MATEUS 11:3 - Ombibeli Iyapuki

³ nondaka ei: “Oove tuu ou nakuuya, ile tu nokuteelela umwe?”

MATEUS 11:3 Referans Kwoze

JOHANNES 11:27

Ye okwa tya kuye: “Heeno Omwene, handi itavele nokutya, Oove Kristus, Omona waKalunga, ou e nokuuya mounyuni.”

MALAKIA 3:1

Tala, Ame ohandi tumu omutumwa wange, ou ta ka kokolela nge ondjila yange. Opo Omwene ou tamu mu kongo, ote ke uya divadiva motembeli yaye, nokutya Omweengeli wehangano, ou mwe mu djuulukwa. Tala, Ye ote uya, Omwene womatanga ovakwaita ta ti.

OVAHEBERI 10:37

“Osheshi ope nokafimbo, okafimbo kaxupi kongaho, ou e nokuuya ote uya nee, ye ita kala ko,

MIKA 5:2

Ndele oove Betlehem Efrata, oove munini mokati komapata aJuda, mwoove tamu ka dja ou, ta ka ninga Omupangeli muIsrael. Nehovelo laye oloshitonale, heeno, olomoukwaalushe.

JOHANNES 7:31

Ndele vahapu vomongudu yovanhu ve mu itavela, ndele tava ti: “Kristus ngeenge te uya ota ka longa oikumwifalonga ihapu e dule ou?”

JOHANNES 6:14

Opo ovanhu eshi va mona oshikumwifalonga eshi Jesus e shi ninga, ova tya: “Ou oshili omuxunganeki winya kwa li e nokuuya mounyuni.”

SAKARIA 9:9

Hafa unene, ove omona okakadona kaSion, nyakukwa pombada, omona okakadona kaJerusalem! Tala, ohamba yoye te uya kwoove! Ye omuyuki nomufindani, Ye omulixupipiki, ndele ta londo okambulu, okambulwena kokambulu okakadi.

GENESIS 3:15

Ndele Ame ohandi ka tula outondwe pokati koye nomwalikadi nokoludalo loye nokoludalo laye. Ye ota ka nyanyaula omutwe woye ndele ove to ke mu twa moshififinwa.”

JOHANNES 16:14

Oyo tai fimanekifa nge, osheshi otai kufwa mwaai yange, ndele tai mu hepaululile.

JOHANNES 12:13

ova fola eembale domilunga nova ya ve ke mu shakeneke, ndele vo va ingida: “Hosianna! Na nangekwe noupuna, ou te uya medina lOmwene, ou ohamba yaIsrael.”

JOHANNES 4:21

Jesus ta ti kuye: “Omukainhu, itavele nge, efimbo tali uya, itamu ilikana Tate komhunda ei ile muJerusalem.

LUKAS 19:38

ndele tava ti: “Na nangekwe noupuna ohamba, ou te uya medina lOmwene, ombili omeulu nefimano opombada.”

MARKUS 11:9

Ndele ovo va li komesho naavenya va shikula ko ova ingida: “Hosianna, na nangekwe noupuna, ou te uya medina lOmwene.

MATEUS 21:9

Ndele eengudu dovanhu, ovo va kwatela komesho naavo ve mu shikula, ova ingida mokule tava ti: “Hosianna Omona waDavid! Na nangekwe noupuna, ou te uya medina lOmwene. Hosianna omokombada!”

MATEUS 21:5

“Lombweleni omona okakadona kaSion: ‘Tala, ohamba yoye te uya kwoove omunambili nokwa londa okambulu, okambulwena kokambulu haka longifwa.’ ”

MALAKIA 4:2

Ndelenee nye ava hamu tila edina lange, etango louyuki tali ke mu pitila, neveluko koshi yomavava alo. Ndele nye tamu ka pita mo nokunhuka ngaashi eenhaanguda, da dja moshinyongo.

HAGGAI 2:7

Ohandi ka kakamifa yo oiwana aishe, opo omamona oiwana aishe tae ke uya ndele Ame ohandi ka yadifa otembeli ei noshinge, Omwene womatanga ovakwaita ota ti.

OBADJA 1:21

Opo nee taku di ovaxupifi tave uya komhunda yaSion, va ka tokole eemhunda daEsau. Nouhamba otau ka ninga wOmwene.

HOSEA 3:5

Opo nee ovana vaIsrael tava ka aluka, ndele tava kongo Omwene Kalunga kavo naDavid, ohamba yavo. Ndele tave ke uya nokukakama tava ehene kOmwene nokouwa waye pexulilo lomafiku.

JESAJA 7:14

Onghee hano Omwene ote mu pe edidiliko: Tala, okakadona otaka ka ninga kafimba, ndele taka dala omona okamati, ndele te ka luku Immanuel.

OMAPSALOME 118:26

Na nangekwe noupuna, ou te uya medina lOmwene. Ohatu mu punikile mongulu yOmwene.

NUMERI 24:17

Ame ohandi mu mono, ndelenee hapaife; ohandi mu tale, ndelenee hapopepi: onyofi tai ka holoka muJakob, nepangelodibo tali yeluka muIsrael. Ndele Ye ta ka teyaula eembadu domomutwe waMoab ndele ta kombo po oludalo alishe laShet.

GENESIS 49:10

Epangelodibo itali ka kufwa kuJuda nodibo youhamba itai di po peemhadi daye. Fiyo ou e na okuuya te uya, noiwana tai ka dulika kuye.

GENESIS 12:3

Ndele Ame ohandi ka nangeka noupuna ava tave ku nangeke noupuna, ndele handi ka finga ou te ku fingi. Ndele omapata aeshe kombada yedu otaa nangekwa noupuna mwoove.”

MATEUS 11:4

Opo nee Jesus okwe va nyamukula ndele ta ti: “Indeni mu ka hepaululile Johannes edi tamu di udu naai tamu i mono:

MATEUS 11:10

Ndele oye tuu ou a shangwa kwa tiwa: ‘Tala, ohandi ku tetekelifile omutumwa wange, oye e noku ku longekidila ondjila.’