MATEUS 12:25 - Ombibeli Iyapuki

²⁵ Ndelenee Oye a li e wete omadiladilo avo, ndele ta ti kuvo: “Okeshe tuu oshilongo tashi litwile ondubo musho vene, otashi teka po, nongaashi kaku noshilando ile eumbo tali litwile ondubo mulo vene tali kala po.

MATEUS 12:25 Referans Kwoze

OVAGALATI 5:15

Ndelenee ngeenge nye hamu lumatafana nohamu lyana, litaleni, muha manafane po filu.

JEREMIA 17:10

Aame Omwene, Ame ohandi konakona omutima nokuyeleka eefiyo, opo ndi va pe keshe umwe shi fike pokweenda kwaye noshi fike poiimati yoilonga yaye.

1 OVAKORINTO 2:11

Osheshi omunhu olyelye ta shiiva eshi shi li momunhu? Kakele omhepo yomunhu oyo aike ei i li muye. Ndele osho tuu kaku na ou ta shiiva ei i li muKalunga, Omhepo yaKalunga Oye aeke.

MATEUS 9:4

Ndele Jesus eshi a shiiva omadiladilo avo okwa tya kuvo: “Otamu diladilile shike owii momitima deni?

JESAJA 9:21

Manasse ota li Efraim naEfraim ota li Manasse, ndele aveshe ava vavali otava hangakene Juda. Ndele mwaaishe ei ehandu laye inali kandulwa po, ndelenee natango eke laye ola yeluka.

EHOLOLO 16:19

Noshilando shinene osho osha tukulwa oitukulwa itatu, noilando yoiwana oya ngumauka po, Babilon shinene sha dimbulukiwa kuKalunga shi pewe eholo lomaviinyu ehandu laye linene.

OVAHEBERI 4:13

Ndele kape na nande oshishitwa shimwe sha holekwa moipafi yaye, ndelenee aishe oya kala ngaho poluhaela momesho aye, kwaau tu noku mu lihepaululila.

MARKUS 2:8

Jesus okwe shi koneka diva momhepo yaye kutya, vo ove lidiladilila ngaha, ndele okwa tya kuvo: “Oshike tamu diladilile eshi momitima deni?

OMAPSALOME 139:2

nande ndi li omutumba, ile nda fikama, owe shi shiiva; omadiladilo ange ou a uditile kokule;

EHOLOLO 2:23

novana vaye ohandi va dipaa po sheke. Omaongalo aeshe notaa ka shiiva Aame ou, handi konakona eefiyo nomitima, ndele handi pe keshe umwe shi fike poilonga yaye.

JOHANNES 21:17

Oye ta ti kuye lutitatu: “Simon omona waJohannes, ou hole nge tuu?” Petrus okwa nyika oluhodi eshi te mu pula olutitatu: “Ove ou hole nge?” Ndele ta ti kuye: “Omwene, oinima aishe ove u i shii, ou shi shii ondi ku hole.” Jesus ta ti kuye: “Lifa eedi dange.

AMOS 4:13

Osheshi tala, Ye, ou ta me eemhunda, ndele ta shiti omhepo, ndele ta hololele omunhu omadiladilo aye, ou ta lundulula eluwa li ninge omulaulu, ou ta ende kombada yeemhunda dedu, edina laye Omwene, Kalunga komatanga ovakwaita!

1 EEHAMBA 16:21

Opo nee ovanhu vaIsrael va tukauka oitukulwa ivali: Oshitukulwa shimwe shovanhu osha shikula Tibni yaGinat, ve mu ninge ohamba, noshitukulwa shikwao sha shikula Omri.