MATEUS 11:5 - Ombibeli Iyapuki

⁵ ovapofi otava mono ko, noingudu otai ende, novanashilundu otava yelifwa, novafitamatwi otava udu ko, novafi otava nyumunwa, neehepele otava udifilwa evaengeli.

MATEUS 11:5 Referans Kwoze

LUKAS 4:18

“Omhepo yOmwene oi li kombada yange, osheshi Ye okwa vaeka nge ndi udifile eehepele evaengeli, Ye okwa tuma nge ndi xunge ava ve nomutima wa nyanyaulwa; okwa tuma nge ndi ingidile eenghwate emangululo novapofi etwikululo, okutembukifa mo oonakuhepekwa,

JESAJA 29:18

Ndele mefiku tuu olo ovafitamatwi otava ka uda ko eendjovo domishangwa, nomesho ovapofi otaa ka mona ko a manguluka komilaulu dilaula fokofoko.

JAKOB 2:5

Ovamwatate ovaholike, pwilikineni, Kalunga ina hoolola hamba ava va talwa kounyuni ou eehepele, va ninge oipuna meitavelo novafyuululi vouhamba ou wa udanekelwa ovo ve mu hole?

MATEUS 21:14

Ndele ovapofi noingudu ove uya kuye motembeli, Oye okwe va velula.

JOHANNES 10:38

Ndelenee, ngeenge handi i longo, nande itamu itavele nge, itaveleni oilonga ei, opo mu shiive ndele mu ude ko nokutya, Tate oku li mwaame naame ondi li muTate.”

JOHANNES 10:25

Jesus okwe va nyamukula: “Onde shi mu lombwela, ndele nye inamu itavela. Oilonga ei handi i longo medina laTate, otai hepaulula nge.

JOHANNES 5:36

Ndelenee Ame ondi na ehepaululo linene li dule linya laJohannes; osheshi oilonga ei Tate okwe i pa nge ndi i wanife, oilonga tuu ei handi longo, oyo tuu tai hepaulula nge nokutya, Tate okwa tuma nge.

JOHANNES 3:2

Ye okwe uya kuJesus oufiku ndele ta ti kuye: “Rabbi, otu shi shii, oove omulongi wa dja kuKalunga, osheshi kape na ou ta dulu okuninga oikumwifalonga ei to i ningi, Kalunga ngeenge ke li pamwe naye.”

JOHANNES 2:23

Hano Jesus eshi a li muJerusalem momafiku aPaasa, vahapu va itavela edina laye, shaashi va mona omadidiliko Ye e a ninga.

MARKUS 9:25

Ndele Jesus, eshi a mona ongudu yovanhu tai uya nokweendelela, okwa hanyena omhepo ya nyata, ndele ta ti kuyo: “Omhepo ove iho popi naave iho udu, ohandi ku lombwele: Dja mo muye, ove ino uya vali muye.”

MARKUS 7:37

Ovanhu ova haluka unene va tya: “Aishe okwe i ninga nawa, ovafitamatwi ohe va udifa ko novafitandaka ohe va ningi va popye.”

MATEUS 10:8

Veluleni ovanaudu, nyumuneni ovafi, yelifeni ovanashilundu, teni mo eendemoni. Onye mwa tambula oshali, yandjeni yo oshali.

MATEUS 9:30

Nomesho avo a twikuluka. Jesus okwe va kumaida neenghono ndele ta ti: Taleni, eshi shiha udike nande okomunhu.

JESAJA 66:2

Osheshi eke lange ola ninga oinima ei aishe, nosho aishe ei oya holoka, Omwene ta ti. Ndelenee Ame ohandi ka tala komufyoona nakwaau e nomhepo ya nyanyaulwa, ndele ta kakama molwondjovo yange.

JESAJA 43:8

Pitifa mo oshiwana shipofi, nande oshi nomesho, novafitamatwi, nande ove na omatwi.

OMAPSALOME 146:8

Omwene omutwikululi wovapofi. Omwene omunyongamununi wovanyongamekwa koufiye. Omwene omuhokwi wovayuki.

OMAPSALOME 22:26

Ovanambili tava ka lya va kute; naava tava kongo Omwene, tave mu hambelele. Omitima deni nadi kale nomwenyo fiyo alushe.

2 EEHAMBA 5:14

Opo nee a londoloka ndele ta ningine mo luheyali muJordan pandjovo yomulumenhu waKalunga. Nolutu laye la kala ngaashi shito, ngaashi olutu lomunyasha, ndele okwa yela.

2 EEHAMBA 5:7

Ohamba yaIsrael eshi ya lesha onhumwafo oyo, oya pombaula oikutu yayo ndele tai ti: “Ame mbela Kalunga ndi dule okudipaa nokutula omwenyo, eshi omulumenhu winya ta tumine nge ndi kufe momulumenhu oudu waye woshilundu? Dimbulukweni hano, mu tale, nhumbi ta kongo omhito okushinda nge.”

MATEUS 5:3

“Ovanelao eehepele domhepo, osheshi Ouhamba weulu owavo.

OILONGA YOVAYAPOSTOLI 2:22

“Ovalumenhu nye Ovaisraeli, pwilikineni eendjovo edi: Jesus Omunasareti, omulumenhu tuu ou mwe mu hepaululilwa kuKalunga moilonga yeenghono nomoinyengandunge nomomadidiliko oo Kalunga e mu longifa mokati keni, ngaashi nye vene mu a shii,

SAKARIA 11:7

Ndele nda lifa eedi tadi dipawa, eedi da hepelela shili. Ame onda kufa eenhaili mbali. Imwe nde i luka Ounyenye. Naikwao nde i luka Ekwatafano, ndele Ame nda lifa eedi.

EXODUS 4:11

NOmwene okwe mu nyamukula: “Olyelye a shitila omunhu okanya? Nolyelye a shita omufitandaka nomufitamatwi, omunamesho nomupofi? Haame Omwene?

JESAJA 29:19

Ndele ovalininipiki otava ka pewa alushe nehafo lipe mOmwene neehepelelela domovanhu tadi ka nyakukwa mOmuyapuki waIsrael.

MATEUS 11:4

Opo nee Jesus okwe va nyamukula ndele ta ti: “Indeni mu ka hepaululile Johannes edi tamu di udu naai tamu i mono:

MATEUS 12:13

Ndele okwa tya komulumenhu ou: “Yukililifa eke loye!” Oye okwe li yukililifa; ndele la veluka, nola kala ngaashi likwao.

JOHANNES 9:7

Ndele ta ti kuye: “Inda u ke likoshe metale laSiloa” (otali ti: Omutumwa). Ndele ye okwa ya ko, ndele te likosho, ndele a aluka e wete ko.