MATEUS 13:11 - Ombibeli Iyapuki

¹¹ Oye okwa nyamukula ndele ta ti: “Nye omwa pewa okushiiva oiholekwa youhamba weulu, ndele venya inave i pewa.

MATEUS 13:11 Referans Kwoze

1 OVAKORINTO 2:14

Ndelenee omunhu wopashitwe iha tambula osho shOmhepo yaKalunga, osheshi ohe shi tale oulai, oye ita dulu oku shi shiiva, osheshi shi nokukonekwa pamhepo.

MATEUS 19:11

Ndelenee ye okwa tya kuvo: “Haaveshe ve udite eendjovo odo, ndelenee ovo tuu aveke ve shi pewa.

JAKOB 1:5

Ndele ngeenge umwe womunye okwa hepa ounongo, ne u indile kuKalunga ou e hole okuyandjela aveshe nokuhe nokungongota, opo nee ote u pewa.

1 JOHANNES 2:27

Ndele evaeko eli mwe li pewa kuye, otali kala munye, ndele itamu pumbwa mu longwe nande kuumwe; ndelenee ngaashi evaeko laye hali mu longo aishe, nosho yo elongo olo loshili kali fi oipupulu nongaashi le mu longa, hano osho kaleni muye.

1 JOHANNES 2:20

Ndele nye omu nevaeko okOmuyapuki, nanye amushe omu neshiivo.

MATEUS 16:17

Jesus okwe mu nyamukula ndele ta ti: “Oove omunelao, Simon yaJona, osheshi hambelela nohonde ye ku hololela osho, ndelenee oTate meulu.

OVAEFESO 1:9

eshi e tu shiivifila oshiholekwa shehalo laye opahokwe yaye iwa ei, e i pangela muKristus,

JESAJA 35:8

Ndele otapa ka kala oshitauwa shakula sha palwa, tai ka ifanwa Ondjila iyapuki; itai endwa nande kwaava va nyatekwa, ndelenee otai ka kala yaavenya. Ou ta ende mo ita puka, nomalai oovene itaa puka.

OVAEFESO 5:32

Oshiholekwa eshi oshinene, ndelenee ohandi tongo Kristus neongalo laye.

OVAROMA 16:25

Hano, ou e neenghono oku mu pameka opavaengeli lange nopaudifo laJesus Kristus, pashiholekwa eshi sha hololwa, osho sha li inashi hololwa momafimbo onale,

LUKAS 8:10

Ndele Ye okwa tya: “Nye mwa pewa okushiiva oiholekwandunge youhamba waKalunga, vamwe tava lombwelwa momafaneko, opo vaha mone nande ohava tale, novaha koneke, nande ohava udu ko.

1 OVAKORINTO 15:51

Taleni, ohandi mu lombwele oshiholekwa: Hafye atushe hatu fi, ndelenee atusheni ohatu ka shitululwa.

1 OVAKORINTO 2:7

ndelenee hatu popi ounongo ou waKalunga wa li wa holekwa, ou Kalunga e u ufa nale omafimbo ounyuni manga aha li ko, u ninge efimano letu.

JOHANNES 6:65

Ndele Ye okwa tya: “Onghee nde mu lombwela, kape na ou ta dulu okuuya kwaame ngeenge ite shi pewa kuTate.”

1 TIMOTEUS 3:9

ndelenee ovayakuliongalo ovadiinini voshiholekwa sheitavelo meliudo la koshoka.

1 OVAKORINTO 13:2

Nonande ondi kale ndi noshali yokuxunganeka nondi shiive oiholekwa aishe nondi kale ndi neshiivo alishe, ndele nande ondi kale ndi neitavelo alishe lokudikula eemhunda, ndelenee ame nghi nohole, ame nghi fi sha.

MARKUS 4:11

Ye okwa tya kuvo: “Nye omwa pewa okushiiva oshiholekwa shouhamba waKalunga, ndele venya vopondje otava pewa aishe momafaneko,

OVAKOLOSSI 2:2

opo omitima davo da kwatafana mumwe mohole, di tuwe ouladi okutambula oupuna aushe weendunge da wana, nova longwe okushiiva oshiholekwa shaKalunga, osho oKristus.

OVAEFESO 6:19

nomu ilikanene nge yo ndi pewe eendjovo da yuka, ngeenge handi popi nouladi okuholola, opo ndi udife nouladi oshiholekwa shevaengeli,

1 OVAKORINTO 4:7

Osheshi olyelye te ku tula komesho? Noshikwashike eshi u shi kwete, ino shi pewa? Ndele ngeenge owe shi pewa, oshike to litange wa fa ino shi pewa?

1 OVAKORINTO 4:1

Keshe umwe ne tu tale ofye ovapiya vaKristus, nomalenga oiholekwa yaKalunga.

JOHANNES 7:17

Ngeenge pe na ou a hala okulonga ehalo laye, ota ka shiiva elongo, ngeenge ola dja muKalunga, ile handi popi mwaame mwene.

OMAPSALOME 25:14

Eendafano lOmwene oli li naava have mu tila; ndele te va shiivifa ehangano laye.

1 TIMOTEUS 3:16

Nosha shiivika nawa shili nokutya, oshiholekwa shelao lomuKalunga osho oshinene: Kalunga a holoka mombelela, okwa yukipalifwa mOmhepo, okwa monika kovaengeli, okwa udifilwa mokati koiwana, okwa itavelwa mounyuni, okwa tambulwa mefimano.

OVAEFESO 1:18

Ye a minikile omesho eni omomutima, opo mu shiive eteelelo olo mwe li ifanenwa, noupuna wefimano lefyuululo laye apa u fike movayapuki vaye,

JESAJA 29:10

Osheshi Omwene okwe mu tilila omhepo yeemhofi didjuu, nokwa fifikinifa omesho eni ovaxunganeki, nokwa tuvika omitwe deni ovamoni vemoniko.

OILONGA YOVAYAPOSTOLI 16:14

Ndele omukainhu umwe, edina laye Lidia, omushingifi woiyata itilyana wokoshilando shaTiatira, omutilikalunga, okwa li ta pwilikine, ndele Omwene okwa yeulula omutima waye okutambula odo da tongwa kuPaulus.

JESAJA 29:11

Hano osho ehololo alishe la ninga kunye ngaashi eendjovo domushangwa wa patwa noshipatifo; ngeenge tau pewa ou a shiiva okulesha, ndele tapa tiwa: U lesha, ndele ye ota nyamukula: Itandi shi dulu, osheshi owa patwa noipatifo,

MATEUS 13:10

Ndele ovalongwa vaye ove uya po ndele tava ti kuye: “Oshike to va lombwele odo domafaneko?”

MATEUS 20:23

Ndele Ye okwa tya kuvo: “Eholo lange otamu ke li nwa, ndele okukala omutumba kolulyo lange nokolumosho lange haame handi ku pangele, ndele otaku pewa ovo, ve ku longelwa kuTate.”

MARKUS 10:40

Ndele okukala omutumba kolulyo lange ile kolumosho, haame handi ku yandje, otaku ningi kwaava ve ku longekidilwa.

OVAROMA 11:25

Osheshi ovamwatate, opo muha ye neendunge deni vene, onda hala ndi mu hololele oshiholekwa eshi: Elikukutiko ola hanga Israel kombinga, fiyo ouyadi wovapaani we uya mo.