MATEUS 10:22 - Ombibeli Iyapuki

²² Ndele edina lange otamu ke li tondelwa kwaaveshe; ndele ou te lididimike fiyo okexulilo, oye ta xupifwa.

MATEUS 10:22 Referans Kwoze

MATEUS 24:13

Ndelenee ou te lididimike fiyo exulilo, oye ta xupifwa.

JAKOB 1:12

Omulumenhu omunelao oye ou te lididimikile eshindo, osheshi ngee a ningi omuduli walo, ota ka pewa oshishani shomwenyo, ou Omwene a udanekela ava ve mu hole.

EHOLOLO 2:10

Ino tila oyo tai ke ku hepeka. Tala, ondiaboli otai idilile vamwe vomunye modolongo, mu yelekwe, ndele otamu ka monifwa oudjuu omafiku omulongo. Diinina fiyo okefyo, Ame nohandi ku pe oshishani shomwenyo.

MARKUS 13:13

Nye otamu ka tondwa kwaaveshe omolwedina lange, ndele ou te lididimike fiyo okexulilo, ye ota ka xupifwa.

MATEUS 10:39

Oye ou te limonene omwenyo waye, oye te u kanifa, naau ta kanifile nge omwenyo waye, oye te u limonene.

1 JOHANNES 3:13

Ovamwatate nye, inamu kumwa ounyuni ngeenge tau mu tondo.

MATEUS 24:9

“Ndelenee tave mu yandje okuhepekwa, ndele tave mu dipaa, nde tamu tondelwa edina lange koiwana aishe.

OVAROMA 2:7

Kwaava tava kongo oshinge nefimano nokuhaxulapo mokudiinina oilonga iwa, omwenyo waalushe,

OVAHEBERI 6:11

Ndele otwa halelela shili keshe umwe womunye a holole ouhapu u fike pamwe, opo mu diinine mu kale mu neteelelo la pama fiyo okexulilo,

JOHANNES 17:14

Ame onde va pa eendjovo doye, nounyuni otau va tondo, osheshi vo kave fi vomounyuni ou, ngaashi Ame ndihe fi womounyuni ou.

OVAGALATI 6:9

Ndele mokulonga ouwa inatu lolokeni, osheshi efimbo ngeenge la fiki, ohatu ka teya yo, ngeenge itatu loloka.

LUKAS 6:22

“Ovanelao nye ovanhu ngeenge tave mu tondo molwedina lOmona wOmunhu ndele have mu kondo mo nohave mu sheke, nedina leni have li dini la fa lii.

2 OVAKORINTO 4:11

Osheshi ofye ava tu nomwenyo ohatu yandjwa efimbo keshe mefyo molwaJesus, opo omwenyo waJesus u holoke yo mombelela yetu ya nyika efyo.

MATEUS 5:11

“Ovanelao onye, ovanhu ngeenge tave mu sheke ndele tave mu taataa ndele tave mu popile mowii aushe nokufufya molwange.

EHOLOLO 2:17

“ ‘Ou e nokutwi, na ude eshi Omhepo tai shi lombwele omaongalo. Omufindani ohandi mu pe a lye omanna a holekwa, ndele handi mu pe emanya litoka, nomemanya omo edina lipe la shangelwa mo, ndele itali shiivika nande okomunhu, kakele kaau aeke te li tambula.’

JOHANNES 7:7

Ounyuni itau dulu oku mu tonda; Ame otau tondo nge, shaashi handi hepaulula nokutya, oilonga yao oii.

LUKAS 8:15

Ndele odo domedu liwa ovovo tava kwatele eendjovo ve di uda momitima diwa dihe noihelele, ndele otava imi oiimati moudiinini.

EHOLOLO 3:21

Ou ta findi, ohandi mu kaleke omutumba pamwe naame kolukalwapangelo lange, ngaashi Ame nda finda ndele ndi li omutumba pamwe naTate okolukalwapangelo laye.

EHOLOLO 2:7

“ ‘Ou e nokutwi, na ude eshi Omhepo tai shi lombwele omaongalo. Omufindani ohandi mu pe okulya komuti womwenyo u li moParadisa yaKalunga.’

OVAHEBERI 3:14

Osheshi fye otwa ningwa ovakwao vaKristus, shamha tuu hatu diinine elineekelo letu fiyo okexulilo ngaashi pehovelo.

EHOLOLO 2:26

Ou ta findi ndele ta diinine oilonga yange fiyo okexulilo, ohandi mu pe eenghono dokupangela oiwana,

OILONGA YOVAYAPOSTOLI 9:16

osheshi nda hala ndi mu monifile oudjuu opo u fike, e noku u humbatela edina lange.”

EHOLOLO 2:3

ndele ove u nelididimiko, ndele wa humbata oudjuu omolwedina lange ndele ino loloka.

OMAYELETUMBULO 29:27

Omunhu omunaipupulu oye oixuna koshipala shovayuki, ndele omweendinondjila ya yuka oye oixuna koshipala shomuhenakalunga.

LUKAS 21:17

ndele nye tamu ka tondelwa edina lange kwaaveshe.

LUKAS 21:19

Okelididimiko leni otamu lixupifile eemwenyo deni.