MATEUS 12:41 - Ombibeli Iyapuki

⁴¹ “Ovalumenhu vaNinive otava ka nyumuka pamwe nepupi eli metokolo, ndele tave li pe etimba; osheshi ovo va li ve lidilulula keudifo laJona, ndele tala, ou e li apa oku dule Jona.

MATEUS 12:41 Referans Kwoze

MATEUS 12:42

Ohamba omukainhu yokoumbuwanhu otai ka fikama pamwe nepupi eli metokolo, ndele tai li pe etimba, osheshi oyo ya dile okominghulo dedu, ye uya okupwilikina eendunge daSalomo, ndele tala, ou e li apa, oku dule Salomo.

OVAHEBERI 11:7

Meitavelo Noa, eshi a shiivifilwa inya inai monika natango, metilo liyapuki okwa tunga ongulu yomomeva, a xupife eumbo laye, nomeitavelo okwa tokola ounyuni nokwa ninga omufyuululi wouyuki tau di meitavelo.

OVAROMA 2:27

Hano ou ina pita etanda palutu ndele ota wanifa omhango, oye te ku tokola, oove ou u neendada domhango nowa pita etanda, ndele to nyono omhango.

JOHANNES 3:31

“Ou ta di kombada, oye wokombada yaaveshe. Ou womedu, oye wopedu ndele ta popi pedu. Ou ta di meulu, oye wokombada yaaveshe.

MATEUS 12:6

Ndele ohandi mu lombwele: Ou e li apa, oye e dule otembeli.

JONA 1:2

“Fikama, ove u ye kuNinive, oshilando shinene u shi udifile. Osheshi owii washo we uya koshipala shange.”

JEREMIA 3:11

Opo nee Omwene okwa lombwela nge: “Omwenyo womuliteeki Israel ou nouyuki u dule wanakuliteeka nge Juda.

JOHANNES 4:12

Oove omukulunhu mbela u dule tate Jakob, ou e tu pa ondungu ei, ndele ye a nwa mo novana vaye noimuna yaye?”

LUKAS 11:32

Ovalumenhu Ovaninive otava ka nyumuka efiku letokolo, nepupi eli, ndele tave li pe etimba, osheshi vo ove lidilululifwa keudifo laJona, ndele tala, ou e li apa, e dule Jona.

MATEUS 23:36

Oshili handi mu lombwele: aishe ei otai uya kombada yepupi eli.

MATEUS 17:17

Jesus okwa nyamukula ndele ta ti: “Woo, ove epupi lihe neitavelo nola pilalala, ofiyo onaini ndi nokukala punye? Ndele ofiyo onaini ndi noku mu lididimikila? Mu eteni kwaame.”

MATEUS 16:4

Epupi eli olii nolovanyoni vohombo ovo va hala edidiliko, ndele vo itava pewa edidiliko limwe olo tuu eli laJona.” Ndele okwe va fiya po ndele ta i.

MATEUS 12:45

Opo nee tai i ndele tai ka konga eemhepo dikwao dii di i dule, ndele tadi i mo ndele tadi kala mo. Ndele okukala kwaxuuninwa kwomunhu ou, otaku ningi kwii ku dule kwinya kwotete. Hano epupi eli lii osho tali ningilwa.”

MATEUS 12:39

Ndelenee Ye okwe va nyamukula ta ti: “Epupi eli lii lovanyoni vohombo la hala edidiliko, ndele itali pewa edidiliko limwe, olo tuu alike lomuxunganeki Jona.

JESAJA 54:17

Oshilwifo keshe tashi hambulwa shi ku lwife, otashi nyengwa. Nakeshe elaka tali ku hokololifa, oto li tomhele oushima. Eshi efyuululo lovapiya vOmwene nouyuki wavo womwaame, Omwene ta ti.

JONA 3:4

Ndele Jona okwa ya moshilando ndele ta ende mo efiku limwe, ndele ta udifa, ta ti: “Omafiku omilongo ine aeke, opo Ninive tashi hanaunwa po!”