oye ou efano laKalunga.

OVAGALATI 1:4

ou e liyandja omolwomatimba etu, opo e tu xupife mefimbo lii lounyuni wopaife opahalo laKalunga, Tate yetu;

OVAEFESO 2:2

omu mwa endaenda nale panghedi yefimbo lounyuni eli noyomupangeli weenghonopangelo domomhepo nokutya, pamhepo yomupangeli ou ta longo paife movana vokuhadulika,