MATEUS 10:23 - Ombibeli Iyapuki

²³ Ndele ngeenge tave mu taataa moshilando shimwe, tembukileni kushikwao; osheshi oshili handi mu lombwele: onye itamu mane okweenda oilando aishe yaIsrael fiyo Omona wOmunhu te uya.

MATEUS 10:23 Referans Kwoze

MATEUS 16:28

Oshili handi mu lombwele: ope na vamwe mokati kaava ve li ofika apa, itava makele efyo, fiyo tava mono okuuya kwOmona wOmunhu mOuhamba waye.”

OILONGA YOVAYAPOSTOLI 17:10

Ndele diva moufiku tuu winya ovamwatate ova tuma Paulus naSilas kuBerea, naashi va fika mo, ova ya moshinagoga yOvajuda.

OILONGA YOVAYAPOSTOLI 8:1

Ndele Saulus yo okwa li a panda okudipawa kwaStefanus. Mefiku tuu olo eongalo lomuJerusalem ola hangika ketewatewo linene, naaveshe ve lihanena momikunda daJudea nodaSamaria, ovayapostoli aveke va fyaala mo.

MARKUS 13:26

Opo nee vo otava mono Omona wOmunhu te uya moilemo neenghono dinene noshinge.

LUKAS 21:27

Ndele tava mono Omona wOmunhu te uya ta ende moshilemo, e neenghonopangelo dinene noshinge.

LUKAS 18:8

Ohandi mu lombwele: ote shi va yukifile divadiva. Ndelenee Omona wOmunhu ngeenge te uya, ota hange ko tuu eitavelo kombada yedu?”

JOHANNES 7:1

Ndele konima yoinima ei Jesus okwa li ha endaenda muGalilea, osheshi okwa li ina hala okweenda muJudea, shaashi Ovajuda ve mu nangela ve mu dipae.

MATEUS 26:64

Jesus okwa tya kuye: “Ove we shi tya. Ndele ohandi mu lombwele: onena eli otamu ka mona Omona wOmunhu ta kala omutumba kolulyo lEenghono ndele te uya, ta ende kombada yoilemo yokeulu.”

MATEUS 24:30

Edidiliko lOmona wOmunhu tali monika keulu, opo nee oiwana aishe yedu tai lilaana; ndele tai ka mona Omona wOmunhu te uya kombada yoilemo yeulu e neenghono dihapu noshinge;

OILONGA YOVAYAPOSTOLI 17:14

Opo nee ovamwatate ova tuma diva Paulus kefuta, ndelenee Silas naTimoteus ova kala po.

MATEUS 25:13

Kaleni hano oupafi, osheshi inamu shiiva efiku notundi.

MATEUS 24:48

Ndelenee omupiya ou ngeenge omwii, note lipopile momwenyo waye: ‘Omwene wange ota kala ko’,

MATEUS 24:27

Osheshi ongaashi oluvadi tali shela koushilo ndele tali monika fiyo okouninginino, nokuuya kwOmona wOmunhu osho taku ningi.

MATEUS 23:34

Ndele tala, Ame ohandi tumu kunye ovaxunganeki novanaendunge novanongo vomishangwa. Vamwe vavo otamu va dipaa ndele tamu va valele komushiyakano, vamwe otamu va denge neeshokoto omeeshinagoga deni, ndele tamu va taataa moshilando noshilando;

MATEUS 4:12

Ndele Jesus eshi a uda Johannes a tulwa modolongo, okwa shuna kuGalilea.

MATEUS 2:13

Ndele eshi va ya, tala, omweengeli wOmwene okwa holokela Josef mondjodi ndele ta ti: “Fikama, kufa okaana naina u ye onhapo kuEgipiti, u kale kwinya fiyo ohandi ku lombwele; osheshi Herodes e li po ta diladila okukonga okaana e ka dipae.”

OILONGA YOVAYAPOSTOLI 20:1

Ndele euyaano olo eshi la mwena, Paulus okwa ifana ovalongwa, ndele eshi e va lombwela eendjovo dehekeleko, okwe va lekela ndele ta di po, ta i kuMakedonia.

JEREMIA 26:21

Ohamba Jehoiakim novaladi vaye aveshe nomalenga aye aeshe omakulunhu, eshi va uda eendjovo odo, ohamba oya li tai mu kongo ya hala oku mu dipaa. Uria eshi e shi uda okwa tila, ndele ta i kuEgipiti.

MATEUS 16:27

Osheshi Omona wOmunhu te ke uya pamwe novaengeli vaye omoshinge shaxe, opo nee Oye ta futu keshe ou shi fike poilonga yaye.

MATEUS 23:36

Oshili handi mu lombwele: aishe ei otai uya kombada yepupi eli.

MATEUS 24:34

“Oshili handi mu lombwele: epupi eli itali xulu po, fiyo aishe ei tai wanifwa.