MATEUS 10:2 - Ombibeli Iyapuki

² ndele omadina ovayapostoli omulongo navavali oyaa: wotete oSimon, a ifanwa Petrus, naAndreas, ondenge yaye, naJakob yaSebedeus naJohannes, ondenge yaye;

MATEUS 10:2 Referans Kwoze

OILONGA YOVAYAPOSTOLI 1:13

Ndele eshi ve uya ko, ova ya kondjuwo ei yokombada omo hava kala mo yo shito: oPetrus naJohannes naJakob naAndreas naFilippus naTomas naBartolomeus naMateus naJakob yaAlfeus naSimon omuladi naJudas yaJakob.

MATEUS 4:21

Ndele mokweehena komesho, okwa mona ko ovamwainafana vavali, Jakob yaSebedeus, nondenge yaye Johannes, mowato pamwe naxe Sebedeus, tava vandeke oiyulifo yavo. Ndele Ye okwe va ifana.

JOHANNES 12:22

Filippus okwa ya ndele te shi lombwele Andreas, Andreas naFilippus ova ka hepaululila Jesus.

JOHANNES 6:8

Opo nee umwe womovalongwa vaye, Andreas, omumwaina waSimon Petrus, okwa tya kuye:

LUKAS 5:10

ndele osho tuu yo Jakob naJohannes, ovana vaSebedeus oovakwao vaSimon. Jesus okwa lombwela Simon: “Ino tila, okonena tuu eli oto ningi omuyuli wovanhu.”

MATEUS 4:18

Ndele eshi kwa li ta kunghula nefuta laGalilea, okwa mona ko omunhu namumwaina, Simon, ha ifanwa Petrus, nondenge yaye Andreas, va li tava ekele oshiyulifo mefuta; osheshi vo va li ovayuli veeshi.

LUKAS 11:49

Onghee ounongo waKalunga tau ti: ‘Ohandi va tumine ovaxunganeki novayapostoli, navamwe vomuvo otave va dipaa, navakwao tave va taataa,’

EHOLOLO 1:9

Aame Johannes, omumwaxo omukweni mouyehame nomouhamba nomelididimiko muJesus Kristus; onda li konhunhu yaPatmos omolwondjovo yaKalunga nomolwehepaululo laJesus Kristus.

2 JOHANNES 1:1

Aame omukulunhu, komukainhu omuhoololwa novana vaye, ava ndi va hole moshili, ndele haame andike, ndelenee naaveshe ovo yo va shiiva oshili,

2 PETRUS 1:1

Simeon Petrus, omupiya nomuyapostoli waJesus Kristus, okwaavo va mona eitavelo li nondilo li fike puletu omouyuki waKalunga ketu nowOmukulili Jesus Kristus.

1 PETRUS 1:1

Petrus, omuyapostoli waJesus Kristus, okovanailongo ovahoololwa ve li ko, ve lihanena muPontus nomuGalatia nomuKappadokia nomuAsia nomuBitinia,

OVAHEBERI 3:1

Onghee hano, ovamwatate ovayapuki naava mwa ifanwa keifano lomeulu, omadiladilo eni a kanyatelifeni komuyapostoli nokomupristeli omukulunhu wehepaululo letu, Kristus Jesus,

OVAEFESO 4:11

Ndele Ye okwa yandja vamwe va ninge ovayapostoli navamwe ovaxunganeki navamwe ovaevaengeliste navamwe ovafita navamwe ovalongindjovo

1 OVAKORINTO 15:7

Ndele okwe lihololela vali Jakob novayapostoli aveshe.

OILONGA YOVAYAPOSTOLI 12:2

Ndele okwa dipaifa Jakob, omumwaina waJohannes, neongamukonda.

OILONGA YOVAYAPOSTOLI 3:1

Ndele Petrus naJohannes ova ya motembeli pefimbo leilikano potundi onhimugoi.

OILONGA YOVAYAPOSTOLI 1:26

Vo ove va pa oihoololifo, noshihoololifo osha kwata Matias, ye okwa valulilwa movayapostoli venya omulongo naumwe.

JOHANNES 21:24

Omulongwa ou oye tuu ta hepaulula oinima ei, ndele e i shanga, notu shi shii ehepaululo laye oloshili.

JOHANNES 21:20

Opo nee Petrus okwa punguluka ndele ta mono omulongwa ou, Jesus a li e mu hole, te mu shikula, oye ou a li e liyaameka ponhulo yaye pouvalelo, ndele a tile: “Omwene, olyelye ou te ku kengelele?”

JOHANNES 21:2

Simon Petrus naTomas, ou a ifanwa Omukwanambwiyu, naNatanael womuKana shomuGalilea, novana vaSebedeus navakwao vavali vomovalongwa vaye va li pamwe.

JOHANNES 20:2

Opo ye a lotoka, ndele te uya kuSimon Petrus nokomulongwa mukwao, ou Jesus kwa li e mu hole, ndele ta ti kuvo: “Ovo va kufa mo Omwene mombila, ndele katu shii apa ve mu tula.”

JOHANNES 13:23

Naumwe womovalongwa vaye, ou Jesus okwa li e mu hole, e liyaameka konhulo yaJesus fimbo ta li.

LUKAS 22:14

Ndelenee efimbo eshi la fika, Ye okwa kala omutumba poshililo novayapostoli pamwe naye.

LUKAS 22:8

Opo Jesus okwa tuma ko Petrus naJohannes ta ti: “Indeni mu ke tu longekidile odi yaPaasa tu i lye.”

LUKAS 9:10

Opo ovayapostoli va aluka ndele ove mu hepaululila aishe ei ve i longa. Ye okwa ya navo mouwike popepi noshilando shaBetsaida.

MARKUS 13:3

Ndele eshi a kala omutumba kOmhunda yEemono, a taalela kotembeli, Petrus naJakob naJohannes naAndreas, eshi va li po vo aveke, ove mu pula:

MARKUS 1:29

Eshi va dja mo moshinagoga, ova ya diva meumbo laSimon naAndreas, pamwe naJakob naJohannes.

MATEUS 26:37

Ndele pamwe naye okwa kufa Petrus novana vavali vaSebedeus. Ye okwa hovela okunyika oluhodi nokuudite oudjuu.

MATEUS 20:20

Opo nee ina yovana vaSebedeus okwe uya kuye novana, ndele te mu twile eengolo a hala oku mu indila sha.

MATEUS 17:1

Ndele eshi pita omafiku ahamano, Jesus okwa kufa Petrus naJakob nondenge yaye Johannes, ndele okwe va twala komhunda ile unene, ve ke likalele.

EHOLOLO 22:8

Aame Johannes, ou omuudi nomumoni woinima ei; opo tuu opo eshi nde shi mona, nonde shi uda, onde linyongamena keemhadi domweengeli, ou a ulikila nge oinima ei.

EHOLOLO 1:1

Ehololo laJesus Kristus, eli Kalunga e li mu pa okuulikila ovapiya vaye ei i nokuningwa diva. Jesus okwe i shiivifila Johannes, omupiya waye nokutuma omweengeli waye kuye.

3 JOHANNES 1:1

Aame omukulunhu kuGaius omuholike, ou ndi mu hole moshili.

EHOLOLO 18:20

“Shi nyakukilweni, eulu novayapuki novayapostoli novaxunganeki, osheshi Kalunga okwe shi tokola noku shi kwatela onghone molweni.”

MARKUS 6:30

Ndele ovayapostoli ova ongala puJesus, ndele tave mu hepaululile aishe, keshe osho ve shi ninga nakeshe osho ve shi longa.

JOHANNES 6:67

Opo nee Jesus okwa lombwela ava omulongo navavali: “Nanye yo mwa hala okuya?”

JOHANNES 6:70

Jesus okwe va nyamukula: “Haame nde mu hoolola, nye omulongo navavali? Ndelenee umwe womunye omudiaboli.”

JOHANNES 6:71

Ndelenee eshi okwe shi tonga omolwaJudas omona waSimon Iskariot, osheshi ye okwa li ou te ke mu kengelela, ndele ye a li umwe waava omulongo navavali.